Էբի Դալքեմփեր

Վիքիպեդիայից՝ ազատ հանրագիտարանից
Էբի Դալքեմփեր
Քաղաքացիությունը  ԱՄՆ
Ծննդյան ամսաթիվ մայիսի 13, 1993(1993-05-13)[1] (30 տարեկան)
Ծննդավայր Լանկաստեր, Փենսիլվանիա, ԱՄՆ
Հասակ 170 սանտիմետր[2]
Դիրք կիսապաշտպան
Մասնագիտական կարիերա*
Տարի Ակումբ Խաղ (Գոլ)
2013 Ամերիկայի Միացյալ Նահանգներ Պալի Բլյուզ
2015—2016 Ամերիկայի Միացյալ Նահանգներ Ուեստերն Նյու Յորք Ֆլեշ 42 (2)
2015—2016 →  Ավստրալիա Ադելաիդա Յունայթեդ 12 (5)
2017—2020 Ամերիկայի Միացյալ Նահանգներ Նորթ Կարոլինա Կուրաժ 64 (1)
2021 Անգլիա Մանչեսթեր Սիթի 12 (0)
2021 Ամերիկայի Միացյալ Նահանգներ Հյուսթոն Դեշ 8 (0)
2021– Ամերիկայի Միացյալ Նահանգներ Սան Դիեգո Ուեյվ 1 (0)
Ազգային հավաքական‡
2008—2010 Ամերիկայի Միացյալ Նահանգներ ԱՄՆ (մինչև 17)
2011—2012 Ամերիկայի Միացյալ Նահանգներ ԱՄՆ (մինչև 20)
2012—2016 Ամերիկայի Միացյալ Նահանգներ ԱՄՆ (օլիմպ.)
2016— Ամերիկայի Միացյալ Նահանգներ ԱՄՆ 79 (0)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ 22.11.2021:

‡ Ազգային հավաքականի խաղերն ու գոլերը ըստ 12.4.2022

Էբիգեյլ Լին Դալքեմփեր (անգլ.՝ Abigail Lynn Dahlkemper, մայիսի 13, 1993(1993-05-13)[1], Լանկաստեր, Փենսիլվանիա, ԱՄՆ), ամերիկացի ֆուտբոլիստուհի, «Սան Դիեգո Ուեյվ» ակումբի և ԱՄՆ ֆուտբոլի ազգային հավաքականի պաշտպան։ 2019 թվականի աշխարհի չեմպիոն, Կանանց ֆուտբոլի ազգային լիգայի չեմպիոն «Ուեսթերն Նյու Յորք Ֆլեշ» (2016) և «Նորթ Կարոլինա Կուրաժ» (2018, 2019) ակումբների կազմում։

Կարիերա[խմբագրել | խմբագրել կոդը]

Ուսանողական[խմբագրել | խմբագրել կոդը]

2011-2014 թվականներին խաղացել է «ՈՒԿԼԱ Բրուինզի» կազմում, որի կազմում 2013 թվականին դարձել է NCAA-ի չեմպիոն։

Ակումբային[խմբագրել | խմբագրել կոդը]

2013 թվականի հունվարին պայմանագիր է կնքել «Պալի Բլյուզի» հետ, որի կազմում հաղթել է Արևմտյան կոնֆերենցիայում և W-League ազգային առաջնությունում[4][5][6]։

2015 թվականի հունվարին ընտրվել է Կանանց ֆուտբոլի ազգային լիգայի դրաֆթում 3-րդ համարի ներքո «Վեստերն Նյու Յորք Ֆլեշ» ակումբի կողմից[7]։ Նա խաղացել է «Ֆլեշի» կազմում մինչև 2015 թվականի հոկտեմբերը, մինչև վարձավճարով տեղափոխվել է ավստրալական «Ադելաիդա Յունայթեդ» թիմ, որտեղ խաղացել է մինչև մրցաշրջանի ավարտը[8]։

