Լատո Լապսա
Լատո Լապսա | |
---|---|
Ծնվել է | մայիսի 16, 1969 (55 տարեկան) |
Ծննդավայր | Ռիգա, Լատվիական ԽՍՀ, ԽՍՀՄ |
Քաղաքացիություն | ԽՍՀՄ և Լատվիա |
Կրթություն | Լատվիայի համալսարան |
Մասնագիտություն | գրող և լրագրող |
Լատո Լապսա (լատիշ․՝ Lato Lapsa, (մայիսի 16, 1969, Ռիգա, Լատվիական ԽՍՀ, ԽՍՀՄ)), լատիշ[1] գրող և անկախ լրագրող։
Կենսագրություն
[խմբագրել | խմբագրել կոդը]Լատո Լապսան ծնվել է 1969 թվականին, ավարտել է Լատվիայի համալսարանի պատմափիլիսոփայական ֆակուլտետը։ 1990 թվականին աշխատանքի է ընդունվել «Diena» թերթում և երեք ամսում սովորական լրագրողից դարձել է գլխավոր խմբագրի տեղակալ։
1999 թվականից մինչև 2000 թվականը աշխատել է որպես «LETA» լրատվական գործակալության գլխավոր խմբագիր[2]։
1997 թվականին սկսել է պետական ռեգիստրների (բաց և վճարովի) նյութերի հիման վրա կազմել Լատվիայի միլիոնատերների ցուցակը և դա անում է մինչև այժմ[3]։ Ըստ ցուցակի նյութերի` նա գրել է իր առաջին գիրքը` «Latvijas miljonāru noslēpumi» («Լատիշ միլիոնատերերի գաղտնիքները»)[4], որն այնուհետև ամեն տարի տպագրվել է ուղղումներով և նոր հարցազրույցներով։
Մասնագիտական գործունեություն
[խմբագրել | խմբագրել կոդը]Լատո Լապսան լատիշ ամենահայտնի և սկանդալային լրագրողներից մեկն է։ 1997 թվականին Լատո Լապսան սկսել է կազմել Լատվիայի ամենահարուստ մարդկանց ցուցակը[5]։ Հետագայում միլիոնատերերի այդպիսի ցուցակները հայտնի են դարձել, և Լատո Լապսան ստացել է «միլիոնատերեր հաշվող» մականունը[6][7][8][9]։
«Ինձ հետաքրքիր էր անել այն, ինչը Լատվիայում ոչ ոք չի արել» - Լատո Լապսա
|
:
2004 թվականին «Neatkarīgā Rīta avīze» թերթում հրատարակել է 1989 թվականի ԼԽՍՀ ՊԱԿ հեռախոսահամարների գիրքը[10]։ Լատո Լապսան առաջին սկանդալային գիրքը՝ «Դատավարության խոհանոց. «հաշտեցման» բաղադրատոմսեր փաստաբան Գուտուպսից» (Tiesasanas ka levis. Advokāta Gūtupa "sakārtošanas" receptes), գրել է 2007 թվականին։ Այն հրատարակելու համար Լապսան գրավ է դրել մոր բնակարանը[11]։ Այդ գիրքը, որում փոփոխված, բայց ճանաչելի ազգանուններով ներկայացվել են Լատվիայում հայտնի դատավորներն ու փաստաբանները, որոնք փողով և ծանոթությամբ գործեր են շահել իրենց հաճախորդների համար, հասարակական լայն հնչեղություն է առաջացրել։ Փաստաբան Գրուտուպսի անվան տակ նկատի է առնվել հայտնի փաստաբան Գրուտուպսը, իսկ նրա ազգանունը ձևափոխված բառախաղ է. լատիշերեն gūt-ստանալ, ձեռք բերել։ Եվ փաստաբան Գրուտուպսը իսկապես մեկն է Լատվիայի առավել ունևոր մարդկանցից։ Գրքի հրապարակումից հետո դատախազությունը մի քանի քրեական գործ է հարուցել[12][13] «Դատավարության խոհանոցը» գիրքը բեսթսելլեր է դարձել Լատվիայում[14]։
Լապսայի երկրորդ սկանդալային գիրքը եղել է «Parex-ի փլուզումը. տգետներ, հիմարներ և հանցագործներ» («Parex krahs»)[15]: 2010 թվականին Լապսան գրել է «Վայրինա խոհանոց» կամ իշխանությունների խաղը» գիրքը։ Այս գիրքը նկարագրում է Լատվիայի նախկին նախագահ Վայրա Վիկե-Ֆրեյբերգայի գրասենյակի և անձամբ նրա անհիմն ծախսերը։ Դեռևս մինչև տպագրվելը գիրքը սկանդալային ճանաչում է ստացել[16][17]։
Գրականություն
[խմբագրել | խմբագրել կոդը]Լատո Լապսան գրքերի հեղինակ.
