Էրիկ Դաման

Վիքիպեդիայից՝ ազատ հանրագիտարանից
Jump to navigation Jump to search
Էրիկ Դաման
Erik Dammann 2011.jpg
Ծնվել էմայիսի 9, 1931(1931-05-09) (88 տարեկան)
ԾննդավայրՕսլո, Նորվեգիա
Մասնագիտությունգրող և բնապահպան
Լեզունորվեգերեն
ՔաղաքացիությունFlag of Norway.svg Նորվեգիա
ՊարգևներԷրիկ Բայի հուշամրցանակ և «Ճիշտ կենսակերպի» մրցանակ

Էրիկ Դաման (նորվ.՝ Erik Dammann, մայիսի 9, 1931(1931-05-09), Օսլո, Նորվեգիա), նորվեգացի գրող, հակագլոբալիստ և էկոլոգ: Հիմնադրել է «Ապագան մեր ձեռքերում է» (նորվ.՝ Framtiden i våre hender) շարժումը:

Կենսագրություն և ստեղծագործական կյանք[խմբագրել | խմբագրել կոդը]

Էրիկ Դամանը ծնվել է Նորվեգիայի մայրաքաղաք Օսլոյում 1931 թվականի մայիսի 9-ին: Բարձրագույն կրթություն է ստացել գովազդային տեխնոլոգիաների բնագավառում: Նրա «Ապագան մեր ձեռքերում է» ստեղծագործությունը ալեկոծել է ողջ հասարակությանը: Այստեղ գրողը արծարծել է քաղաքակրթության տարածման հեռանկարները: Ոգեշնչվելով այդ գրքի շռնդալից հաջողություններով, Էրիկ Դամանը 1974 թվականին նախաձեռնել է հասարակական մի շարժում, որը գրքի անունն էր կրում, այն է ՝ «Ապագան մեր ձեռքերում է»: Այս միջազգային կազմակերպությունը գոյություն ունի ցայսօր էլ: Շարժման մեջ ընդգրկվածների թիվն այսօր հասնում է ավելի քանի քսան հազարի[1]: Իսկ ամբողջ աշխարհում երեսուն գործընկեր կազմակերպություններ կան:

Էրիկ Դամանը հայտնի է նաև Սամոա կղզում ապրելու շնորհիվ: Վերջինս մանրամասնորեն նկարագրված է իր կողմից «Չորս երեխաների հետ խրճիթում» (անգլ.՝ With four children in a palm hut, 1968) գրքում: Էրիկ Դամանը ևս երկու հասարակական շարժումների նախաձեռնող է համարվում: Դրանք են՝ «Project Alternative Future» և «Forum for System Debate»:

«Ժամանակից և տարածությունից դուրս» (անգլ.՝ Behind time and space, 1987) գիրքը համարվել է իր ժամանակի Նորվեգիայի առաջին նյու էյջ փիլիսոփայական աշխատանքը:

1982 թվականին Էրիկ Դամանը արժանանում է «Ճիշտ կենսակերպի համար» (անգլ.՝ The Right Livelihood Award). ի դեպ, այս մրցանակը համարում են Նոբելյան մրցանակի այլընտրանքային տարատեսակը[2]: Մրցանակը շնորհելիս ասվում էր. «Արևմտյան կենսակերպի և արժեքների դեմ մարտահրավերի, առավել պատասխանատու հարաբերություններ շրջակա միջավայրի հետ և երրորդ աշխարհի պայքարի համար»[3]:

Aquote1.png Նույնպես, ինչպես և հիմա մենք կարծում ենք, որ ստրկավաճառության և գաղութացման համար անմարդկային և սարսափելի եղանակով հարստանալը ահավոր էր, այնպես էլ, անկասկած, նոր սերունդը պետք է մտածի, որ ժամանակակից համաշխարհային առևտուրն ու դրա բաշխումը նույնքան սարսափելի են և անմարդկային:
- Էրիկ Դաման
Aquote2.png

1988 թվականից սկսած Էրիկ Դամանը պետության կողմից ցմահ ստանում կենսաթոշակ:

Ստեղծագործություններ[խմբագրել | խմբագրել կոդը]

  • 1966 Truls og Tone Tryllepike, På eventyr i virkeligheten, barnebok
  • 1968 Med fire barn i palmehytte. Oversatt til svensk, ungarsk, finsk
  • 1972 Fremtiden i våre hender. Oversatt til svensk, finsk, dansk, engelsk
  • 1972 Adopsjon? (medredaktør og medforfatter)
  • 1974 Ny Livsstil. Om Folkeaksjonen Framtiden i våre Hender. Med rapport fra åpningsmøtet.
  • 1976 Ny livsstil- og hva så?. Oversatt til svensk (Tio steg mot framtiden)
  • 1977 Partiene ved skilleveien (sammen med Jacob Bomann-Larsen)
  • 1978 Dagen er din. Oversatt til svensk
  • 1979 Revolusjon i velstandssamfunnet. Oversatt til svensk og engelsk
  • 1980 Du bestemmer!. Oversatt til dansk
  • 1981 Fritanker. Arikkelsamling
  • 1981 Talofa Samoa!. Oversatt til svensk
  • 1987 Bak tid og rom. Oversatt til dansk og tysk
  • 1989 Pengene eller livet!. Oversatt til svensk.
  • 1998 Bortført reportasjebok(sammen med Ragnhild Dammann)
  • 2005 Kontraster, beretning om et mangfoldig liv (selvbiografi)
  • 2011 Framtidsfrø (bidragsyter)
  • 2014 Verdirevolusjon, debattbok

Էրիկ Դամանի գրքերը թարգմանվել են աշխարհի ավելի քան ինը լեզուներով:

Ծանոթագրություններ[խմբագրել | խմբագրել կոդը]

  1. Официальный сайт организации «Будущее в наших руках»(նորվ.)
  2. «Erik Dammann / The Future in Our Hands (Norway)» (անգլերեն)։ The Right Livelihood Award։ Արխիվացված է օրիգինալից 2012-05-05-ին։ Վերցված է 2010-07-25 
  3. «…for challenging Western values and lifestyles in order to promote a more responsible attitude to the environment and the third world»

Արտաքին հղումներ[խմբագրել | խմբագրել կոդը]