Էմմա Ալեքսանդրյան

Վիքիպեդիայից՝ ազատ հանրագիտարանից
Jump to navigation Jump to search
Էմմա Ալեքսանդրյան
Ծնվել էօգոստոսի 24, 1927(1927-08-24) (91 տարեկան)
ԾննդավայրԵրևան, Հայկական ԽՍՀ, ԱԽՖՍՀ, ԽՍՀՄ
Ազգությունհայ
ԿրթությունԵրևանի պետական լեզվահասարակագիտական համալսարան
Գիտական աստիճանհոգեբանական գիտությունների դոկտոր և պրոֆեսոր
Մասնագիտությունհոգեբան
Ծնողներհայր՝ Արտաշես Ալեքսանդրյան

Էմմա Արտաշեսի Ալեքսանդրյան (օգոստոսի 24, 1927(1927-08-24), Երևան, Հայկական ԽՍՀ, ԱԽՖՍՀ, ԽՍՀՄ), հայ հոգեբան: Հոգեբանական գիտությունների դոկտոր (1971), պրոֆեսոր (1972):

Բժիշկ Արտաշես Ալեքսանդրյանի դուստրը:

Կենսագրություն[խմբագրել | խմբագրել կոդը]

Էմմա Ալեքսանդրյանը ծնվել է 1927 թվականին Երևանում: 1951 թվականին ավարտել է Երևանի ռուսաց և օտար լեզուների մանկավարժական ինստիտուտը: 1956-1993 թվականներին եղել է Հայաստանի պետական մանկավարժական ինստիտուտի նախադպրոցական մանկավարժության ամբիոնի վարիչ: 1970 թվականին Մոսկվայում պաշտպանել է դոկտորական թեզ՝ դառնալով առաջին կին դոկտորը Հայաստանում: https://aspu.am/hy/content/kyanqic_heracel_e_hogebanakan_gitutyunneri_doktor_profesor_emma_aleqsandryany/#sthash.Gml5DvVe.dpuf 1988 թվականի երկրաշարժից անմիջապես հետո Էմմա Ալեքսանդրյանի նախաձեռնությամբ հիմնվել է Հայաստանում առաջին մանկական հոգեբանության վերականգնողական կենտրոնը (գործել է մինչև 1993 թվականը): 1994 թվականից հրավիրվել է Չիկագո (ԱՄՆ), եղել Նորդ-Իսթերն համալսարանի վերականգնողական հոգեբանության սեմինարների ղեկավար, 1995-2000 թվականներին ղեկավարել է Ռավենսվուդ հոսպիտալի ծերերի հոգեբանական վերականգնողական ծրագիրը, 2000 թվականից` Հեմփթոնպլազա հոսպիտալի «Հոգեբանական խնամք» ծրագրի տնօրեն:

Ներառվել է «20-րդ դարի արհեստավարժ և գործարար կանայք» (2003, Քեմբրիջ) և «20-րդ դարի նշանավոր գիտնականները» տեղեկատուներում:

Մի շարք միջազգային հոգեբանական ընկերակցությունների անդամ է[1]:

Երկեր[խմբագրել | խմբագրել կոդը]

  • Նախադպրոցական մանկավարժություն: Դասագիրք: 2003[2]:
  • Մեր երեխան, նրա զարգացումն ու դաստիարակությունը, Երևան, 1990[3]:
  • Социально-психическая адаптация личности: Формы, механизмы и стратегия. А. А. Налчаджян; Отв. ред. Э. А. Александрян; АН АрмССР, Ин-т философии и права. Ереван, Изд-во АН АрмССР, 1988.
  • Նախադպրոցական մանկավարժություն: (Ուս. ձեռնարկ): Հայկական պետական մանկավարժական ինստիտուտ, Երևանի Խ. Աբովյանի անվան, Երևան, Ա. հ., 1984:
  • Հոգեբանական բառարան: Երևան, «Լույս», 1984 (համահեղինակ):
  • Թեզիսներ մանկան միջազգային տարվան նվիրված հանրապետական գիտական կոնֆերանսի: 1979 թվականի հոկտեմբեր, ՀԽՍՀ Լուսավորության մինիստրություն, ՀԽՍՀ Առողջապահության մինիստրություն, ՀԽՍՀ բարձրագույն և միջնակարգ մասնագիտական կրթության մինիստրություն, Երևան, Ա. հ, 1979:
  • Сенсорное развитие на ранних этапах онтогенеза и роль двигательного анализатора в этом процессе, Ереван, 1972:

Ծանոթագրություններ[խմբագրել | խմբագրել կոդը]

  1. Ով ով է. Հայեր. Կենսագրական հանրագիտարան, հատոր առաջին, Երևան, 2005 
  2. Ալեքսանդրյան Էմմա Արտաշեսի (2003-01-01)։ Նախադպրոցական մանկավարժություն: Դասագիրք (հայերեն)։ Մանկավարժ,.։ ISBN 9785807906762 
  3. Ալեքսանդրյան Էմմա Արտաշեսի (1990-01-01)։ Միքայելյան Մ Բ, ed.։ Մեր երեխան, նրա զարգացումն ու դաստիարակությունը: [Ակնարկներ նախադպր. տարիքի երեխաների դաստիարակության մասին]։ Երևան: Հայաստան։ ISBN 5540009630