Լեցիտիններ

Վիքիպեդիայից՝ ազատ հանրագիտարանից
Jump to navigation Jump to search

Լեցիտիններ (հունարենից թարգմանաբար՝ ձվի դեղնուց), խոլինֆոսֆատիդներ, ֆոսֆոլիպիդների հիմնական ֆրակցիաներից մեկը։

Նկարագիր[խմբագրել | խմբագրել կոդը]

Լեցիտինները մոմանման, խոնավասեր նյութեր են, լավ լուծվում են սպիրտում, եթերներում, չեն լուծվում ացետոնում։ Պարունակվում են բուսական և կենդանական օրգանիզմներում, մասնակցում են կենսաբանական թաղանթների գոյացմանը։

Ստացում[խմբագրել | խմբագրել կոդը]

Առաջանում են գլիցերինի, ճարպաթթուների, ֆոսֆորաթթվի և խոլինի մնացորդներից։ Որոշ լեցիտիններ ստացվել են սինթետիկ եղանակով։

Կիրառում[խմբագրել | խմբագրել կոդը]

Լեցիտիններն կիրառվում են նաև սննդի, տեքստիլ, օծանելիքի արդյունաբերության մեջ։ Բժշկական պրակտիկայում՝ նյարդային համակարգի հիվանդությունների, անեմիաների դեպքում օգտագործվում է ցերեբրոլեցիտինը, որն ստացվում է խոշոր եղջերավոր անասունների ուղեղի էքստրակտից։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png