Էլեֆտերիա Արվանիտակի

Վիքիպեդիայից՝ ազատ հանրագիտարանից
Jump to navigation Jump to search
Էլեֆտերիա Արվանիտակի
Arvanitaki02.jpg
Բնօրինակ անուն Ελευθερία Αρβανιτάκη
Ի ծնե անուն հունարեն՝ Ελευθερία Αρβανιτάκη
Ծնվել է հոկտեմբերի 16, 1957(1957-10-16)[1][2] (61 տարեկան)
Պիրեյոս, Հունաստան
Երկիր Flag of Greece.svg Հունաստան
Ժանրեր լաիկո և ջազ
Մասնագիտություն երգչուհի
Գործիքներ վոկալ
Գործունեություն 1981-այժմ
Լեյբլ Lyra
Universal Music Greece
EmArcy
Կայք arvanitaki.gr

Էլեֆտերիա Արվանիտակի (հունարեն՝ Ελευθερία Αρβανιτάκη, հոկտեմբերի 16, 1957(1957-10-16)[1][2], Պիրեյոս, Հունաստան), հույն երգչուհի։ Համագործակցում է այնպիսի երաժիշտների հետ, ինչպիսիք են Սեզարիա Էվորա, Արտո Թունջբոյաջյանը, Արա Դինքջյանը:

Կենսագրություն[խմբագրել | խմբագրել կոդը]

Էլեֆտերիա Արվանիտակին ծնվել է 1957 թվականի հոկտեմբերի 17-ին Պիրեյում։ Նրա ընտանիքն այդտեղ էր տեղափոխվել Իկարիա կղզուց։ Էլեֆտերիա Արվանիտակիի ազգականն է հունական ծագմամբ ավստրալացի կինոռեժիսոր Էնթոնի Մարաշը։

Իր երաժշտական կարիերան Էլեֆտերիա Արվանիտակին սկսել է 1980-ական թվականներին՝ միանալով «Οπισθοδρομική Κομπανία» խմբին։ 1981 թվականին թողարկվել է Վանգելիս Գերմանոսի «Ta Barakia» ալբոմը, որի երգերից մեկը կատարում է Էլեֆտերիա Արվանիտակին։ Որոշ ժամանակ անց Էլեֆտերիա Արվանիտակին հեռանում է խմբից և սկսում նախապատրաստել իր առանձին ալբոմը։ 1984 թվականին թողարկվում է երկգչուհու առաջին ալբոմը, որ կոչվում է «Eleftheria Arvanitaki»:

2004 թվականի օգոստոսին Էլեֆտերիա Արվանիտակին մասնակցել է Աթենքում անցկացված Օլիմպիական խաղերի փակման արարողությանը։ Նա ելույթ է ունեցել մի շարք փառատոններում, այդ թվում է WOMAD (World of Music, Arts and Dance) փառատոնը։ 2006 թվականին Էլեֆտերիա Արվանիտակին՝ որպես «European Divas» կոչված կատարողների խմբի անդամ, Իսլանդիայի Ռեյկյավիկ քաղաքում մասնակցել է «Frostroses» սուրբծննդյան համերգին։ Այդ խմբում ընդգրկված էին նաև Սիսել Շիրշեբոն (Նորվեգիա), Eivør Pálsdóttir (Ֆարերյան կղզիներ), Պետուլա Կլարկը (Մեծ Բրիտանիա), Ռագա Գիսլան (Իսլանդիա) և Պատրիսիա Բարդոնը (Իռլանդիա)։

Էլեֆտերիա Արվանիտակին պայմանագիր է կնքել Verve ջազային լեյբլի հետ (Universal Music Group-ի դուստր լեյբլ), ինչի շնորհիվ իրականացել են նրա ալբոմների միջազգային թողարկումները։ Դրանից հետո նա համագործակցել է EmArcy Records ձայնագրման ստուդիայի հետ, որ աշխատում էր եվրոպացի ջազ երգիչների հետ՝ նրանց դարձնելով հայտնի ամբողջ աշխարհում։

2010 թվականի մարտի 14-ին հունական Alpha TV ալիքը հրատարակել է ազգային ձայնագրական դարաշրջանի լավագույն երգչուհիների ցանկը, որում Էլեֆտերիա Արվանիտակին զբաղեցնում էր վեցերորդ տեղը[3]:

Ալբոմներ[խմբագրել | խմբագրել կոդը]

Տարեթիվ Վերնագիր Հավաստագրում
1984 Eleftheria Arvanitaki
-
1986 Kontrabanto
Պլատինե
1989 Tanirama
-
1991 Meno Ektos
Ոսկե
1993 I Nihta Katevainei
-
1994 Ta Kormia Kai Ta Maheria
Պլատինե
1996 Tragoudia Gia Tous Mines
Պլատինե
1998 Ektos Programmatos
2x Պլատինե
2001 Ekpombi
Ոսկե
2002 Eleftheria Arvanitaki - Live
Ոսկե
2004 Ola Sto Fos
Պլատինե
2006 Grigora I Ora Perase
Ոսկե
2008 Kai Ta Matia Kai I Kardia
Ոսկե
2010 Prosopo Me Prosopo
2015 9 + 1 istories

Ծանոթագրություններ[խմբագրել | խմբագրել կոդը]

  1. 1,0 1,1 http://www.tralala.gr/eleutheria-arbanitakh-gennhthhke-san-shmera-to-1957/
  2. 2,0 2,1 Discogs — 2000.
  3. Chart Show: Your Countdown. Alpha TV. Airdate: 14 March 2010

Արտաքին հղումներ[խմբագրել | խմբագրել կոդը]