Իսահակ Կուենկա

Վիքիպեդիայից՝ ազատ հանրագիտարանից
Կուենկա Իսահակ
(իսպ.՝ Joan Isaac Cuenca López)
Քաղաքացիությունը  Իսպանիա
Ծննդյան ամսաթիվ ապրիլի 27, 1991(1991-04-27)[1][2] (32 տարեկան)
Ծննդավայր Ռեուս, Բաշ Կամպ
Հասակ 181 սանտիմետր
Քաշ 74 կիլոգրամ
Դիրք կիսապաշտպան և եզրային կիսապաշտպան
Պատանեկան կարիերա
0000
Մասնագիտական կարիերա*
Տարի Ակումբ Խաղ (Գոլ)
2010—2011 Իսպանիա Բարսելոնա Բ 5 (2)
2010—2011 → Իսպանիա Սաբադել 32 (5)
2011—2014 Իսպանիա Բարսելոնա 16 (2)
2013 → Նիդերլանդներ Այաքս 3 (0)
2014—2015 Իսպանիա Դեպորտիվո Լա Կորունյա 27 (2)
* Մասնագիտական կարիերայում ընդգրկված են միայն առաջնության խաղերը և գոլերը:

Խուան Կուենկա Իսահակ Լոպեզ (իսպ.՝ Joan Isaac Cuenca López, ապրիլի 27, 1991(1991-04-27)[1][2], Ռեուս, Բաշ Կամպ), իսպանացի ֆուտբոլիստ, «Հապոել Բեեր Շևա» ակումբի հարձակվող։

Կենսագրություն[խմբագրել | խմբագրել կոդը]

Իսահակը սկսել է ֆուտբոլ խաղալ 2001 թվականին Էսպանյոլ դպրոցում, երբ 10 տարեկան էր։ 2003-ին միացել է Բարսելոնա ֆուտբոլային ակումբին։ 2006 թվականին նա վերադարձել է իր ծննդավայրի «Ռեուս Դեպորտիու» թիմ։ 2008 թվականին տեղափոխվել է «Դամմ» թիմ։ 2009-ին կրկին վերադարձել է «Բարսելոնա»։

2010 թվականին Կուենկան դիմում տվեց «Բարսելոնա Բ»ին, դրանից անմիջապես հետո տեղափոխվեց կատալոնյան ակումբ տարեկան վարձավճարով՝ հանդես գալով Սեգունդա Բ-ի «Սաբադել» ակումբում։ «Սաբադել»-ում խաղացել է 32 խաղ և խփել է 4 գոլ։

2011 թվականի սեպտեմբերի 4-ին «Բարսելոնա Բ»-ում հանդես եկավ առաջին անգամ, «Կարտագենա»-ի դեմ խաղում, որում գոլ խփեց։ Հոկտեմբերի 19-ին Իսահակը հայտնվեց «Բարսելոնայի» հիմնական կազմում։ Այդ օրը Կամպ Նոու մարզադաշտում «կապտա-նռնագույները» խաղում էին ընդդեմ չեխական «Վիկտորիա Պլզենի»։ Կուենկոն հանդիպման 88-րդ րոպեին փոխարինեց Դավիթ Վիլյային[3]։ Հոկտեմբերի 25-ին Կուենկան առաջին անգամ հանդես եկավ Լա Լիգայում։ «Գրանադա»-ի հետ հանդիպման ժամանակ նա դաշտում անցկացրեց 90 րոպե[4]։ Հոկտեմբերի 29-ին ֆուտբոլիստը բացեց իր գոլերի հաշիվը իսպանական բարձրագույն լիգայում։ «Մալյորկայի» դեմ խաղում նա խփեց իր թիմի չորրորդ գոլը խաղի 50-րդ րոպեին[5]։ Դեկտեմբերի 3-ին երկրորդ գոլը խփեց «Բարսելոնայի» օգտին։ Սա տեղի ունեցավ « Լևանտեի» հետ խաղում։ Դեկտեմբերի 23-ին Իսպանիայի գավաթի մրցաշարում Կուենկան իր գոլով հաշիվը բացեց «Բարսելոնայի» օգտին։ Դա տեղի է ունեցել «Օսպիտալետ» թիմի դեմ պատասխան խաղում։ Կուենկան այս խաղում խփել է 2 գոլ, իսկ թիմը հաղթել է 9։0 հաշվով[6]։ Հունվարի 31-ին Իսահակը պայմանագիր է կնքել «Բարսայի» հետ, մինչև 2015 թվականի հունիսը, նա ընդգրկվել է առաջին թիմում «23» համարի ներքո (մինչ այդ նա կրում էր «39» ժամանակավոր համարը)։

