Լոցմայստերական դիտակետ (Դոնի Ռոստով)
 | |
|---|---|
 | |
| Տեսակ | տեսարժան վայր և շենք |
| Երկիր |  Ռուսաստան |
| Տեղագրություն | Դոնի Ռոստով և Դոն |
| Հիմնադրված է | 1890 |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
Լոցմայստերական դիտակետ (ռուս.՝ Лоцмейстерский пост), շինություն, որը տեղափոխվել է Պերեբոյնի կղզուց (Ազովի շրջան) և գտնվում է Դոն գետի ձախ ափին, Ոոստովի երկաթուղային կամրջի մոտ (Ռուսաստան, Դոնի Ռոստով)։
Պատմություն[խմբագրել | խմբագրել կոդը]
Լոցմայստերական դիտակետի շենքում ռադիոկապի գյուտարար Ալեքսանդր Պոպովի ղեկավարությամբ կառուցվել է Ռուսաստանի առաջին քաղաքացիական ռադիոկայանը[1]։
Լոցմայստերական դիտակետը հայտնվել է Պերեբոյնի կղզում 1890-ական թվականների սկզբին Եգուրչայի գետաբազուկի Տագանրոգի ծոց թափվելու վայրում։ Նրա գլխավոր խնդիրը եղել է նավապետերին Դոնի գետաբազուկների ջրի մակարդակի մասին տեղեկություններ հայտնելը։ Դրա համար այստեղ տեղադրվել էին հեռագրական ապարատ և կայմ, որի վրա բարձրացվում էին թվերով տեսողական նշաններ։ Կայմը տեղադրված էր մեկհարկանի երկար շենքի տանիքը պսակող կենտրոնական ռոտոնդայի վրա։
1901 թվականին լոցմայստերական դիտակետ է ժամանել հայտնի ֆիզիկոս Ալեքսանդր Պոպովը, որը հրավիրվել էր Դոնի գետաբազուկների կոմիտեի կողմից ընդունիչ-հաղորդիչ ռադիոսարքեր տեղադրելու համար։ Այն ժամանակ նման ռադիոկայաններ նա արդեն մոնտաժել էր Պետերբուրգում և Կրոնշտադտում։
Լոցմայստերական դիտակետում և լողացող փարսում (12 կմ հեռավորության վրա) տեղադրվել է բերված սարքավորումը, և 1901 թվականի օգոստոսի 27-ին սկսվել է ռադիոկայանի աշխատանքը։
1902 թվականի օգոստոսին Ալեքսանդր Ստեփանովիչ Պոպովը կրկին այցելել է Պերեբոյնի կղզի։
Արդյունքում հաստատվել է հստակ ռադիոկապ լոցմայստերական դիտակետի, լողացող փարոսի, Ռոսոտվի նավահանգստի և Ազովի ծովի նավերի միջև։ Այս քաղաքացիական ռադիոկայանն աշխատել է ավելի քան տասը տարի, իսկ Առաջին համաշխարհային պատերազմը սկսվելուց հետո փոխանցվել է ռազմական գերատեսչությանը։
1940-ական թվականների վերջում լոցմայստերական դիտակետի մասնատված փայտե շինությունը տեղափոխվել է Դոնի ձախ ափ և կրկին հավաքվել (փոքր-ինչ ձևափոխելով նրա տեսքը) Ռոստովի երկաթուղային կամրջի մոտ՝ փոխանցվելով «Դինամո» ջրային կայանին։
Լոցմայստերական դիտակետի համար Պերեբոյնի կղզում կառուցվեց քարե փոքր տնակ, որը բազմիցս վերակառուցվել է։ 1956 թվականին տան պատին փակցվել է հուշատախտակ հետևյալ տեքստով.
|
Այստեղ, լոցմայստերական դիտակետի շենքում, 1901 թվականի սեպտեմբերին ռուս մեծանուն գիտնական, ռադիոյի գյուտարար Ա. Ս. Պոպովը ընդունել է ռադիոհաղորդում քաղաքացիական ռադիոկայանի միջոցով։ | 
|
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Волошинова В. Ф., Волошинова Л. Ф. 100 уникальных мест Ростовской области: Иллюстрированный справочник. Ростов-на-Дону: Ростиздат, 2011.-176 с., ил. ISBN 978-5-7509-0631-4