Թոմաս Ուորտոն

Վիքիպեդիայից՝ ազատ հանրագիտարանից
Jump to navigation Jump to search
Թոմաս Ուորտոն
Thomaswarton.jpg
Ծնվել էհունվարի 9 (20), 1728[1][2][3]
ԾննդավայրԲեյսինգսթոուք, Հեմփշիր, Հեմփշիր, Միացյալ Թագավորություն
Վախճանվել էմայիսի 21, 1790(1790-05-21)[1][2][3] (62 տարեկան)
Վախճանի վայրՕքսֆորդ, Անգլիա, Մեծ Բրիտանիայի թագավորություն
Մասնագիտությունգրող, բանաստեղծ, պատմաբան, գրական քննադատ և գրականության պատմաբան
Լեզուանգլերեն
ՔաղաքացիությունFlag of Great Britain (1707–1800).svg Մեծ Բրիտանիայի թագավորություն
ԿրթությունՈւինչեսթեր քոլեջ և Երրորդության քոլեջ
ԱշխատավայրՕքսֆորդի համալսարան
Commons-logo.svg Thomas Warton Վիքիպահեստում

Թոմաս Ուորտոն (անգլ.՝ Thomas Warton, հունվարի 9 (20), 1728[1][2][3], Բեյսինգսթոուք, Հեմփշիր, Հեմփշիր, Միացյալ Թագավորություն - մայիսի 21, 1790(1790-05-21)[1][2][3], Օքսֆորդ, Անգլիա, Մեծ Բրիտանիայի թագավորություն), անգլիացի, գրականության պատմաբան, քննադատ և բանաստեղծ, Օքսֆորդի համալսարանի պոեզիայի պրոֆեսոր։ 1785 թվականից մինչև 1790 թվականը եղել է Անգլիայի բանաստեղծ-դափնեկիր։

Նա հայտնի է նաև Թոմաս Ուորտոն կրտսեր անվամբ, որով նրան տարբերել են հորից՝ Թոմաս Ուորտոն ավագից (1688-1745), որը նույնպես Օքսֆորդի պոեզիայի պրոֆեսոր է եղել[4]։

Կենսագրություն[խմբագրել | խմբագրել կոդը]

Վաղ տարիներ[խմբագրել | խմբագրել կոդը]

Թոմաս Ուորտոնը ծնվել է 1728 թվականի հունվարի 9-ին Բեյսինգտոկ Հեմփշիրում։ Դեռ մանկուց է սկսել բանաստեղծություններ գրել[5]։ Նրա մեծ եղբայրը բանաստեղծ Ջոզեֆ Ուորտոնն է եղել։ Սկզբնական կրթությունը ստացել է տնային պայմաններում հոր կողմից։ Տասնվեց տարեկանում տեղափոխվել է Օքսֆորդի համալսարանի Սուրբ Երրորդություն քոլեջը, որն ավարտել է 1747 թվականին։ Ուորտոնը նույն թվականին ընտրվել է Օքսֆորդի բանաստեղծ-դափնեկիր և նույն պատվին արժանացել է երկրորդ անգամ՝ 1748 թվականին։ Այս պաշտոնում նրա պարտականությունները եղել են համալսարանի ընտրված հովանավորի մասին բանաստեղծություն գրելը, որը նա պետք է կարդար այդ հովանավորի համար հատուկ նշանակված օրը[5]։

Գործունեություն[խմբագրել | խմբագրել կոդը]

Ուորտոնը 1757 թվականին նշանակվել է պոեզիայի պրոֆեսոր Օքսֆորդի համալսարանում։ Այդ պաշտոնում նա եղել է տասը տարի շարունակ[6]։ Ուորտոնը 1771 թվականին նշանակվել է Քիդինգթոնի ռեկտոր Օքսֆորդշիրի կոմսությունում, և այդ պաշտոնում ծառայել է մինչև իր կյանքի վերջը։ 1785 թվականին եղել է Քեմդենի հնագույն պատմության պրոֆեսոր, ինչպես նաև բանաստեղծ-դափնեկիր։ Ուորտոնը եղել է Սեմյուել Ջոնսոնի ընկերն ու մրցակիցը։ Անգլիացի բանաստեղծներ Ջ․ Չոսերը, Դրեյտոնը, Ֆեյրֆաքսը և Սպենսերը մեծ ազդեցություն են ունեցել նրա պոեզիայի վրա։

Ուորտոնը «Անգլիական գրականության պատմության» հիմնական հեղինակն է (1774-1781)[7]։

Մահ[խմբագրել | խմբագրել կոդը]

Թոմաս Ուորտոնը մահացել է 1790 թվականի մայիսի 21-ին Օքսֆորդ քաղաքում։

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]