Թոմ Քաթինա

Վիքիպեդիայից՝ ազատ հանրագիտարանից
Jump to navigation Jump to search
Picto infobox med.png
Թոմ Քաթինա
Tom Catena in Yerevan 04.jpg
Թոմ Քաթինան ԵՊԲՀ-ում «Երախտագիտությունն ի գործ» ելույթի ժամանակ, 2017 թ.
Ծնվել էապրիլի 26, 1964(1964-04-26) (55 տարեկան)
Ազգությունամերիկացի
Դավանանքկաթոլիկ
Այլ անուններ«Դոկտոր Թոմ»
ԿրթությունԴյուք համալսարան[1]
Բրաուն համալսարան[2]
Մասնագիտությունբժիշկ, վիրաբույժ
Աշխատավայր«Գթության Մայր» հիվանդանոց
ՊարգևներԱվրորա
ՎիքիքաղվածքԹոմ Քաթինա
Tom Catena Վիքիպահեստում

Թոմ Քաթինա (անգլ.՝ Tom Catena), ամերիկացի բժիշկ, ով 2008 թվականից իր գործունեությունն իրականացնում է Սուդանի Նուբա լեռների Գիդել քաղաքում[1][3][4]:

Կենսագրություն[խմբագրել | խմբագրել կոդը]

Նուբա լեռների շրջանը 2011 թվականից ակտիվ կոնֆլիկտային գոտի է համարվում[5], և Քաթինան 750.000 բնակչություն ունեցող այս շրջանի միակ վիրաբույժն է[6]: Հիվանդները հաճախ ոտքով ճամփորդում են հասնելու «Գթության Մայր» հիվանդանոց, որտեղ Քաթինան աշխատում է։ Հիվանդանոցային տարածքն զբաղեցնում է Հարավային Կորդոֆանի 1/3-ը, որը տարածքով համարժեք է Ավստրիայի տարածքին[7]: Հիվանդանոցի այցելուներն ունեն տարբեր խնդիրներ՝ կոտրվածքներ, փորլուծություն, վահանագեղձի հիվանդություններ, քաղցկեղ, ինչպես նաև պատերազմի պատճառով զոհեր[1][5][7]:

Գործունեություն[խմբագրել | խմբագրել կոդը]

Նախորդ քաղաքացիական պատերազմից հետո լքված գյուղ Նուբայի լեռներում: Զինվորականներից խուսափելով՝ գյուղացիները լեռներ են բարձրանում

Հումանիտար օգնությունն այստեղ արգելված է, ինչը Քաթինան անտեսում է[6]: Խարթումի կառավարության շրջափակման պատճառով այստեղ քիչ հասարակական կազմակերպություններ են գործում[1]: 2012 թվականից օգնությունն ուղղակիորեն չի արգելվում, բայց դա գործնականում անհնար է, քանի որ կամավորները չեն կարող ճանապարհորդել դեպի տարածաշրջան[1]: 2013 թվականից այստեղ գործել են «Գերմանացի փրկարար բժիշկներ» և «Սամարացու քսակ» մարդասիրական կազմակերպությունները, սակայն տարածաշրջանում վերապատրաստված բժիշկ չի եղել[1]: Սահմանափակ միջոցներով շրջապատված՝ Քաթինան երբեմն օգտագործում է հին բժշկական մեթոդներ, վաստակում է 350 ԱՄՆ դոլար՝ շուրջօրյա աշխատելով շաբաթական 7 օր[8]: Նա տեղացիներին նույնպես ներգրավում է աշխատանքի մեջ որպես քույրեր, օգնականներ[1][2]:

Հիվանդանոցն ունենում է 300–350 հիվանդներ։ 2014 թվականի մայիսին հիվանդանոցը ռմբակոծվել է, սակայն ոչ ոք չի տուժել[1][7]: Ռմբակոծություններից պաշտպանվելու համար ստեղծվել են հորանցքեր[7]:

Քաթինան ասում է, որ իրեն ոգեշնչում է սուրբ Ֆրանցիսկ Ասսիզեցին[1][8]: Տեղացիները նրան «Դոկտոր Թոմ» են անվանում, և նա մեծ հարգանք է վայելում շրջապատում[8]:

