Էմանուել Մբոլա
 | |||
|---|---|---|---|
 | |||
| Քաղաքացիությունը |
 Զամբիա | ||
| Ծննդյան ամսաթիվ | մայիսի 10, 1993[1] (30 տարեկան) | ||
| Ծննդավայր | Կաբվե, Զամբիա | ||
| Հասակ | 175 սանտիմետր | ||
| Դիրք | եզրային պաշտպան | ||
|
| |||
|
| |||
|
| |||
|
| |||
|
| |||
Էմանուել Մբոլա (անգլ.՝ Mbola, Emmanuel, մայիսի 10, 1993[1], Կաբվե, Զամբիա), զամբիացի ֆուտբոլիստ, Ռաանանայի «Հապոել» ակումբի պաշտպան։ Հանդես է եկել Զամբիայի ազգային հավաքականում։
Ակումբային կարիերա[խմբագրել | խմբագրել կոդը]
Մբոլան սկսել է կարիերան 2007 թվականին զամբիական «Մայնինգ Ռեյնջերս» ակումբում։ «Փյունիկի» հետ պայմանագիրը կնքվել է 2009 թվականի մայիսին։ Չնայած ֆուտբոլիստի երիտասարդ լինելուն՝ նրա տեխնիկան և դրիբլինգը նվաճել են երևանյան ակումբի մարզիչների և երկրպագուների սրտերը։ Նախանձելի պարբերականությամբ նա սկսել է հայտնվել հիմնական կազմում։ Որոշ պահերին նրա վարպետությունը որոշել է խաղի ընդհանուր ճակատագիրը։
Զամբիայի հավաքականի կազմում Աֆրիկայի գավաթի խաղերից հետո բրիտանական «Daily Mirror» թերթում հոդված է հայտնվել, որ ֆուտբոլիստով հետաքրքրված է Լոնդոնի «Տոտենհեմը», որտեղ նա փորձաշրջան է անցնում։ Հոդվածում նշված էր նաև տրանսֆերի գումարը (1 միլիոն ֆունտ)[2], սակայն ավելի ուշ «Տոտտենհեմի» գլխավոր մարզիչ Հարրի Ռեդնապը հերքել է այդ տեղեկությունը՝ ասելով, որ ինքը նույնիսկ նման խաղացողի չի ճանաչում[3]։ Ավելի ուշ տեղեկություն է հայտնվել, որ այս ամբողջ պատմությունը սկսել է մարդկանց որոշակի խումբ՝ Էլիան Չելիշեի գլխավորությամբ, որը ֆուտբոլիստին վաճառել է «Փյունիկին»։ Օգտվելով Զամբիայի հավաքականի հաջող ելույթից և Մբոլայի խաղից Աֆրիկայի գավաթի խաղարկությունում՝ նրանք որոշել են կրկին վաճառել ֆուտբոլիստին այժմ արդեն անգլիական ակումբին, որը, պարզվել է, «Տոտենհեմն» է։ Սակայն հետագայում անգլիացիները պարզել են այս իրավիճակը և դադարեցրել բանակցությունները։ Էմանուել Մբոլայի գործերով զբաղվում է Եվրոպական Սպորտային Գործակալությունը (ESA, European Sport Agency), որը սեփական է և բացել է այս գործի էությունը։
Ներկայումս Մբոլան ունի մի շարք եվրոպական ակումբների առաջարկներ, որոնց հետ նա բանակցություններ է վարում[4][5], սակայն այս պահին նա խաղում է Կոնգոյի Դեմոկրատական Հանրապետության «TP Masembe»-ում։
Միջազգային կարիերա[խմբագրել | խմբագրել կոդը]
Մբոլան իր առաջին միջազգային խաղն անցկացրել է Զամբիայի կազմում Աշխարհի գավաթի որակավորման մրցաշարում Եգիպտոսի դեմ խաղում 2008 թվականի մարտի 29-ին։ 2010 թվականի հունվարի 25-ի դրությամբ Զամբիայի կազմում անցկացրել է 20 միջազգային հանդիպում, այդ թվում՝ 4 խաղ 2010 թվականին Աֆրիկայի ազգերի գավաթի խաղարկությունում։ Լինելով 16 տարեկան ութ ամսական և երեք օրական՝ դարձել է Աֆրիկայի Ազգերի գավաթի խաղարկության երկրորդ ամենաերիտասարդ խաղացողը՝ Շիվա Ն’Զիգուից հետո։
Գործակալ[խմբագրել | խմբագրել կոդը]
Մբոլայի գործակալն է Արտաշես Ամալյանը (Ռուսաստան) Եվրոպական մարզական գործակալությունից։
Ձեռքբերումներ[խմբագրել | խմբագրել կոդը]
- Հայաստանի չեմպիոն՝ 2009
- Հայաստանի գավաթակիր՝ 2009
- Հայաստանի Սուպերգավաթի եզրափակչի մասնակից՝ 2009
Ծանոթագրություններ[խմբագրել | խմբագրել կոդը]
- ↑ 1,0 1,1 Transfermarkt.com(բազմ․) — 2000.
- ↑ Tottenham line up £1m deal to land Zambia’s teenage star Emmanuel Mbola Արխիվացված 2020-10-31 Wayback Machine(անգլ.)
- ↑ Харри Реднапп: Мбола? Я не знаю такого игрока Արխիվացված 2010-02-25 Wayback Machine(ռուս.)
- ↑ Представители Мбола: Эммануэля в «Тоттенхэме» не будет Արխիվացված 2010-02-27 Wayback Machine(ռուս.)
- ↑ Представители Мбола: замбийские СМИ исказили слова Эммануэля Արխիվացված 2010-03-01 Wayback Machine(ռուս.)
Արտաքին հղումներ[խմբագրել | խմբագրել կոդը]
- Профиль на официальном сайте ФФА(ռուս.)
- Ֆուտբոլիստի էջը soccerway.com կայքում(անգլ.)
- Պրոֆիլը transfermarkt.com կայքում(անգլ.)
|
