Խորենացու «Տենչայր Սաթենիկ» հատվածի առթիվ
| Խորենացու «Տենչայր Սաթենիկ» հատվածի առթիվ | |
|---|---|
| Տեսակ | հոդված |
| Ժանր | հոդված |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1894 թվականի սկզբներ |
| Հրատարակվել է | 1894 թվական |
| Վիքիդարան | Խորենացու «Տենչայր Սաթենիկ» հատվածի առթիվ |
«Խորենացու «Տենչայր Սաթենիկ» հատվածի առթիվ», Հովհաննես Թումանյանի հոդվածներից, որը ենթադրաբար գրվել է 1894 թվականի սկզբներին[1]։
Պատմություն[խմբագրել | խմբագրել կոդը]
Հավանաբար հոդվածը գրվել է 1894 թվականի սկզբներին, քանի որ հոդվածի սկզբում 1893 թվականի մասին Թումանյանն արդեն անցյալով է գրել. «1893 թվականին մտածեցի մի բան հյուսել...» և այլն։
Առաջին անգամ տպագրվել է 1894 թվականին Թիֆլիսի «Հորիզոն» գրական հանդեսի 168-176 էջերում, ապա՝ Երևանում հրատարակված Նվարդ Թումանյանի կազմած և խմբագրած «Թումանյանը քննադատ» գրքի 23-31 էջերում։ Այնուհետև տպագրվել է Թումանյանի երկերի ժողովածուի 4-րդ հատորի 13-21-րդ էջերում[1]։
Թումանյանի երկեր լիակատար ժողովածուի վեցերորդ հատորում տպագրված է «Հորիզոն» գրական հանդեսից։
Հոդվածում հիշատակվում է «Արտավազդ Բ» դրամայի մասին, որը Թումանյանի առաջին դրաման պետք է լիներ՝ գրված Շեքսպիրի երկերի ոգով։ Նշված դրամայից մնացել են միայն փոքր սևագիր հատվածներ և հիշատակություններ Թումանյանի նամակներում, ինչպես նաև ժամանակակիցների հուշերը[2]։
Թումանյանը հոդվածը գրելիս օգտվել է 1913 թվականին Թիֆլիսում տպագրված Մովսես Խորենացու «Հայոց պատմություն» գրքից, «Նոր բառգիրք հայկազեան լեզուի» բառարանից։
