Խաչիկ Երիցյան

Խաչիկ Երիցյան;
Ծնվել է	1918
Ծննդավայր	Ղրղի, Հայաստան
Մահացել է	1993
Քաղաքացիություն	ԽՍՀՄ և Հայաստան
Կրթություն	Հայկական պետական մանկավարժական համալսարան
Մասնագիտություն	մանկավարժ
Կուսակցություն	ԽՄԿԿ
Պարգևներ և ; մրցանակներ	և

Վիքիպեդիայում կան հոդվածներ Երիցյան ազգանունով այլ մարդկանց մասին։

Խաչիկ Մամիկոնի Երիցյան (1918, Ղրղի, Հայաստան - 1993), հայ մանկավարժ, ԽՄԿԿ անդամ (1944), Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։

Կենսագրություն

Խաչիկ Երիցյանը ծնվել է 1918 թվականին, Շամշադինի շրջանի Ղըրղի (այժմ՝ Արծվաբերդ) գյուղում։ Միջնակարգ կրթությունն ստացել է հայրենի գյուղում։ Դպրոցում սովորելուն զուգընթաց 1935-1938 թվականներին աշխատել է գյուղի բնակչության անգրագիտության վերացման դպրոցում։ Միջնակարգն ավարտելուց հետո 1938 թվականին ընդունվել է Երևանի Խաչատուր Աբովյանի անվան մանկավարժական ինստիտուտի պատմության ֆակուլտետը^[1]։

Ինստիտուտը չավարտած Երիցյանը զորակոչվել է կարմիր բանակ և ծառայությունն սկսել 155-րդ հրաձգային բրիգադում։ Սեպտեմբերին Մարուխի լեռնանցքում տեղի ունեցող կատաղի մարտերում Երիցյանի գունդը ազատագրել է Կովկասի նախալեռները և Մարուխի սառցադաշտը։ Մարտերից մեկում Խաչիկը վիրավորվել է, տեղափոխվել հոսպիտալ և 1943 թվականին զորացրվել է բանակից^[1]։

Զորացրվելուց հետո Երիցյանը ավարտել է մանկավարժական ինստիտուտի աշխարհագրության ֆակուլտետը։ Աշխատել է «Ավանգարդ» թերթի խմբագրությունում որպես գրական աշխատող։ Մինչև կենսաթոշակի անցնելը աշխատել է Երևանի Օրջոնիկիձեի շրջանի № № 64, 47, 6 դպրոցների ուսմասվար։

1944 թվականին ընդունվել է ԽՄԿԿ շարքերը։

Պարգևատրվել է «Մարտական ծառայությունների համար», «Կովկասի պաշտպանության համար» և ուրիշ մեդալներով^[1]։

Խաչիկ Երիցյանը մահացել է 1993 թվականին։

Պարգևներ

«Մարտական ծառայությունների համար» մեդալ
«Կովկասի պաշտպանության համար» մեդալ

Ծանոթագրություններ

↑ ^1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[haygirk-1] 1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[1]