Լիդիա Մեյ
Լիդիա Մեյ էստ․՝ Lydia Mei | |
|---|---|
| Ծնվել է | հուլիսի 2, 1896 |
| Ծննդավայր | Հիյումաա, Wiek County, Էսթլյանդյան նահանգ, Ռուսական կայսրություն |
| Վախճանվել է | սեպտեմբերի 14, 1965 (69 տարեկան) |
| Մահվան վայր | Տալլին, Էստոնական ԽՍՀ, ԽՍՀՄ |
| Քաղաքացիություն |  Ռուսական կայսրություն,  Էստոնիա և  ԽՍՀՄ |
| Մասնագիտություն | նկարչուհի |
| Ժանր | նատյուրմորտ |
| Թեմաներ | գեղանկարչություն |
| Հայր | Johan Mey? |
Լիդիա Մեյ (Լիդիա Յուհանի Ստարկոպֆ-Մեյ, էստ․՝ Lydia Mei, 2 հուլիսի, 1896, Հիյումաա - 14 սեպտեմբերի, 1965, Տալլին), էստոնացի նկարչուհի-ջրանկարիչ, նատյուրմորտների վարպետ[1]։
Կենսագրություն[խմբագրել | խմբագրել կոդը]
Լիդիա Մեյը ծնվել է 1896 թվականի հուլիսի 2-ին էստանական Հիյումաա կղզում՝ նավապետի ընտանիքում։ Նա եղել է ընտանիքի երեք երեխաներից երկրորդը։ Երեք քույրերն էլ հետագայում իրենց կյանքը նվիրել են արվեստին. Լիդիան ու Նատալյան զբաղվել են նկարչությամբ՝ դառնալով 1920-ական թվականներին էստոնական արվեստում ծավալված «Նոր իրեղենություն» ուղղության ներկայացուցիչներ, իսկ Քրիստինա Մեյը դարձել է քանդակագործ։
1915 թվականին Լիդիա Մեյն ավարտել է Տալլինի իգական գիմնազիան, այնուհետև մինչև 1918 թվականը ճարտարապետություն է սովորել Պետրոգրադի Կանանց ճարտարագիտական ինստիտուտում։ Դրանից հետո վերադարձել է Էստոնիա։ 1920-1921 թվականներին Լիդիա Մեյը՝ որպես նկարչության ուսուցչուհի, աշխատել է Տարտուի մանկավարժական քոլեջում։ Որպես ջրանկարիչ՝ Լիդիա Մեյը ճանաչում է ձեռք բերել 1920-ական թվականների վերջին. նրա նկարները ցուցադրվել են Ամստերդամում, Ռիգայում, Հելսինկիում, Բեռլինում և այլ քաղաքներում կազմակերպված ցուցահանդեսներում։ 1940-ական թվականների սկզբին Լիդիա Մեյն զբաղվել է մանկական գրքերի նկարազարդումներով[2]։ Լիդիա Մեյի նատյուրմորտներն աչքի են ընկնում վառ ու հարուստ գույներով[1]։
1925 թվականին Լիդիա Մեյը դարձել է Էստոնիայի Կերպարվեստի նկարիչների կենտրոնական միության (EKKKÜ) անդամ, 1931-1935 թվականներին անդամակցել է Էստոնացի նկարիչների միությանը (EKR), իսկ 1936 թվականին նա դարձել է Կիրառական արվեստի միության (RaKü) անդամ։ Լիդիա Մեյը Էստոնիայի նկարիչների միության անդամ է 1946 թվականից։
1920-1928 թվականներին Լիդիա Մեյն ամուսնացած է եղել քանդակագործ Անտոն Ստարկոպֆի հետ, այդ պատճառով էլ երբեմն հիշատակվում է որպես Լիդիա Մեյ-Ստարկոպֆ։
Լիդիա Մեյը մահացել է 1965 թվականի սեպտեմբերի 14-ին Տալլինում։
Լիդիա Մեյի նկարները, աշխատանքները պահվում են Էստոնիայի գեղարվեստական թանգարանում[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 Новое в жизни, науке, технике: Литература и искусство, Выпуски 1-24. 1965
- ↑ Книжная летопись, Том 117. 1941
- ↑ Государственный художественный музей ЭССР. «Периодика», 1981
Արտաքին հղումներ[խմբագրել | խմբագրել կոդը]
- Ինքնանկար (1931) Արխիվացված 2007-09-28 Wayback Machine
- Mai Lewin: Neue Sachlichkeit in Estonian Art Արխիվացված 2006-02-27 Wayback Machine
- Pihlak, Elvi: «Lydia Mei — Natüürmortide ja lillemaalide meister» in: Kunst Vol. 1962,1 pgs 16-20. Tallinn.