2013 թվականի ձմեռային տրանսֆերային պատուհանի վերջին օրը Իսահակը վարձակալվեց Ամստերդամի «Այաքս» ակումբի կողմից[7]»։ Իր խոսքերով, ինքն ընտրել է «Այաքսը» նրա խաղի փիլիսոփայության պատճառով, ուր կան բազմաթիվ կոմբինացիոն խաղեր և պասեր[8]։ Նոր ակումբի կողմից նրա նորամուտը տեղի ունեցավ փետրվարի 10 -ին, Նիդերլանդների 2012/13 առաջնության 22-րդ եզրափակչի «Ռոդա»յի դեմ խաղում։ Այդ խաղում Կուենկան դաշտ դուրս եկավ իր համար սովորական՝ աջակողմյան հարձակվողի դիրքում։

Երկու խաղից հետո Իսահակը գրեթե մեկ ամիս չէր խաղացել։ Դրա պատճառը ծնկի վնասվածք էր, որը նա ստացել էր «Բարսայում» խաղալիս։ Մարտի վերջում իսպանացի վերսկսեց մարզվելը[9], իսկ ընդմիջումից հետո առաջին խաղն անցկացրեց ապրիլի 27-ին[10]։ «De Telegraaf»-ին տրված հարցազրույցում Կուենկան հայտարարել է, որ ցանկանում է ևս մեկ տարի մնալ «Այաքսում»[11]։

2014-15 մրցաշրջանում նա խաղացել է «Դեպորտիվո Լա Կորունյա» ակումբի համար։ 2015 թվականի օգոստոսի 7-ին տեղափոխվել է «Բուրսասպոր» թուրքական ակումբ։

Ձեռքբերումներ[խմբագրել | խմբագրել կոդը]

«Բարսելոնա»
«Այաքս»

2012/13՝ Նիդերլանդների ֆուտբոլի առաջնության չեմպիոն (1)

Ծանոթագրություններ[խմբագրել | խմբագրել կոդը]

  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 Արգենտինական ֆուտբոլի տվյալների շտեմարան (իսպ.)
  3. ↑ Барселона — Виктория Пльзень — 2:0
  4. ↑ Гранада — Барселона — 0:1
  5. ↑ Барселона — Мальорка — 5:0
  6. ↑ Барселона — Л'Оспиталет — 9:0
  7. ↑ «Ajax huurt Cuenca van FC Barcelona» (հոլանդերեն). ajax.nl. Արխիվացված օրիգինալից 2013 թ․ փետրվարի 12-ին. Վերցված է 1.2.2013-ին.
  8. ↑ «Куэнка: выбрал «Аякс» из-за его философии игры». championat.com. Արխիվացված օրիգինալից 2013 թ․ փետրվարի 12-ին. Վերցված է 2.2.2013-ին.
  9. ↑ «Babel en Cuenca op trainingsvelda» (հոլանդերեն). ajax.nl. Արխիվացված օրիգինալից 2013 թ․ մայիսի 12-ին. Վերցված է 2013 թ․ մայիսի 8-ին.
  10. ↑ «Ajax kan zich richten op kampioensduel» (հոլանդերեն). ajax.nl. Արխիվացված օրիգինալից 2013 թ․ մայիսի 12-ին. Վերցված է 2013 թ․ մայիսի 8-ին.
  11. ↑ «Barça-huurling Cuenca: 'Graag nog jaar bij Ajax blijven'» (հոլանդերեն). vi.nl. Արխիվացված օրիգինալից 2013 թ․ մայիսի 12-ին. Վերցված է 2013 թ․ մայիսի 8-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Իսահակ Կուենկա» հոդվածին։
Թեմատիկ կայքեր
Ստացված է «https://hy.wikipedia.org/w/index.php?title=Իսահակ_Կուենկա&oldid=9811612» էջից