Թամո (Թովմաս) Հարությունի Դավթյան (մոտ 1847 թվական, գյուղ Ճախրական, Արևմտյան Հայաստան — 1940, գյուղ Վերին Ղարաղոյմազ (այժմ՝ Հայաստանի Թալինի շրջանի Վերին Սասնաշեն գյուղ)), «Սասնա ծռեր»-ի վիպասաց[3]։ Գրաճանաչ չի եղել։ 1915 թվականին գաղթել է Արևելյան Հայաստան։ Դավթյանից 1932 թվականին գրառվել են վեպի մի պատում և «Մուշեղի պատմություն» վիպական զրույցը (գրառող՝ Կ. Մելիք-Օհանջանյան)։ Դավթյանի պատումը բաղկացած է 4 ճյուղից։ Իբրև Սասնո դասական պատումի հազվադեպ նմուշ ունի ավանդական նկարագիր և բանագիտական արժեք։