Լարիսա Ավետիսյան

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Լարիսա Ավետիսյան
Ծնվել էհոկտեմբերի 13, 1958(1958-10-13) (61 տարեկան)
ԾննդավայրԵրևան, Հայկական ԽՍՀ, ԽՍՀՄ
ՔաղաքացիությունFlag of the Soviet Union.svg ԽՍՀՄ և Flag of Armenia.svg Հայաստան
ԿրթությունԵրևանի Մխիթար Հերացու անվան Պետական Բժշկական Համալսարան (1981)
Մասնագիտությունհիգիենիստ
Գիտական աստիճանբժշկական գիտությունների դոկտոր (2003)
ՊարգևներՀՀ վարչապետի հուշամեդալ

Լարիսա Ռաֆիկի Ավետիսյան (հոկտեմբերի 13, 1958(1958-10-13), Երևան, Հայկական ԽՍՀ, ԽՍՀՄ), հայ հիգիենիստ: Բժշկական գիտությունների դոկտոր (2003), պրոֆեսոր (2005): Երևանի պետական բժշկական համալսարանի ուսումնական աշխատանքների գծով պրոռեկտոր (2016)[1][2]: Կանխարգելիչ բժիշկների հայկական ասոցիացիա» ՀԿ նախագահ:

Կենսագրություն[խմբագրել | խմբագրել կոդը]

Լարիսա Ավետիսյանը ծնվել է 1958 թվականի հոկտեմբերի 13-ին, Երևանում: 1965-1975 թվականներին սովորել է Երևանի թիվ 90 միջնակարգ դպրոցում, 1975-1981 թվականներին՝ Երևանի բժշկական ինստիտուտի սան-հիգիենիկ ֆակուլտետում: Աշխատում է նույն ինստիտուտի երեխաների և դեռահասների հիգիենայի (2001 թվականից՝ Երևանի պետական բժշկական համալսարանի հիգիենայի և էկոլոգիայի ամբիոնում)[3], 1998-2005 թվականներին եղել է ԵՊԲՀ պրոֆիլային հիգիենաների ամբիոնի դոցենտ, 2005 թվականից՝ ԵՊԲՀ հիգիենայի և էկոլոգիայի ամբիոնի վարիչ: 2010 թվականից ԵՊԲՀ կրթության որակի գնահատման և ապահովման մշտական հանձնաժողովի նախագահն է, 2011 թվականից՝ «Կրթություն և գիտություն» ամսագրի գլխավոր խմբագիրը:

Գիտական գործունեություն[խմբագրել | խմբագրել կոդը]

1991 թվականին Մոսկվայի Երեխաների և դեռահասների հիգիենայի գիտահետազոտական ինստիտուտում պաշտպանել է թեկնածուական թեզ` ստանալով բժշկական գիտությունների թեկնածուի գիտական աստիճան, 2003 թվականին ՀՀ ԱՆ Առողջապահության ազգային ինստիտուտում պաշտպանել է դոկտորական թեզ` ստանալով բժշկական գիտությունների դոկտորի կոչում: 2005 թվականին ԲՈՀ-ի կողմից ստացել է պրոֆեսորի կոչում:

Աշխատանքները վերաբերում են երեխաների և դեռահասների ֆիզիկական զարգացման, առողջական վիճակի և հիվանդացության վրա արտաքին միջավայրի տարբեր գործոնների ազդեցությանը:

Անդամակցություն[խմբագրել | խմբագրել կոդը]

  • Մոսկվայի Երեխաների առողջության ԳՀԻ հիմնահարցերի հանձնաժողովի անդամ, 2001
  • ՌԴ ԲԳԱԱ Երեխաների և դեռահասների հիգիենայի գիտահետազոտական ինստիտուտի պրոբլեմային հանձնաժողովի անդամ, 2003
  • ՀՀ ԱՆ Առողջապահության ազգային ինստիտուտի Առողջապահության կազմակերպման և կանխարգելիչ բժշկության 045 մասնագիտական խորհրդի անդամ, 2003

Պարգևներ, մրցանակներ[խմբագրել | խմբագրել կոդը]

  • ՀՀ վարչապետի հուշամեդալ, 2011
  • ԵՊԲՀ ոսկե մեդալ, 2011
  • ՀՀ վարչապետի հուշամեդալ, 2015

Ծանոթագրություններ[խմբագրել | խմբագրել կոդը]

  1. www.ysmu.am https://www.ysmu.am/hy/main/update_your_browser/։ Վերցված է 2019-03-10 
  2. «Լարիսա Ավետիսյանը նշանակվել է ԵՊԲՀ պրոռեկտոր»։ armenpress.am (հայերեն)։ Վերցված է 2019-03-10 
  3. Ով ով է. Հայեր. Կենսագրական հանրագիտարան, հատոր առաջին, Երևան, 2005, էջ 142: