Էկատեպեկ դե Մորելոս (իսպ.՝ Ecatepec de Morelos), քաղաք Կենտրոնական ՄեքսիկայիՄեխիկո նահանգում։ Գտնվում է Էկատեպեկ դե Մորելոս մունիցիպալիտետի կազմում և համարվում է մունիցիպալիտետի կենտրոն[2]։ Համաձայն 2010 թվականի մարդահամարի տվյալների՝ բնակչության թիվը կազմում է 1655015 մարդ։ Քաղաքը համարվում է Մեխիկոյի առավել բնակեցված արվարձանը։
Էկատեպեկ դե Մորելոսի տարածքը բնակեցվել է մ.թ.ա. 10-րդ հազարամյակում։ Առաջին բնակիչները հավանաբար եղել են օտոմ հնդկացիական ցեղերը, որոնց հետո փոխարինել են տոլտեկա-չիչիմեկա մշակույթի կրողները։ 1-ին հազարամյակի վերջերին այստեղ բնակություն են հաստատել ացտեկները, այնուհետև՝ 1428-1539 թվականներին տարածքը միացրել են իրենց թագավորությանը։ Մինչ 1517 թվականին իսպանացիների հայտնվելը, այստեղ գոյություն է ունեցել բնիկների Էկատեպեկ անունով բնակավայր։ XVI դարի վերջին կառուցվել է Սան Կրիստոբալ վանքը, և բնակավայրը վերանվանվել է Սան Կրիստոբալ դե Էկատեպեկ։ Մեքսիկայի անկախության համար մղված պատերազմի տարիներին՝ 1815 թվականի դեկտեմբերի 22-ին, այստեղ մահապատժի է ենթարկվել ժողովրդական հերոս, գեներալիսիմուս Խոսե Մարիա Մորելոս Պավոնը։ 1874 հոկտեմբերի 13-ին այստեղ հիմնվել է մունիցիպալիտետ, իսկ 1877 թվականի հոկտեմբերի 1-ին բնակավայրն ստացել է գյուղի կարգավիճակ և վերանվանվել Էկատեպեկ դե Մորելոս։ Քաղաքն առավել հայտնի է որպես ուղղակի Էկատեպեկ, որը ացտեկական նաուատլ լեզվից կարելի է թարգմանել ինպես քամոտ բլուր:
↑"ContactoArchived 2013-12-28 at the Wayback Machine." (). Jumex. Retrieved on May 27, 2014. "Antigua Carretera Mexico Pachuca, Km 12.5 Xalostoc Estado De Mexico, CP 55340"
↑"Aviso de privacidadArchived 2014-02-09 at the Wayback Machine." (). Jumex. Retrieved on May 27, 2014. "[...]GRUPO JUMEX, S.A. de C.V., con domicilio en Carretera México-Pachuca KM 12.5, Colonia Rústica Xalostoc, Ecatepec de Morelos, Estado de México, C.P. 55340, México"
↑«The Medical Blog»։ Multilingualarchive.com։ Արխիվացված է օրիգինալից 11 February 2012-ին։ Վերցված է 28 August 2017|url-status= պարամետրը գոյություն չունի (օգնություն)
Մեքսիկա
Վենեսուելա
Չինաստան
Հարավային Կորեա
Կոստա Ռիկա
