Իոսիֆ Դուբրովինսկի

Վիքիպեդիայից՝ ազատ հանրագիտարանից
Jump to navigation Jump to search
Իոսիֆ Դուբրովինսկի
Joseph Dubrovinsky, portrait.jpg
Ծնվել էօգոստոսի 26, 1877(1877-08-26)
ԾննդավայրՕրյոլի նահանգ, Ռուսական կայսրություն
Մահացել էհունիսի 1, 1913(1913-06-01) (35 տարեկանում)
Մահվան վայրTurukhansk, Ռուսաստան
Մասնագիտությունքաղաքական գործիչ և հեղափոխական
Քաղաքական կուսակցությունՌուսական սոցիալ-դեմոկրատական կուսակցություն (բոլշևիկների)

Իոսիֆ Ֆեոդորովիչ Դուբրովինսկի (կուսակցական ծածկանունը՝ Ինոկենտի) (օգոստոսի 14 (26) 1877 թ., գյուղ Պոկրովսկ-Լիպովցի (այժմ՝ Օրյոլի մարզի Մալոարխանգելսկի շրջան) - մայիսի 19 (հունիսի 1) 1913 թ.), պրոֆեսիոնալ հեղափոխական, բոլշևիկյան կուսակցության գործիչ։ Կուրսկի (մինչև 1895 թ.) և Օրյոլի (1896 թ.) ռեալական ուսումնարաններում սովորելու տարիներին մասնակցել է նարոդովոլյան խմբակների աշխատանքներին, հետո դարձել մարքսիստ։ Դուբրովինսկը Մոսկվայի «Բանվորների միության» ղեկավարներից էր ՌՍԴԲԿ 2-րդ համագումարից (1903 թ.) հետո անցել է բոլշևիկների կողմը։ Եղել է Մոսկվայի Դեկտեմբերյան զինված ապստամբության (1905 թ.) ղեկավարներից, մասնակցել ՌՍԴԲԿ 5-րդ համագումարի (1907 թ., Լոնդոն) նախապատրաստմանը, որտեղ ընտրվել է ՌՍԴԲԿ ԿԿ-ի անդամ։ Բազմիցս ձերբակալվել և աքսորվել է։ Մահացել է Տուրուխանյան աքսորավայրում։ Վ․ Ի․ Լենինը, քննադատելով Դուբրովինսկու որոշ հաշտվողական սխալները, միաժամանակ բարձր է գնահատել նրան, որպես բանվոր դասակարգի գործին անսահմանորեն նվիրված հեղափոխականի։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 458 CC-BY-SA-icon-80x15.png