Լուբնա Տահտամունի

Վիքիպեդիայից՝ ազատ հանրագիտարանից
Լուբնա Տահտամունի
արաբ․՝ لبنى تهتموني‎‎‎
Դիմանկար
Ծնվել էհունվարի 24, 1976(1976-01-24) (48 տարեկան)
ԾննդավայրԻրբիդ, Հորդանան
Քաղաքացիություն Հորդանան
Կրոնիսլամ
ԿրթությունՀորդանանի համալսարան (1997, 2000), Կոլորադո նահանգի համալսարան (2005) և Կոլորադոյի համալսարան
Մասնագիտությունկենսաբան
Պարգևներ և
մրցանակներ
 Lubna Tahtamouni Վիքիպահեստում

Լուբնա Համիդ Տաֆիք Տահտամունի (արաբ․՝ لبنى تهتموني‎‎, հունվարի 24, 1976(1976-01-24), Իրբիդ, Հորդանան), հորդանանցի կենսաբան, որը հայտնի է իր կենսաբանության զարգացման և քաղցկեղի հետազոտության բնագավառներում։ Հաշիմյան համալսարանի կենսաբանության և կենսատեխնոլոգիայի ամբիոնի վարիչն է։ Կրծքի քաղցկեղի բնագավառում կատարած աշխատանքի համար արժանացել է բազմաթիվ մրցանակների, ինչպես նաև արաբական աշխարհում հայտնի է գիտության կարիերա ընտրած կանանց պաշտպան։ 2016 թվականին ընդգրկվել է BBC-ի 100 կանանց շարքում։

Վաղ կյանք և կրթություն[խմբագրել | խմբագրել կոդը]

Տահտամունին եղել է ընտանիքի վեց երեխաներից երրորդը։ Մեծացել է Հորդանանի հյուսիսում գտնվող Իրբիդ քաղաքում[1]։ 1997 թվականին Հորդանանի համալսարանից ստացել է բակալավրի աստիճան, 2000 թվականին՝ նույն համալսարանից մագիստրոսի աստիճան[2]։ Բարձր թեստային գնահատականների շնորհիվ ընդգրկվել է բիոլոգիական ծրագրում[1], մագիստրատուրան անցել է Համեդ ալ Հաջի ենթակայության ներքո և ուսումնասիրել է վերարտադրողական կենսաբանության զարգացումը[3]։

2005 թվականին ավարտել է Կոլորադո նահանգի համալսարանի դոկտորատուրան[2], Ջեյմս Բամբուրգի ղեկավարությամբ ուսումնասիրել է սաղմնային և մետաստազային բջիջները։ Լուբնան մեծ աջակցություն է ստացել ընտանիքից գիտության բնագավառում գործունեություն ծավալելու և ԱՄՆ տեղափոխվելու հարցում[3]։

Գործունեություն[խմբագրել | խմբագրել կոդը]

Դոկտորականն ավարտելուց հետո վերադարձել է հորդանան՝ աջակցելու և պաշտպանելու գիտության բնագավառում գործունեություն ծավալող կանանց[4] և սատարելու այն հաստատություններին, որոնք աջակցել էին նրան ԱՄՆ տեղափոխելուն[3]։ 2008 թվականին դարձել է Հաշիմյան համալսարանի միկրոսկոպիայի հաստատության տնօրեն։ Ներկայիս հետազոտական մեթոդների նորարարություններին տեղեկացված լինելու համար ամառային աշխատանքներն իրականացնում է Ավստրալիայում և ԱՄՆ-ում[1][5]։

2011 թվականին դարձել է Հաշիմյան համալսարանի կենսաբանության և կենսատեխնոլոգիայի ամբիոնի վարիչ[5]։ 2011 թվականին արժանացել է L'Oreal-UNESCO Կանայք գիտության բնագավառում համա-արաբական տարածաշրջանային կրթաթոշակի[4][6] և Կանայք գիտության բնագավառում հանուն համաշխարհային զարգացման կազմակերպության մրցանակի[5] կրծքի քաղցկեղի բնագավառում կատարծ աշխատանքի համար[4]։ 2015 թվականին ներառվել է հորդանանում ԱՄՆ դեսպանատան գիտության բնագավառի կանացի փառքի սրահում[7], 2016 թվականին ընդգրկվել է BBC-ի 100 կանանց ցանկում[8]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 Wilkie, Dana (November 2016). "Women Making Their Marks". International Educator. Retrieved 2016 թ․ դեկտեմբերի 8.
  2. 2,0 2,1 "Lubna H. T. Tahtamouni". Hashemite University. Retrieved 2016 թ․ դեկտեմբերի 8.
  3. 3,0 3,1 3,2 Al Harithi, Amal (2015 թ․ մայիսի 3). "Dr. Lubna Tahtamouni, One of The Top 10 Scientists In The World". Arab Woman Platform. Արխիվացված է the original 2016 թ․ դեկտեմբերի 20-ին. Retrieved 2016 թ․ դեկտեմբերի 8. {{cite news}}: Unknown parameter |dead-url= ignored (|url-status= suggested) (help)
  4. 4,0 4,1 4,2 El Shabrawy, Nevine; Al Youm, Al Masry (2011 թ․ հոկտեմբերի 19). "Beirut Conference Awards Arab Women in Science". Arab America (in ամերիկյան անգլերեն). Retrieved 2016 թ․ դեկտեմբերի 8.
  5. 5,0 5,1 5,2 Reisz, Matthew (2011 թ․ դեկտեմբերի 8). "Worldwide acclaim for ground breaking local heroines". Times Higher Education. Retrieved 2016 թ․ դեկտեմբերի 8.
  6. "Jordanian awarded Fellowship by L'Oréal-UNESCO For Women in Science Program". Ammon News. 2011 թ․ հոկտեմբերի 13. Արխիվացված է the original 2016 թ․ դեկտեմբերի 20-ին. Retrieved 2016 թ․ դեկտեմբերի 10. {{cite web}}: Unknown parameter |dead-url= ignored (|url-status= suggested) (help)
  7. "Women in Science Hall of Fame – 2015". U.S. Embassy in Jordan (in ամերիկյան անգլերեն). 2015 թ․ հունվարի 12. Retrieved 2016 թ․ դեկտեմբերի 8.
  8. "BBC 100 Women 2016: Who is on the list?". BBC News (in բրիտանական անգլերեն). 2016 թ․ նոյեմբերի 21. Retrieved 2016 թ․ դեկտեմբերի 8.

Արտաքին հղումներ[խմբագրել | խմբագրել կոդը]