Լազ Ալոնսո

Լազ Ալոնսո; անգլ.՝ Laz Alonso
Ծնվել է	մարտի 25, 1974 (50 տարեկան)
Ծննդավայր	Վաշինգտոն, ԱՄՆ
Կրթություն	Հովարդի համալսարան
Քաղաքացիություն	ԱՄՆ
Մասնագիտություն	դերասան

Լազ Ալոնսո (մարտի 25, 1974(1974-03-25), Վաշինգտոն, ԱՄՆ), ամերիկացի դերասան, ով հայտնի է Ջեյմս Քեմերոնի՝ գիտական ֆանտաստիկա ժանրի «Ավատար» ֆիլմում Ցուտեի և «Ֆորսաժ 4» ֆիլմում Ֆենիքս Քալդերոնի կերտած դերերով։ Ալոնսոն ներկայացել է այլ ֆիլմերում ևս, ինչպիսիք են՝ «Ջարհեդը», «Այս Սուրբ ծնունդը», «Սուրբ Աննայի հրաշքը» և «Դետրոյթը»։ 2019 թվականին նա սկսել է հանդես գալ կոմիքսների վրա հիմնված «Տղաները» ֆիլմում՝ խաղալով Էմէմ (Մայրիկի կաթը) կերպարը։

Կարիերա

Ալոնսոն սկսել է իր կարիերան՝ «BET» հեռուստաալիքում աշխատելով որպես հեռուստահաղորդավար։ Ալոնսոն նաև հանդես է եկել Թոնի Բրեքսթոնի և Ալիլայի տեսահոլովակներում^[1] ։

Նա նաև երկրորդական դերեր է խաղացել «Ջարհեդ», «Կյանքի անկումը», «Ջի», «Այս Սուրբ ծնունդը», «Սուրբ Աննայի հրաշքը» ֆիլմերում։

2009 թվականին նա կերտել է Ֆենիքս Քալդերոնի՝ գլխավոր հակառակորդի դերը Ֆորսաժ 4 ֆիլմում։ Ալոնսոն Ջեյմս Քամերոնի գիտական ֆանտաստիկա ժանրի Ավատար ֆիլմում կերտել է նավատորմի ռազմիկի՝ Ցուտեի դերը^[2]։

Ալոնսոն խաղացել է 2011 թվականի՝ «Փախուստի արքաները» հեռուստասերիալի առաջին եթերաշրջանում և երկրորդ եթերաշրջանի առաջին սերիայում՝ կերտելով գլխավոր դերեր^[3]։

Ալոնսոն որպես հյուր հանդես է եկել «Ոսկորներ», «CSI․ Հանցագործության վայրը՝ Մայամի», «NCIS», «Սովորություն» և «Աչքեր» ֆիլմերում։

Նա գլխավոր դեր է կերտել 2013 թվականին «NBC» հեռուստաալիքով հեռարձակվող «Խաբեբայություն» դրամա ժանրի ֆիլմում^[4]։

Ալոնսոն նաև հանդես է եկել «NBC» հեռուստաալիքով հեռարձակվող «Լաուրայի առեղծվածները» հեռուստասերալում՝ կերտելով գլխավոր դերերից մեկի՝ խուզարկու Բիլի Սոտոյի դերը^[5]։

Անձնական կյանք

Ալոնսոն ծնվել է Վաշինգտոնում և աֆրո-կուբական ծագում ունի։ Նա Հովարդ համալսարանի շրջանավարտ է^[6]։ Ավարտել է մարքեթինգի ֆակուլտետը՝ ստանալով բակալավրի աստիճան և ընդունվել է աշխատանքի որպես ինվեստիցիոն բանկեր Ուոլ փողոցում, մինչև ֆիլմերում հանդես գալը։ Նա նվիրյալ քրիստոնյա է և բնակվում է Լոս Անջելեսում։

Ծանոթագրություններ

↑ Penn, Charlie (2013 թ․ հունվարի 7). «Eye Candy: Laz Alonso Heats Up Primetime». Essence (magazine).
↑ Williams, Brennan (2012 թ․ հունվարի 27). «Laz Alonso Talks: 'Black and Latino,' NAACP Nomination, & Evolving Into A Producer». HuffPost.
↑ Ng, Philiana (2012 թ․ մայիսի 17). «A&E Cancels 'Breakout Kings'». The Hollywood Reporter.
↑ «'Deception' Canceled: NBC Chooses Not To Renew Meagan Good Drama For Season 2». HuffPost. 2013 թ․ մայիսի 8.
↑ Hawkins, Kayla (2014 թ․ սեպտեմբերի 17). «Who Is Laz Alonso? 'The Mysteries of Laura' Actor Might be Your New Favorite TV Star». Bustle (magazine).
↑ Laz Alonso: The "Fast & Furious" Interview at Sly Fox Film Reviews, March 23, 2009 (retrieved January 23, 2010)

Վիքիպահեստն ունի նյութեր, որոնք վերաբերում են «Լազ Ալոնսո» հոդվածին։

[1] Penn, Charlie (2013 թ․ հունվարի 7). «Eye Candy: Laz Alonso Heats Up Primetime». Essence (magazine).

[2] Williams, Brennan (2012 թ․ հունվարի 27). «Laz Alonso Talks: 'Black and Latino,' NAACP Nomination, & Evolving Into A Producer». HuffPost.

[3] Ng, Philiana (2012 թ․ մայիսի 17). «A&E Cancels 'Breakout Kings'». The Hollywood Reporter.

[4] «'Deception' Canceled: NBC Chooses Not To Renew Meagan Good Drama For Season 2». HuffPost. 2013 թ․ մայիսի 8.

[5] Hawkins, Kayla (2014 թ․ սեպտեմբերի 17). «Who Is Laz Alonso? 'The Mysteries of Laura' Actor Might be Your New Favorite TV Star». Bustle (magazine).

[6] Laz Alonso: The "Fast & Furious" Interview at Sly Fox Film Reviews, March 23, 2009 (retrieved January 23, 2010)

[1]

[2]

[3]

[4]

[5]

[6]