- Lapsa Lato, Kristīne Jančevska, «Latvijas miljonāru noslēpumi», 2005
- Lapsa Lato, «Brīvības grāmata»
- Lapsa Lato, «Zelta zeme, kuru pametusi ziemeļblāzma», 2005
- Lato Lapsa, Sandris Metuzāls, Kristīne Jančevska, «Mūsu vēsture 1985—2005»
- «Դատավարության խոհանոց. «հաշտեցման» բաղադրատոմսեր փաստաբան Գուտուպսից» (լատիշ․՝ Tiesāšanās kā ķēķis. Advokāta Gūtupa «sakārtošanas» receptes).
- Lato Lapsa, «Ով է Լեմբերգը» (լատիշ․՝ «Kas ir Lembergs»)
- Lato Lapsa, Կարգին Superstar (լատիշ․՝ «Kargins Superstar»)
- Lato Lapsa, «Parex-ի փլուզումը. տգետներ, հիմարներ և հանցագործներ» (լատիշ․՝ «Parex krahs»)
- Lato Lapsa, «Վայրինա խոհանոց» (լատիշ․՝ «Va(i)ras virtuve», եթե չկարդան փակագծերում տառը, կլինի «Իշխանությունների խաղը»)
- Լատո Լապսա, Ինչպես գողանալ միլիարդ
- Լատո Լապսա, Իրենա Սաատչյան, «Մյունհաուզենի վարորդի որդին», 2010 թ.
- Լատո Լապսա, «Լատիշ սովորական»[18], 2011 г.
Ծանոթագրություններ
[խմբագրել | խմբագրել կոդը]- ↑ Мамыкин, страна и я — латыш Արխիվացված 2010-01-27 Wayback Machine Telegraf.lv, 23.12.2009
- ↑ «LETA galvenais redaktors». Արխիվացված է օրիգինալից 2010 թ․ ապրիլի 12-ին. Վերցված է 2019 թ․ հուլիսի 5-ին.
- ↑ курс, The Baltic Course - Балтийский. «ТОП 100 латвийских миллионеров: самый быстрый рост показал представитель ИТ». Балтийский курс | новости и аналитика. Վերցված է 2017 թ․ մայիսի 13-ին.
- ↑ DELFI (2005 թ․ մարտի 7). «Īsi par grāmatu 'Latvijas miljonāru noslēpumi' un Latvijas bagātāko cilvēku sarakstiem». DELFI (լատվիերեն). Վերցված է 2017 թ․ մայիսի 13-ին.
- ↑ «Lato Lapsa par miljoniem nesapņo». Արխիվացված է օրիգինալից 2010 թ․ սեպտեմբերի 17-ին. Վերցված է 2010 թ․ ապրիլի 1-ին.
- ↑ Лато Лапса — человек, который считает миллионеров Արխիվացված 2008-10-03 Wayback Machine, газета «Час», № 139, Ольга КНЯЗЕВА, Елена ТИТОВА, 2001 год.
- ↑ Latvijas miljonāru noslēpumi(չաշխատող հղում)
- ↑ ЛАТО ЛАПСА: ЛОВЕЦ КОТОВ И СЧЕТОВОД МИЛЛИОНЕРОВ(չաշխատող հղում)
- ↑ На первый-второй миллионер рассчитайсь! Արխիվացված 2008-01-25 Wayback Machine газета «Час»
- ↑ Полный список сотрудников КГБ на 1989 г.: 564 фамилии
- ↑ Лато Лапса: чтобы сделать скандал, заложил мамину квартиру gorod.lv, 21 августа 2007 года
- ↑ король Бизнес&Балтия
- ↑ Temīdas ķēķis(չաշխատող հղում)
- ↑ Pirmajā dienā izpārdotas visas pieejamās Brūkleņa grāmatas «Tiesāšanās kā ķēķis»
- ↑ «КРАХ БАНКА PAREX: СКАНДАЛЫ, ИНТРИГИ, РАССЛЕДОВАНИЯ». Արխիվացված է օրիգինալից 2010 թ․ հունվարի 26-ին. Վերցված է 2010 թ․ ապրիլի 1-ին.
- ↑ http://www.telegraf.lv/tags/mnenie/news/vairina-kuhnya-shokiruet-genprokuraturu(չաշխատող հղում) «Вайрина кухня» шокирует Генпрокуратуру
- ↑ Par L.Lapsas grāmatu «Va(i)ras virtuve» diena.lv
- ↑ Лато Лапса показал "два лица" Андриса Берзиньша DELFI
|