Լևոն Մայիլյան

Վիքիպեդիայում կան հոդվածներ Մայիլյան ազգանունով այլ մարդկանց մասին։

Լևոն Մայիլյան
Ծնվել է	փետրվարի 3, 1891(1891-02-03)
Ծննդավայր	Մեծշեն, Ելիզավետպոլի նահանգ, Ռուսական կայսրություն
Մահացել է	1976
Մահվան վայր	Բաքու, Ադրբեջանական ԽՍՀ, ԽՍՀՄ
Քաղաքացիություն	Ռուսական կայսրություն և  ԽՍՀՄ
Կրթություն	Բաքվի պետական համալսարան (1927)
Մասնագիտություն	բժիշկ և թերապևտ
Կոչում	պրոֆեսոր
Գիտական աստիճան	բժշկական գիտությունների դոկտոր (1935)
Պարգևներ

Լևոն Մինասի Մայիլյան (փետրվարի 3, 1891(1891-02-03), Մեծշեն, Ելիզավետպոլի նահանգ, Ռուսական կայսրություն - 1976, Բաքու, Ադրբեջանական ԽՍՀ, ԽՍՀՄ), հայ բժիշկ, թերապևտ։ Բժշկական գիտությունների դոկտոր (1935), պրոֆեսոր (1938): Ադրբեջանական ԽՍՀ վաստակավոր բժիշկ (1939): Ադրբեջանական ԽՍՀ գիտության վաստակավոր գործիչ (1941):

Կենսագրություն

Լևոն Մայիլյանը ծնվել է 1891 թվականի փետրվարի 3 (15)-ին Մեծշեն (այժմ՝ ԼՂՀ Մարտակերտի շրջանում) գյուղում։ 1927 թվականին ավարտել է Ադրբեջանի պետական համալսարանի բժշկական ֆակուլտետը։ 1927-1938 թվականներին աշխատել է Ադրբեջանի բժշկական ինստիտուտի թերապիայի ամբիոնում, 1938-1976 թվականներին՝ վարիչ։

Աշխատանքները վերաբերում են ստամոքսի և 12-մատնյա աղիքի խոցային հիվանդության վաղ ախտորոշման և ֆիզիոթերապևտիկ եղանակներով բուժման հարցերին։ Եղել է Ադրբեջանի բժշկական ընկերության փոխնախագահ, Թերապևտների համամիութենական ընկերության նախագահության անդամ, Ադրբեջանի ռևմատոլոգների ընկերության նախագահ։

Մահացել է 1976 թվականին, Բաքվում։

Պարգևներ

• Լենինի շքանշան (1952)
• Ադրբեջանական ԽՍՀ գիտության վաստակավոր գործիչ (1941)
• Ադրբեջանական ԽՍՀ վաստակավոր բժիշկ (1939)

Երկեր

• Секреторная реакция на пищевое раздражение при язве желудка, как объективный диагностический метод, Баку, 1936.