Էդուարդ Խաչիկյան (օդաչու)

Անվան այլ կիրառումների համար տե՛ս՝ Էդուարդ Խաչիկյան (այլ կիրառումներ)

Վիքիպեդիայում կան հոդվածներ Խաչիկյան ազգանունով այլ մարդկանց մասին։

Էդուարդ Խաչիկյան
Ծնվել է	օգոստոս 14, 1960
Ծննդավայր	Երևան
Մահացել է	Հոկտեմբեր 10, 1992
Մահվան վայր	Գյուլիստան Շահումյանի շրջան
Քաղաքացիություն	Հայաստան
Ազգություն	հայ
Մասնագիտություն	օդաչու
Աշխատանք	օդաչու

Էդուարդ Վազգենի Խաչիկյան (օգոստոսի 14, 1960(1960-08-14), Երևան, Հայկական ԽՍՀ, ԽՍՀՄ - հոկտեմբերի 10, 1992(1992-10-10), Գյուլիստան), հայ օդաչու, Արցախյան ազատամարտի մասնակից։

Կենսագրություն

Ավարտել է Վոլչանսկի (Խարկովի մարզ, Ուկրաինա) քաղաքացիական ավիացիայի ուղղաթիռային օդաչուական ուսումնարանը (1981)։ 1981-1985 թվականներին աշխատել է Ատկալսկի (Ռուսաստան) ավիաուսումնական կենտրոնում, 1985 թվականից՝ «Էրեբունի» օդանավակայանում։

1989-1992 թվականներին Մի-8 ուղղաթիռի անձնակազմում (2-րդ օդաչու) մասնակցել է Արցախի ինքնապաշտպանությանը։ Ընդհանուր թռիչքաժամն Արցախ, այդ թվում՝ Շահումյան և Գետաշեն կազմել է 850 ժամ։

Պարգևներ

Հետմահու պարգևատրվել է Արցախի Հանրապետության «Մարտական խաչ» 2-րդ աստիճանի շքանշանով։ Զոհվել է հերթական մարտական առաջադրանքը կատարելիս։ Թաղված է Եռաբլուրում։

Արտաքին հղումներ

• ՀՀ ՊՆ Հայզինվոր կայքում