Իջևանատուն Երևանում (նկար)

Իջևանատուն Երևանում
տեսակ	գեղանկար
նկարիչ	Սեդրակ Առաքելյան
տարի	1921
բարձրություն	61 սանտիմետր
լայնություն	89 սանտիմետր
նյութ	կտավ և յուղաներկ
գտնվում է	Հայաստանի ազգային պատկերասրահ
հավաքածու	Հայաստանի ազգային պատկերասրահ
սեփականատեր	Հայաստանի ազգային պատկերասրահ
կայք
Ծանոթագրություններ

«Իջևանատուն Երևանում», «Քարվանսարա. Իջևանատուն հին Երևանում», Սեդրակ Առաքելյանի 1921 թվականին ստեղծած կտավը, որը գտնվում է Հայաստանի ազգային պատկերասրահում։

Պատմություն

Գեղանկարիչ Սեդրակ Առաքելյանը նոր շրջանի հայկական գեղանկարչության հիմնադիրներից է։ Առաքելյանի աշխատանքներին բնորոշ է հայրենի բնության և կենցաղի գունագեղ արտացոլումը։ «Իջևանատուն Երևանում» գեղանկարում նա պատկերել է Գյուրջի (թուրքերենից թարգմանաբար` վրացական) քարվանսարան, որը հին Երևանի ութ իջևանատներից ամենամեծն էր։ Այստեղ իջևանում էին Թիֆլիսից եկող քարավանները։ Կառուցվել էր 17-18-րդ դարերում՝ Ղանթարի մոտ (նախկին Ասքանազ Մռավյանի անվան դպրոցի տեղում)։ Կտավում գեղանկարիչը ներկայացրել է իջևանի հրապարակը շրջափակող բարձր պարիսպը, հողածածկ կտուրներով տներն ու ցածրիկ տաղավարները, բեռնավորված ուղտերի քարավանները, գույնզգույն տարազներով մարդկանց եռուզեռը։