Ժանին Հեննիս-Պլասհարտ
| Ժանին Հեննիս-Պլասհարտ | |
| |
| Կուսակցություն՝ | Ազատության և ժողովրդավարության ժողովրդական կուսակցություն[1] |
|---|---|
| Կրթություն՝ | Q2742641? |
| Մասնագիտություն՝ | քաղաքական գործիչ |
| Դավանանք | Հռոմի Կաթոլիկ եկեղեցի |
| Ծննդյան օր | ապրիլի 7, 1973 (51 տարեկան) |
| Ծննդավայր | Հեյրլեն, Լիմբուրգ, Նիդերլանդներ |
| Քաղաքացիություն |  Նիդերլանդների Թագավորություն
|
Ժանին Անտուանետ Հեննիս-Պլասհարտ (հոլ.՝ Jeanine Antoinette Hennis-Plasschaert, ապրիլի 7, 1973, Հեյրլեն, Լիմբուրգ, Նիդերլանդներ), հոլանդացի քաղաքական գործիչ։ 2018 թվականի նոյեմբերի 1-ից Գլխավոր քարտուղարության հատուկ ներկայացուցիչ և ՄԱԿ-ի Իրաքին աջակցության առաքելության ղեկավար։ 2004-2010 թվականներին եղել է Եվրոպական խորհրդարանի պատգամավոր։ Քաղաքական գործունեության ընթացքում զբաղվել է քաղաքացիական ազատությունների, տրանսպորտի և արդարադատության հետ կապված հարցերով։ 2012 թվականին դարձել է Նիդերլանդների պաշտպանության նախարար՝ փոխարինելով Հանս Հիլլենին[2]։ Եղել է Նիդերլանդների առաջ կինը, որն զբաղեցրել է ռազմական բարձրագույն պաշտոնը։ Մալիում երկու զինվորների մահվան հետ կապված դեպքից հետո թողել է պաշտոնը։ 2017 թվականի հոկտեմբերին նրա փոխարեն նշանակվել է Կլաաս Դեյքհոֆը[3][4][5]։
Կենսագրություն
[խմբագրել | խմբագրել կոդը]Ժանին Հեննիս-Պլասհարտը ծնվել է 1973 թվականի ապրիլի 7-ին Հեյրլենում, Նիդերլանդներ։ Ավարտել է Գաուդայի Սուրբ Անտոնի կաթոլիկ քոլեջի (հոլ.՝ St.-Antoniuscollege) ավագ դպրոցը։ Դրանից հետո Ուտրեխտում ընդունվել է ակադեմիա (հոլ.՝ Europese Academie voor Secretariaat)։ 2000 թվականից նիդերլանդական «Ժողովրդական կուսակցություն հանուն ազատության և դեմոկրատիայի» անդամ է (հոլ.՝ Volkspartij voor Vrijheid en Democratie (VVD))[6]:
Նիդերլանդների պաշտպանության նախարարի պաշտոնում շատ է ճանապարհորդել ռազմակայաններում և հոլանդական զորամիավորման վայրերում՝ ստուգելով ստորաբաժանումների մարտունակությունը և ֆինանսական ծախսերը։ 2014 թվականին Ժանին Հեննիս-Պլասհարտը Նիդերլանդների Զինված ուժերի անունից ներողություն է խնդրել երեք բոսնիացի ընտանիքների Բոսնիական պատերազմի ժամանակ հոլանդացի զինվորների գործողությունների համար[7]։
2015 թվականին Հոլանդիայի ֆինանսների նախարարի և Նիդերլանդերի Թագավորական բանակի պաշտպանության ղեկավարի հետ այցելել է Մալիում Նիդերլանդների խաղաղապահ զորախումբ[8]։
Որպես պաշտպանության նախարար՝ Հեննիս-Պլասհարտի գործունեությունս բազմիցս քննադատվել է։ Քննադատության պատճառը եղել է կտրուկ հայտարարությունները և արարքաները, օրինակ՝ շուրջ 15 հազար հոլանդացի զինվորականներին զինվորական ծառայության համար ոչ համապատասխան անվանելը, ռազմական ծախսերը կրճատելը, զենք գնելը, երկու տանկային բրիգադ ցրելը, Ֆինլանդիային և Լիտվային 160 «Լեոպարդ» տանկ վաճառելը, Թուրքիայից Պետրիոտ հակահրթիռային համակարգերը հանելը, որոնց տեղադրումը նա պնդել է 2013 թվականին[9][10]։
2016 թվականի հունիսի 6-ին Մալիում ՄԱԿ-ի խաղաղապահ զորավարժությունների շրջանակներում ականանետի կիրառման ժամանակ զոհվել են երկու հոլանդացի զինվորներ, ևս մեկը ծանր վիրավորում է ստացել։ Հոլանդիայի Անվտանգության համապատասխանության հանձնաժողովը ստուգումից հետո զեկույց է հրապարակել միջադեպի վերաբերյալ, որտեղ ասվում է, որ դա նախարարի մեղքն է, որը «ուշադրություն չի դարձրել անվտանգության չափանիշներին և փոխարենը հետապնդել է ռազմավարական նպատակներ»։ Դրանից հետո Հենիսը հրաժարականի մասին հայտարարություն է արել երկրի խորհրդարանի առաջ[11]։
Գործունեություն
