Խոզաբուծական ֆերմա
 |
Առաջարկվում է այս և Խոզաբուծություն հոդվածները միացնել իրար: (քննարկում) |
Խոզաբուծական ֆերմա, խոզերի բուծման և մսի արտադրության գյուղատնտեսության ձեռնարկություն։
Նկարագրություն[խմբագրել | խմբագրել կոդը]
Տոհմային խոզաբուծական ֆերմայում աճեցնում են տոհմային մատղաշներ, ապրանքային խոզաբուծական ֆերմայում արտադրում են միս։ Ապրանքային խոզաբուծական ֆերմաները լինում են վերարտադրողական (բտման մասնագիտացված ձեռնարկությունների համար բուծում են խոճկորներ), բտման (մատղաշներին բտում են մինչև մսամթերման հանձնելը) և ավարտուն արտադրական շրջափուլով (ստանում են խոճկորներ և դրանց բտում են մինչև մսամթերման հանձնելը)։ Խոզաբուծական ֆերմայի չափերը պայմանավորված են տնտեսության մթերատվության ուղղվածությամբ, բնատնտեսական պայմաններով։ Տնտեսության պայմաններից կախված խոզերը կարող են խոզաբուծական ֆերմայում պահվել ողջ տարին կամ միայն ձմռանը (տարվա տաք ժամանակաշրջանում դրանց տեղափոխում են ամառային ճամբարներ)։ Խոզերին պահում են հատուկ շինություններում՝ խոզանոցներում։ Խոզաբուծական ֆերմայի տարածքում կառուցում են նաև կերապատրաստման արտադրամաս, անասնաբուծական, սանկենցաղային և ծառայողական շինություններ, տարբեր կառուցվածքներ (ջրամատակարարում, կոյուղի և այլն), կերերի և ցամքարի պահեստարաններ և այլն։
Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ 
|