Վերադառնալուց հետո «Ֆլեշի» կազմում դարձել է NWSL-ի չեմպիոն այն բանից հետո, երբ իր թիմը 3-2 հաշվով հաղթել է «Վաշինգտոն Սփիրիթին» 11 մետրանոց հարվածաշարի արդյունքում․ հարվածներից մեկն իրականացրել է Դալքեմփերը[9]։ 2017 թվականի հունվարին ակումբը փոխել է իր անվանումը և կոչվել «Հյուսիսային Կարոլինա Կուրաժ»։ Հետագա տարիներին «Կուրաժի» կազմում, այդ թվում նաև պաշտպանությունում հաջող խաղի շնորհիվ 2018 և 2019 թվականներին անընդմեջ նվաճել է երկու չեմպիոնական տիտղոս[10]։

2021 թվականի հունվարի 16-ին տեղափոխվել է անգլիական «Մանչեսթեր Սիթի»՝ կնքելով երկուսուկես տարվա պայմանագիր[11]։ Ընդհանուր առմամբ 12 խաղ է անցկացրել «Սիթիի» կազմում, իսկ յոթ ամիս անց՝ 2021 թվականի օգոստոսին, հայտարարվել է, որ նա կհեռանա այն թիմից, որի կազմում զբաղեցրել է Անգլիայի առաջնության երկրորդ տեղը[12]։

2021 թվականի օգոստոսի 29-ին վերադարձել է ԱՄՆ և տեղափոխվել «Հյուսթոն Դեշ» ակումբ, որի կազմում անցկացրել է 8 հանդիպում[13]։

2021 թվականի նոյեմբերի 22-ին դարձել է առաջին ֆուտբոլիստուհին, որը պայմանագիր է կնքել լիգայի նորեկ «Սան Դիեգո Ուեյվ» ակումբի հետ[14]։

Միջազգային[խմբագրել | խմբագրել կոդը]

Դալքեմփերն ԱՄՆ հավաքականի կազմում

Միջազգային կարիերայի վաղ փուլերում կանչվել և խաղացել է ԱՄՆ տարբեր տարիքի հավաքականներում, ներառյալ նաև օլիմպիականը (մինչև 23 տարեկան), որի հետ երկու անգամ անընդմեջ (2013 և 2014 թվականներին) հաղթել է Չորս ազգերի մրցաշարում։

2019 թվականի մայիսին ընդգրկվել է ԱՄՆ ֆուտբոլի ազգային հավաքականի կազմում՝ մասնակցելու աշխարհի առաջնությանը[15]։ Մրցաշարում նա դարձել է հիմնական կենտրոնական պաշտպանը՝ մասնակցելով բոլոր խաղերին, իսկ ամերիկուհիները դարձել են աշխարհի չեմպիոններ։

Ամերիկյան հավաքականի կազմում 2021 թվականի ամռանը մասնակցել է Օլիմպիական խաղերին, որտեղ ամերիկուհիները նվաճել են բրոնզե մեդալներ։

Անձնական կյանք[խմբագրել | խմբագրել կոդը]

2016 թվականի դեկտեմբերին հայտարարվել է, որ Դալքեմփերի մոտ հայտնաբերվել է սեպսիս հիվանդություն, որի պատճառով նա ֆուտբոլ չի խաղացել մինչև 2017 թվականի հունիսը, երբ հայտարարվել է նրա ապաքինման մասին[16]։

2021 թվականի հունվարի 5-ին ամուսնացել է ֆուտբոլիստ Ահարոն Շոնֆելդի հետ (ծնվ․՝ 1990), ում հետ սկսել էր հանդիպել 2019 թվականի մայիսին։

Ծանոթագրություններ[խմբագրել | խմբագրել կոդը]