[խմբագրել | խմբագրել կոդը]- 22.07.2004-ից մինչև 14.01.2007՝ Քաղաքացիական ազատությունների, արդարադատության և ներքին գործերի հարցերով կոմիտե,
- 15.09.2004-ից մինչև 13.07.2009՝ Եվրամիություն-Թուրքիա համատեղ պատգամավորության խորհրդարանական կոմիտե,
- 19.01.2006-ից մինչև 14.02.2007՝ բանտարկյալների՝ եվրոպական երկրների և ԱԱԾ-ի ենթադրյալ անօրինական տեղափոխման և պահման ժամանակավոր կոմիտե,
- 15.01.2007-ից մինչև 30.01.2007՝ Քաղաքացիական ազատությունների, արդարադատության և ներքին գործերի հարցերով կոմիտե,
- 31.01.2007-ից մինչև 13.07.2009՝ Տրանսպորտի և զբոսաշրջության կոմիտե
- 15.02.2007-ից մինչև 13.07.2009՝ Եվրամիություն-Ռուսաստան խորհրդարանական համագործակցության կոմիտեի պատվիրակություն,
- 16.07.2009-ից մինչև 16.06.2010՝ Տրանսպորտի և զբոսաշրջության կոմիտե
- 16.09.2009-ից մինչև 16.06.2010՝ Եվրամիություն-Բելառուս փոխհարաբերությունների պատվիրակություն,
- 16.09.2009-ից մինչև 16.06.2010՝ Եվրոնեստի պատվիրակություն (Արևելյան գործընկերության հարցերով համաժողով)[12]
- 19.04.2010-ից մինչև 16.06.2010՝ Եվրամիություն-ԱՄՆ փոխհարաբերությունների պատվիրակություն[13],
- 05.11. 2012-ից մինչև 04.10.2017՝ Նիդերլանդների պաշտպանության նախարար։
Ծանոթագրություններ
[խմբագրել | խմբագրել կոդը]- ↑ 1,0 1,1 https://www.kiesraad.nl/binaries/kiesraad/documenten/rapporten/2017/2/definitieve-kandidatenlijsten-tk-2017/definitieve-kandidatenlijsten-tk2017-kieskring-s-gravenhage/osv3-9_Definitieve+kandidatenlijsten_TK2017_sGravenhage.pdf
- ↑ «Jeanine Hennis-Plasschaert Minister of Defence» (PDF). Curriculum Vitae. EUROPEAN PARLIAMENT website.
- ↑ «Dijkhoff named Netherlands defense minister - The Nation Nigeria». The Nation Nigeria (անգլերեն). 2017 թ․ հոկտեմբերի 4. Վերցված է 2017 թ․ հոկտեմբերի 10-ին.
- ↑ «Dutch defence minister resigns over Mali mortar accident critical report - DutchNews.nl». DutchNews.nl (անգլերեն). 2017 թ․ հոկտեմբերի 4. Վերցված է 2017 թ․ հոկտեմբերի 10-ին.
- ↑ «Новости: Министр обороны Нидерландов подала в отставку после публикации отчета о гибели солдат на учениях». «ЭрТиВиАй Продакшн» (ռուսերեն). 2017 թ․ սեպտեմբերի 4. Արխիվացված է օրիգինալից 2017 թ․ նոյեմբերի 7-ին. Վերցված է 2017 թ․ նոյեմբերի 3-ին.
- ↑ «J.A. (Jeanine) Hennis-Plasschaert». Nederland en Europa. Europa NU Onafhankelijk & actueel.
- ↑ Dr. Manfred Gerstenfeld (2016 թ․ հուլիսի 7). «The Dutch apologize to Javans and Bosnians, but not to Dutch Jews». OpEds. israelnationalnews.
- ↑ Emilie van Outeren (2016 թ․ հուլիսի 15). «Nederland trekt alle helikopters terug uit Mali». nrc.nl.
- ↑ Юлия Индикатор (2014 թ․ մարտի 25). «Кто вы, госпожа министр обороны?». Ежедневный познавательный журнал «Школа Жизни.ру».
- ↑ «Нидерланды выводят комплексы ПВО Patriot из Турции». Армейские новости. Военный информатор. 2014 թ․ օգոստոսի 27.
- ↑ «Министр обороны Нидерландов подала в отставку после публикации отчета о гибели солдат на учениях». ЭрТиВиАй Продакшн (ռուսերեն). 2017 թ․ հոկտեմբերի 4. Արխիվացված է օրիգինալից 2017 թ․ նոյեմբերի 7-ին. Վերցված է 2017 թ․ նոյեմբերի 28-ին.
- ↑ «Jeanine HENNIS-PLASSCHAERT». European Parliament MEPs. 2016.
- ↑ Laura C. Ferreira-Pereira, Bruno Oliveira Martins The European Union’s Fight Against Terrorism: The CFSP and Beyond. — Routledge, 2016. — С. 30. — 148 с. — ISBN 1134929900
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Ժանին Հեննիս-Պլասհարտ» հոդվածին։ |
| ||||||||||
