Իլիանա Յոտովա

Վիքիպեդիայից՝ ազատ հանրագիտարանից
Իլիանա Յոտովա
Iliyana Yotova.jpg
 
Կուսակցություն՝ Բուլղարիայի սոցիալիստական կուսակցություն
Կրթություն՝ Սոֆիայի համալսարան և Lycée Français de Sofia?
Մասնագիտություն՝ քաղաքական գործիչ և լրագրող
Ծննդյան օր հոկտեմբերի 24, 1964(1964-10-24) (58 տարեկան)
Ծննդավայր Սոֆիա, Բուլղարիա
Քաղաքացիություն Flag of Bulgaria.svg Բուլղարիա

Իլիանա Մալինովա Յոտովա (բուլղար․՝ Илияна Малинова Йотова [1] հոկտեմբերի 24, 1964(1964-10-24), Սոֆիա, Բուլղարիա), բուլղարացի քաղաքական գործիչ, 2017 թվականից զբաղեցնում է Բուլղարիայի փոխնախագահի պաշտոնը՝ Ռումեն Ռադևի թեկնածուն էր, ով 2016 թվականի նախագահական ընտրությունների երկրորդ փուլում հաղթեց GERB-ի թեկնածու Ցեցկա Ցաչևային։ Յոտովան Եվրախորհրդարանի անդամ էր 2007 թվականից մինչև 2017 թվականի հունվարի 16-ը։ Խոսում է բուլղարերեն, ֆրանսերեն և անգլերեն։

Կրթություն[խմբագրել | խմբագրել կոդը]

Յոտովան ծնվել է Սոֆիայում, սովորել՝ Սոֆիայի ֆրանսիական լիցեյում։ Մագիստրոսի կոչում է ստացել բուլղարական և ֆրանսիական բանասիրության բնագավառում Սոֆիայի համալսարանում (1989), իսկ ավելի ուշ մասնագիտացել է Ստրասբուրգի École Nationale d'administration-ում (ENA, Կառավարման ազգային դպրոց)՝ Ֆրանսիա և Ստրասբուրգի համալսարանի Եվրոպական ուսումնասիրությունների կենտրոնում (CEES):

Վաղ կարիերա[խմբագրել | խմբագրել կոդը]

1990-1997 թվականներին Իոտովան աշխատել է Բուլղարիայի ազգային հեռուստատեսությունում՝ որպես լրատվական և ընթացիկ ծրագրերի թղթակից, խմբագիր, տնօրեն և հաղորդավար։ Այնուհետև աշխատել է Բուլղարիայի սոցիալիստական կուսակցության մամուլի ծառայության տնօրեն[2]։

Քաղաքական կարիերա[խմբագրել | խմբագրել կոդը]

Իլիանա Յոտովան Բուլղարիայի նախագահ Ռումեն Ռադևի և Եվրահանձնաժողովի նախագահ Ժան Կլոդ Յունկերի հետ Սոֆիայում

2005 թվականի համապետական ընտրություններում Յոտովան ընտրվել է Ազգային ժողովի պատգամավոր։

Յոտովան Եվրախորհրդարանի պատգամավոր է դարձել 2007 թվականին, իսկ 2014 թվականին վերընտրվել է։ Այնտեղ նա «Սոցիալիստների և դեմոկրատների առաջադիմական դաշինք» խմբի մաս էր կազմում։

Խորհրդարանում Յոտովան աշխատել է Ներքին շուկայի և սպառողների իրավունքների պաշտպանության կոմիտեում (2007-2009 թթ.), ձկնորսության կոմիտեում (2009-2014 թթ.) և խնդրագրերի հանձնաժողովում (2009-2014 թթ.): 2012 թվականից մինչև 2013 թվականը եղել է նաև Կազմակերպված հանցավորության, կոռուպցիայի և փողերի լվացման դեմ պայքարի հատուկ հանձնաժողովի անդամ։ 2014 թվականի ընտրություններից նա զբաղեցրել է Քաղաքացիական ազատությունների, արդարադատության և ներքին գործերի հանձնաժողովի փոխնախագահի պաշտոնը։ Այս պաշտոնում նա իր խորհրդարանական խմբի զեկուցողն էր 2015 թվականի զեկույցի վերաբերյալ, որը կոչ էր անում 40,000 փախստականների արդար բաշխել ողջ Եվրամիությունում։

Ի հավելումն իր հանձնաժողովային առաջադրանքների, Յոտովան ծառայել է որպես ԵՄ-Մոնտենեգրո կայունացման և ասոցացման խորհրդարանական հանձնաժողովում խորհրդարանի պատվիրակության նախագահ և Միջերկրական ծովի խորհրդարանական վեհաժողովի պատվիրակության անդամ։ Նա նաև Եվրախորհրդարանի ազնվության հարցերով միջխմբի անդամ էր (Թափանցիկություն, հակակոռուպցիոն և կազմակերպված հանցագործություն)[3]։

2016 թվականի նոյեմբերին կայացած նախագահական ընտրություններում նա առաջադրվել է նախագահի թեկնածու Ռումեն Ռադևի հետ միասին։ 2017 թվականի հունվարի 22-ին նա ստանձնել է փոխնախագահի պաշտոնը[4]։ Փոխնախագահի պաշտոնում ընտրվելուց հետո Յոտովան հրաժարվեց Եվրախորհրդարանի պատգամավորի մանդատից։

Ընտանիք[խմբագրել | խմբագրել կոդը]

Ամուսնացած է բժիշկ Անդրեյ Յոտովի հետ, ունեն որդի[5][6]։

Ծանոթագրություներ[խմբագրել | խմբագրել կոդը]

  1. Results from the elections 2016 (in Bulgarian)
  2. «Профил на Илиана Йотова» (բուլղարերեն)։ personi.dir.bg։ Արխիվացված է օրիգինալից 25 October 2016-ին։ Վերցված է 25 October 2016 
  3. Members of the European Parliament on Integrity (Transparency, Anti-Corruption and Organized Crime) European Parliament.
  4. Румен Радев официально вступил в должность президента Болгария - Новости
  5. «Илияна Йотова»։ www.bgsocialists.eu։ Արխիվացված է օրիգինալից 2017-07-31-ին։ Վերցված է 2017-07-30 
  6. Говорят Илияна Йотова и мъжът до нея - България | Vesti.bg

Արտաքին հղումներ[խմբագրել | խմբագրել կոդը]