  1. ↑ 1,0 1,1 Soccerdonna (գերմ.) — 2010.
  2. ↑ https://www.fifa.com/womensworldcup/players/player/357572/
  3. ↑ https://www.collegiatewomensportsawards.com/archives/soccer
  4. ↑ «Pali Announces First 4 Signings». United Soccer Leagues. 2013 թ․ հունվարի 31. Արխիվացված է օրիգինալից 2014 թ․ փետրվարի 2-ին. Վերցված է 2014 թ․ փետրվարի 2-ին.
  5. ↑ «Pali Wins Western Conference Championship». Pali Blues. Արխիվացված է օրիգինալից 2014 թ․ փետրվարի 2-ին. Վերցված է 2014 թ․ փետրվարի 2-ին.
  6. ↑ «Blues Claim W-League Championship». Pali Blues. Արխիվացված է օրիգինալից 2014 թ․ փետրվարի 2-ին. Վերցված է 2014 թ․ փետրվարի 2-ին.
  7. ↑ «Morgan Brian No. 1 Draft Pick by Houston Dash in NWSL Draft». ESPN. 2015 թ․ հունվարի 16. Արխիվացված օրիգինալից 2016 թ․ հունվարի 3-ին. Վերցված է 2015 թ․ ապրիլի 30-ին.
  8. ↑ «Abby Dahlkemper heads to Adelaide United on season loan». The Women's Game. 2015 թ․ հոկտեմբերի 1. Արխիվացված օրիգինալից 2016 թ․ մարտի 26-ին. Վերցված է 2023 թ․ հունիսի 4-ին.
  9. ↑ «Western New York Flash win 2016 NWSL Championship». Արխիվացված օրիգինալից 2018 թ․ սեպտեմբերի 24-ին. Վերցված է 2018 թ․ սեպտեմբերի 23-ին.
  10. ↑ «North Carolina Courage rolls past Chicago Red Stars to win second consecutive NWSL Championship». 2019 թ․ հոկտեմբերի 27. Արխիվացված օրիգինալից 2023 թ․ հունիսի 8-ին. Վերցված է 2019 թ․ հոկտեմբերի 31-ին.
  11. ↑ Oatway, Caroline. «City sign Abby Dahlkemper». www.mancity.com. Արխիվացված օրիգինալից 2023 թ․ հունիսի 4-ին. Վերցված է 2023 թ․ հունիսի 4-ին.
  12. ↑ «Abby Dahlkemper: Manchester City sign USA's World Cup-winning defender». Sky Sports. Արխիվացված օրիգինալից 2023 թ․ հունիսի 4-ին. Վերցված է 2023 թ․ հունիսի 4-ին.
  13. ↑ «Houston Dash acquire USWNT defender Abby Dahlkemper in a trade with North Carolina Courage | Houston Dynamo». Արխիվացված օրիգինալից 2023 թ․ հունիսի 4-ին. Վերցված է 2023 թ․ հունիսի 4-ին.
  14. ↑ «San Diego Wave FC Acquires Rights to World Cup Winner and U.S. Women's National Team Player Abby Dahlkemper». NWSLSoccer.com. Արխիվացված օրիգինալից 2023 թ․ հունիսի 7-ին. Վերցված է 2021 թ․ նոյեմբերի 22-ին.
  15. ↑ «Meet the USA's 2019 FIFA Women's World Cup Team». www.ussoccer.com. Արխիվացված օրիգինալից 2020 թ․ դեկտեմբերի 20-ին. Վերցված է 2023 թ․ հունիսի 4-ին.
  16. ↑ «After battling back from sepsis, Abby Dahlkemper emerges as one of U.S. women's top defenders». 2017 թ․ սեպտեմբերի 15. Արխիվացված օրիգինալից 2018 թ․ սեպտեմբերի 22-ին. Վերցված է 2018 թ․ սեպտեմբերի 21-ին.
Վիքիպահեստն ունի նյութեր, որոնք վերաբերում են «Էբի Դալքեմփեր» հոդվածին։
Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Էբի_Դալքեմփեր&oldid=9788076» էջից