Ժուան Ֆիգեյրեդու
| Ժուան Ֆիգեյրեդու պորտ.՝ Joao Baptista de Oliveira Figueiredo | |
|---|---|
.jpg) | |
| Ծնվել է | հունվարի 15, 1918[1][2][3] |
| Ծննդավայր | Ռիո դե Ժանեյրո, Բրազիլիա[4] |
| Մահացել է | դեկտեմբերի 24, 1999[1][2][3] (81 տարեկան) |
| Մահվան վայր | Ռիո դե Ժանեյրո, Բրազիլիա |
| Քաղաքացիություն |  Բրազիլիա |
| Մայրենի լեզու | պորտուգալերեն |
| Կրթություն | Academia Militar das Agulhas Negras? |
| Մասնագիտություն | քաղաքական գործիչ և սպա |
| Ամուսին | Dulce Figueiredo? |
| Ծնողներ | հայր՝ Euclides Figueiredo? |
| Զբաղեցրած պաշտոններ | President of Brazil? |
| Կուսակցություն | National Renewal Alliance Party? |
| Պարգևներ և մրցանակներ | |
Ստորագրություն | |
 João Figueiredo Վիքիպահեստում | |
Ժուան Բապտիստա դե Օլիվեյրա Ֆիգեյրեդու (պորտ.՝ João Baptista de Oliveira Figueiredo, հունվարի 15, 1918[1][2][3], Ռիո դե Ժանեյրո, Բրազիլիա[4] - դեկտեմբերի 24, 1999[1][2][3], Ռիո դե Ժանեյրո, Բրազիլիա), բրազիլացի զինվորական և պետական գործիչ, Բրազիլիայի նախագահը 1979-1985 թվականներին:
Կենսագրություն
[խմբագրել | խմբագրել կոդը]1935 թվականին ծառայության է անցել Բրազիլիայի զինված ուժերում։ Ավարտել է հանրապետության մի շարք բարձրագույն ռազմական հաստատություններ, մասնավորապես՝ հրամանատարաշտաբային դպրոցը (1961-1964 թվականնեին) և բարձրագույն ռազմական հրամանատարական ուսումնարանը։ Ծառայել է բանակային զորամասերում։ 1955-1957 թվականներին ծառայել է Պարագվայում։
1964 թվականին ստացել է գնդապետի կոչում և նշանակվել Ազգային տեղեկատվական ծառայության (հետախուզություն և հակահետախուզություն) կենտրոնական բաժնի պետ։ 1969 թվականին գեներալի կոչումով դարձել է 3-րդ բանակի շտաբի պետ։
Էմիլիո Գարրաստազու Մեդիսիի (1969-1974 թվականներ) կառավարությունում եղել է նախագահի ռազմական գրասենյակի ղեկավար, Էռնեստո Գայզելի (1974-1979 թվականներ) կառավարությունում՝ ազգային հետախուզական ծառայության ղեկավար։
1978 թվականի հունվարին առաջադրվել է Բրազիլիայի նախագահի պաշտոնում։ Օրենքով սահմանված կարգով թոշակի է անցել բանակի գեներալի կոչումով (շնորհվել է 1978 թվականի մարտին)։
Որպես նախագահ
[խմբագրել | խմբագրել կոդը]1978 թվականի հոկտեմբերի 15-ին ընտրվել է նախագահ և ստանձնել պաշտոնը 1979 թվականի մարտի 15-ին։
Բրազիլիայում նրա նախագահության տարիներին շարունակվել է ռեժիմի ազատականացման գործընթացը, որը սկսվել է նրա նախորդի՝ Էռնեստո Գեյզելի նախագահության օրոք։ Ժողովրդավարության վերադարձ պահանջող ժողովրդի ճնշման տակ աստիճանաբար սկսել են վերականգնվել քաղաքացիների քաղաքական իրավունքները։ 1981 թվականին թույլատրվել է նոր քաղաքական կուսակցությունների ստեղծումը։ Բոլոր քաղաքական էմիգրանտներին, բացառությամբ ահաբեկիչների, համաներում է հայտարարվել և թույլատրվել է վերադառնալ հայրենիք[6][7]։
1979 թվականին Բրազիլիայում նշանավորվել է երկկուսակցական համակարգի վերացումը, որը փոխարինվել է բազմակուսակցական համակարգով։ Շուտով Ազգային վերածննդի դաշինքը Ֆիգեյրեդուի կողմից վերածվել է Սոցիալ-դեմոկրատական կուսակցության, իսկ Բրազիլիայի Դեմոկրատական շարժում ընդդիմադիր կուսակցությունը՝ Բրազիլիայի դեմոկրատական շարժման կուսակցության[8]:
1982 թվականին, երկար տարիների ընթացքում առաջին անգամ, Բրազիլիայի նահանգների կառավարիչներն ընտրվել են ուղղակի համընդհանուր ընտրական իրավունքով։ 1984 թվականին Բրազիլիայում տեղի են ունեցել բազմաթիվ բողոքի ցույցեր՝ ի պաշտպանություն նախագահական ուղղակի ընտրությունների վերադարձի։ 1985 թվականի հունվարին Ընտրողների կոլեգիան Բրազիլիայի նոր նախագահ ընտրել է ընդդիմադիր կոալիցիայի թեկնածու Տանկրեդո Նևեսին[9]:
Հիշատակ
[խմբագրել | խմբագրել կոդը]Ֆիգեյրեդուի անունով է կոչվում Ամազոնաս նահանգի Պրեզիդենտի Ֆիգեյրեդուի քաղաքապետարանը։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 2,2 2,3 2,4 Encyclopædia Britannica
- ↑ 3,0 3,1 3,2 3,3 3,4 Munzinger Personen (գերմ.)
- ↑ 4,0 4,1 4,2 Deutsche Nationalbibliothek Record #1022612689 // Gemeinsame Normdatei (գերմ.) — 2012—2016.
- ↑ 5,0 5,1 5,2 5,3 http://www.ordens.presidencia.pt/?idc=154
- ↑ История Бразилии на сайте brazil.ru. Արխիվացված 2011-10-29 Wayback Machine
- ↑ «Вокруг света. Бразилия». Արխիվացված է օրիգինալից 2013-08-21-ին. Վերցված է 2011-06-27-ին.
- ↑ «Бразилия в энциклопедии Кольера». Արխիվացված օրիգինալից 2021-10-06-ին. Վերցված է 2011-05-27-ին.
- ↑ «Как уходили диктаторы». Արխիվացված է օրիգինալից 2018-05-04-ին. Վերցված է 2011-05-27-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Ժուան Ֆիգեյրեդու» հոդվածին։ |
| ||||||||||||||||