Քաթինան ավարտել է Բրաունի համալսարանը, քոլեջում խաղացել է ֆուտբոլ։ Բժշկական մասնագիտություն ձեռք է բերել Դյուք համալսարանում[1]: Նախքան Սուդան տեղափոխվելը Քենիայում եղել է ռազմական բժիշկ[4]: Նրան նմանեցնում են 20-րդ դարի գերմանացի փիլիսոփա, աստվածաբան, բժիշկ Ալբերտ Շվայցերին[9]:

2016 թվականի մարտին առաջադրվել է «Ավրորա» մարդասիրական համաշխարհային մրցանակի համար[10], 2017 թվականին՝ արժանացել Ավրորա մրցանակի[11]:

«Ավրորա» մրցանակաբաշխության միջոցառումների շրջանակում 2018 թվականի հունիսի 4-ին մարվել և շրջանառության մեջ է դրվել նամականիշ՝ նվիրված ««Ավրորա» մարդասիրական նախաձեռնություն. «Ավրորա» մրցանակի դափնեկիրներ. Թոմ Քաթինա»» թեմային[12]:

Մեջբերումներ Թոմ Քաթինայից[խմբագրել | խմբագրել կոդը]

Aquote1.png Մարդիկ օժտված են խիզախությամբ, որը երբեք չես սպասի[13]: Aquote2.png
Aquote1.png Եթե դուք հույս ունեք, հույսի փոքր ճառագայթ, ապա դա կօգնի մարդկանց շարունակել շարժվել առաջ: Aquote2.png


Ընտանիք[խմբագրել | խմբագրել կոդը]

Թոմ Քաթինան ամուսնացել է 2019 թվականի հունվարի 8-ին։ Ամուսնությունը պաշտոնապես գրանցել է ՀՀ Արդարադատության նախարարության ամուսնության պալատում[14]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 1,8 1,9 Bartholet Jeffrey։ «Doctor in a Desperate Land»։ Foreign Policy։ Վերցված է 2 July 2015 
  2. 2,0 2,1 Morton Gordon (March 14, 2013)։ «Man on a Mission»։ Brown School of Enginering։ Brown Alumni Magazine.։ Վերցված է 2 July 2015 
  3. «Hospital in Nuba Mountains losing nurses to INGOs in Yida»։ Radio Tamazuj։ Վերցված է 2 July 2015 
  4. 4,0 4,1 Knaup Horand։ «Africa's Forgotten War: The Bloody, Invisible Battle for South Kordofan»։ Spiegel Online International։ Վերցված է 2 July 2015 
  5. 5,0 5,1 Reeves Eric։ «Reeves»։ Sudan Reeves։ Վերցված է 2 July 2015 
  6. 6,0 6,1 Tom Catena TIME Magazine. The 100 most influential people. Accessed 29 June 2015.
  7. 7,0 7,1 7,2 7,3 Bartholet Jeffrey։ «Q&A: Doctor Describes How Sudanese Bombers Terrorized Hospital»։ National Geographic։ National Geographic։ Վերցված է 3 July 2015 
  8. 8,0 8,1 8,2 Nicholas Kristof (27 June 2015) 'He’s Jesus Christ' Նյու Յորք Թայմս.
  9. Nicholas Kristof (27 June 2015) How to Help Dr. Tom Catena The New York Times.
  10. Finalists Picked for New Prize Created in Memory of Armenian Genocide
  11. «Թոմ Քաթինա. 2017թ. Ավրորա մրցանակի դափնեկիր»։ AURORA PRIZE։ Վերցված է 2017-05-29 
  12. «Նոր փոստային նամականիշ՝ նվիրված 2017 թվականի «Ավրորա» մրցանակի դափնեկիր Թոմ Քաթինային»։ mtcit.am (անգլերեն)։ Վերցված է 2018-06-27 
  13. «Խիզախություն, որ երբեք չես սպասի»
  14. ««Ավրորա» մրցանակի դափնեկիր Թոմ Քաթինան իր ամուսնությունը գրանցել է Երևանում»