Լևոն Ուլիբեկյան
Ուլիբեկյան Լևոն Հովհաննեսի | |
---|---|
Ծնվել է | 1886 |
Ծննդավայր | Շուլավեր (այժմ՝ Շահումյան), Մառնեուլ |
Քաղաքացիություն | Վրաստան |
Աշխատանք | ՌՍԴԲ գավառային կոմիտեի քարտուղար |
Ուլիբեկյան Լևոն Հովհաննեսի (1886, Շուլավեր (այժմ՝ Շահումյան, ԽՍՀՄ Մառնեուլի շրշանում)), բանվորական հեղափոխական, Անդրկովկասում հեղափոխական շարժումների, Հայաստանում խորհրդային իշխանության հաստատման ու ամրապնդման համար պայքարի մասնակից։
Կենսագրություն[խմբագրել | խմբագրել կոդը]
Կոմունիստական կուսակցության անդամ 1906 թվականից։ 1914 թվականին զորակոչվել է բանակ և ուղարկվել Կովկասյան ռազմաճակատ։1917 թվականի Փետրվարյան հեղափոխությունից հետո վերադարձել է Շուլավեր, ընտրվել ՌՍԴԲ գավառային կոմիտեի քարտուղար։ 1918 թվականին Թիֆլիսում հեղափոխական գործունեության համար ձերբակալվել և արտաքսվել է Վրաստանի սահմաններից։
1919 թվականին եկել է Ալեքսանդրապոլ (այժմ՝ Լենինական) և աշխատել երկաթուղային դեպոյում, շարունակել հեղափոխական աշխատանքը։ Դաշնակների կողմից ձերբակալվել և չորս ամիս ներընկալվել է Ալեքսանդրապոլի բանտում։ Մասնակցել է Մայիսյան ապստամբությանը (1920), ընտրվել Հայաստանի Ռազմահեղափոխական կոմիտեի կազմում։ Ապստամբությունը ճնշելուց հետո մեկնել է Բաքու, որտեղ ընտրվել է Հայաստանի կոմկուսի Կենտկոմի արտասահմանյան բյուրոյի կազմում։ Հայաստանում խորհրդային իշխանության հաղթանակից հետո արհմիութենական ղեկավար աշխատանք է կատարել Երևանում և Լենինականում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |