Իրմենա Չիչիկովա

Վիքիպեդիայից՝ ազատ հանրագիտարանից
Jump to navigation Jump to search
Իրմենա Չիչիկովա
Ծննդյան թիվ՝մայիսի 22, 1984(1984-05-22) (35 տարեկան)
Ծննդավայր՝Պլովդիվ, Բուլղարիա
Մասնագիտություն՝դերասանուհի
IMDb։ID 2212746

Իրմենա Չիչիկովա (բուլղար․՝ Ирмена Чичикова, մայիսի 22, 1984(1984-05-22), Պլովդիվ, Բուլղարիա), կինոյի և թատրոնի բուլղարացի դերասանուհի:

Մանկություն և կրթություն[խմբագրել | խմբագրել կոդը]

Իրմենա Չիչիկովան ծնվել և մեծացել է Պլովդիվում, Բուլղարիա: Նախնական կրթությունն ստացել է ֆրանսիական «Antoine de Saint Exupéry» դպրոցում, որն արվարտել է 2003 թվականին: դրանից հետո տեղափոխվել է Սոֆիա, որտեղ շարունակել է կրթությունը Թատրոնի և կինոարվեստի ազգային ակադեմիայում` պրոֆեսորներ Մարգարիտա Մլադենովայի և Իվան Դոբչևի ղեկավարությամբ: Զուգահեռաբար ուսումնասիրել է հունարեն: Նրա դիպլոմային աշխատանքներն են եղել Անտոն Չեխովի «Երեք քույր» և Ժորդի Գալսերանի «Դակոտա. շղթայված խոսքեր» ստեղխագործությունները: 2008 թվականին ակադեմիան ավարտելուց հետո նա դարձել է որակավորված դերասանուհի[1]:

Կարիերա[խմբագրել | խմբագրել կոդը]

Չիչիկովան պրոֆեսիոնալ բեմում իր նորամուտն է նշել ըստ Ինգմար Բերգմանի «Տեսարաններ ամուսնական կյանքից» ֆիլմի մոտիվների բեմադրված «Իրերը գորգի տակ պահելու արվեստը» պիեսով` խաղալով Մարիաննայի դերը, որի համար առաջադրվել է IKAR մրցանակի (2009) և արժանացել է ASKEER մրցանակաբաշխության Լավագույն կանացի դեր մրցանակին (2009): Դրանից հետո նա խաղացել է «Նիրվանա» պիեսում (2009), ըստ Էժեն Իոնեսկո ստեղծագործությունների մոտիվների բեմադրված «Ազատագրված երևակայության կառուցումը» պիեսով մի քանի անգամ հյուրախաղեր է ունեցել Կանադայում և Ֆրանսիայում (2010): Հաջորդ նշանակալի դերը խաղացել է Իվան Վազովի անվան ազգային թատրոնում, Ալեքսանդր Վամպիլովի «Բադերի որսը» պիեսում (2012):

2012 թվականին նկարահանվել է «Ես` դու» ֆիլմում: Էկրանին նրա հայտնվելը դրական է ընդունվել քննադատների կողմից, ազգային «Ոսկե վարդ» կինոփառատոնին արժանացել է Լավագույն կանացի դեր մրցանակին: 2014 թվականին Բորյանայի դերում նկարահանվել է «Վիկտորյա» ֆիլմում: Ֆիլմի պրեմիերան կայացել է «Սանդենս» միջազգային կինոփառատոնի ժամանակ: Սկսած 2015 թվականից` մշտապե սնկարահանվում է կինոյում[2]:

Պարգևներ և առաջադրումներ[խմբագրել | խմբագրել կոդը]

  • «Ոսկե վարդ» կինոփառատոնի լավագույն կանացի դեր մրցանակ (2012)` «Ես` դու» ֆիլմի համար
  • Թատերական ASKEER (2009) մրցանակ` «Իրերը գորգի տակ պահելու արվեստը» ֆիլմում Մարիաննայի դեր համար
  • Վրացայի փաքր թատերական ձևերի ազգային փառատոնի երրորդ մրցանակ, «Իրերը գորգի տակ պահելու արվեստը» ֆիլմում առաջատար կանացի դերի համար (2009)
  • IKAR Theatre մրցանակ (2009)` «Իրերը գորգի տակ պահելու արվեստը» ֆիլմում Մարիաննայի դերի համար (2009)

Ֆիլմոգրաֆիա[խմբագրել | խմբագրել կոդը]

  • Նամակներ Անդարկտիդայից (2019)-Դիանա
  • Մինչև մեր օրերի վերջը (2019)-Զառա (կարճամետրաժ)
  • Կրծկալ (2018)-Այրի
  • Անմատչելին (2018)-Մոնա
  • Աննայի ծննդյան օրը (2016)-Տանյա (կարճամետրաժ)
  • Intrusion (2016)-Ժաննա (կարճամետրաժ)
  • Վիկտորյա (2014)-Բորյանա
  • Արևելյան պիեսներ (2009)-Սենյակակակից

Ծանոթագրություններ[խմբագրել | խմբագրել կոդը]