Ժաննա Զուրաբյան

Վիքիպեդիայից՝ ազատ հանրագիտարանից
Վիքիպեդիայում կան հոդվածներ Զուրաբյան ազգանունով այլ մարդկանց մասին։
Ժաննա Զուրաբյան
Ծնվել էօգոստոսի 30, 1941(1941-08-30)[1] (82 տարեկան)
ԾննդավայրԿիրովական, Հայկական ԽՍՀ, ԽՍՀՄ
Քաղաքացիություն ԽՍՀՄ և  Հայաստան
ԿրթությունԵրևանի Կոմիտասի անվան պետական կոնսերվատորիա (1966)
Մասնագիտություներաժշտագետ
Պարգևներ և
մրցանակներ

Ժաննա Պետրոսի Զուրաբյան (օգոստոսի 30, 1941(1941-08-30)[1], Կիրովական, Հայկական ԽՍՀ, ԽՍՀՄ), հայ երաժշտագետ։ Հայաստանի կոմպոզիտորների միության (1981) և վարչության անդամ։ Երևանի Կոմիտասի անվան պետական կոնսերվատորիայի պրոֆեսոր։ Հայաստանի Հանրապետության արվեստի վաստակավոր գործիչ (2019)[2]։

Կենսագրություն[խմբագրել | խմբագրել կոդը]

Ժաննա Զուրաբյանը ծնվել է 1941 թվականի օգոստոսի 30-ին, Կիրովական քաղաքում։ 1966 թվականին ավարտել է Երևանի Կոմիտասի անվան պետական կոնսերվատորիայի երաժշտագիտության բաժինը (Ա. Բարսամյանի դասարան)։ 1984 թվականին Կիևի Մ. Ռիլսկու անվան ինստիտուտում պաշտպանել է թեկնածուական ատենախոսություն՝ «Թեմատիզմի ազգային ինքնատիպությունը հայ սիմֆոնիկ երաժշտության մեջ» թեմայով։ 2014 թվականին ՀՀ ԳԱԱ արվեստի ինստիտուտում պաշտպանել է դոկտորական ատենախոսություն՝ «Ազգային մոնոդիայի ստեղծագործական վերադրսևորումները հայ կոմպոզիտորների գործիքային ստեղծագործություններում» թեմայով[3]։

1963-1980 թվականներին Երևանի Սայաթ-Նովայի անվան երաժշտական դպրոցում դասավանդել է երաժշտա-տեսական առարկաներ, 1982-1991 թվականներին ղեկավարել է Հայաստանի կոմպոզիտորների միության երաժշտագիտական սեկցիան։ 1970 թվականից դասավանդում է Երևանի Կոմիտասի անվան պետական կոնսերվատորիայի երաժշտության պատմության ամբիոնում, 1992 թվականից վարում է Երևանի Կոմիտասի անվան պետական կոնսերվատորիայի գիտական քարտուղարի պաշտոնը։

Անդամակցություն[խմբագրել | խմբագրել կոդը]

Մենագրություններ[խմբագրել | խմբագրել կոդը]

  • «Ալ. Աճեմյան», «Արճեշ» հրատարակչություն, Երևան, 1997։
  • «Ազգային ինտոնացիոն ակունքները հայ սիմֆոնիկ երաժշտության թեմատիզմում», «Կոմիտաս» հրատարակչություն, Երևան, 2002 (ռուսերեն)
  • «Երաժշտության աշխարհում» գիրք II, Հայկական օպերա, համահեղինակ՝ Ռ. Եսայան, «Արևիկ» հրատարակչություն, Երևան, 2006։
  • «Մոնոդիան հայ կոմպոզիտորների գործիքային ստեղծագործություններում» – Երևան, 2014, ՀՀ «Գիտություն» հրատարակչություն[5]։

Պարգևներ, կոչումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 https://composers.am/?p=7021
  2. «Հանրապետության նախագահի հրամանագրերը - Փաստաթղթեր - Հայաստանի Նախագահ». www.president.am. Վերցված է 2019 թ․ մայիսի 29-ին.
  3. «Զուրաբյան Ժաննա | ՀԿՄ». composers.am (ամերիկյան անգլերեն). Վերցված է 2019 թ․ ապրիլի 11-ին.
  4. «ՀՀ ԳԱԱ Արվեստի ինստիտուտ». arts.sci.am. Վերցված է 2019 թ․ ապրիլի 11-ին.
  5. «Items where Author is "Զուրաբյան, Ժաննա Պետրոսի" - Հայաստանի ատենախոսությունների բաց մատչելիության պահոց = Open Access Repository of the Armenian Electronic Theses and Dissertations (Armenian ETD-OA) = Репозиторий диссертаций Армении открытого доступа». etd.asj-oa.am. Արխիվացված է օրիգինալից 2019 թ․ ապրիլի 11-ին. Վերցված է 2019 թ․ ապրիլի 11-ին.

Արտաքին հղումներ[խմբագրել | խմբագրել կոդը]