Զարեհ Զարգարյան
 | |||||
| Համար | #34 | ||||
|---|---|---|---|---|---|
| Ի ծնե տրված անունը | Զարեհ Զարգարյան | ||||
| Ծննդյան ամսաթիվ | ապրիլի 4, 1989 (35 տարեկան) | ||||
| Ծննդավայր | .svg){kind=small} Լենինական, ՀԽՍՀ
| ||||
| Ազգություն |  Հայ
| ||||
| Հասակ | 1,98 մ | ||||
| Քաշ | 102 կգ | ||||
| Դպրոց | Հուվեր ավագ դպրոց | ||||
| համալսարան | Դոմինգեզ Հիլսի կալիֆորնիայի նահանգային համալսարան | ||||
| |||||
Զարեհ Ալբերտի Զարգարյան (ապրիլի 4, 1989, Լենինական, Հայկական ԽՍՀ, ԽՍՀՄ), հայ պրոֆեսիոնալ բասկետբոլիստ։ Հանդես է գալիս Հայաստանի բասկետբոլի ազգային հավաքականի[1] կազմում։ Մասնակցել է 5-րդ համահայկական խաղերին` որպես Գլենդելի հայկական թիմի անդամ՝ գրավելով 3-րդ տեղը։
Հավաքականի կազմում Զարգարյանը մասնակցել է ՖԻԲԱ-ի 2016 թվականի Փոքր երկրների Եվրոպայի առաջնությանը՝ գրավելով առաջին տեղը[2]։
Վաղ կյանքը
[խմբագրել | խմբագրել կոդը]Ծնվել է 1989 թվականի ապրիլի 4-ին՝ Լենինականում (այժմ՝ Գյումրի)` Ալբերտ և Ալվարդ Զարգարյանների ընտանիքում։ Ունի երկու քույր` Պաուլետ և Էդիտա անուններով։ Ընտանյոք հանդերձ տեղափոխվել է հայաբնակությամբ աչքի ընկնող Գլենդել քաղաք (Կալիֆորնիա նահանգ)։ Տեղափոխվելուց և հաստատվելուց հետո Զարգարյանը սկսում է լրջորեն զբաղվել բասկետբոլով[3]։
Ավագ դպրոցի կարիերան
[խմբագրել | խմբագրել կոդը]Հաճախել է Հուվերի ավագ դպրոցը, որտեղ ելույթներ ունենալու տարիներին ընդգրկվել է «All-league 1-ին թիմ» և «All-area 1-ին թիմ» խորհրդանշական հավաքականներում, ինչպես նաև 3 անգամ արժանացել է հանդիպման ամենաարժեքավոր խաղացողի (MVP) կոչմանը։
Ավագ դպրոցի կարիերայի բարձրագույն ցուցանիշը եղել է 49 միավոր, 11 արդյունավետ փոխանցում, 5 բլոկ և 4 խլում։ Զարգարյանն ավարտում է Հուվերի ավագ դպրոցը 2007 թվականին։
Քոլեջային կարիերան
[խմբագրել | խմբագրել կոդը]Դպրոցն ավարտելուց հետո Զարգարյանն ընդունվում է Գլենդելի քոլեջ, սակայն մեկ տարի անց լքում է այն և ընդունվում Սիտրուսի քոլեջ՝ որպեսզի կարողանա հանդես գալ այնպիսի թիմում, որն ի վիճակի կլինի պայքարելու նահանգային տիտղոսի համար։ Սիտրուսում հանդես գալու երկրորդ տարում Զարգարյանը միջինը խաղում է 15 րոպե՝ 4, 4 միավոր ցուցանիշով։ Թիմի կազմում Զարգարյանը նվաճում է Կալիֆորնիայի արևմտյան կոնֆերենցիայի հարավային դիվիզիայի տիտղոսը[4]։
Համալսարանային կարիերան
[խմբագրել | խմբագրել կոդը]Չնայած ունենալով 36, 7% նետման արդյունավետություն, Զարգարյանը ընդունվում է Դոմինգեզ հիլսի կալիֆորնիական համալսարանի բասկետբոլային թիմ, որն հանդես է գալիս Ուսանողական սպորտաձևերի ազգային ասոցիացիայի II դիվիզիայում (NCAA Division II)։ Մարզիչը Զարգարյանին համարում էր «հմուտ և ոչ ագահ բասկետբոլիստ` բարձր բասկետբոլային գիտելիքներով»։
Մասնակցությունը համահայկական խաղերում
[խմբագրել | խմբագրել կոդը]Զարգարյանը 2011 թվականին հանդես է եկել 5-րդ համահայկական խաղերին՝ ներկայացնելով Գլենդելի բասկետբոլային թիմը, որն այդ տարի գրավեց 3-րդ տեղը։
Ծանոթագրություններ
[խմբագրել | խմբագրել կոդը]- ↑ ««Նախկին «Տորո» Զարեհ Զարգարյանը ընտրվել է որպես Հայաստանի բասկետբոլի ազգային հավաքականի անդամ»». «Դոմինգեզ Հիլս Տորոս». 2012 թ․ նոյեմբերի 12.
- ↑ «Հայաստանի բասկետբոլիստները գահընկեց արեցին Անդորրային ու դարձան փոքր երկրների Եվրոպայի չեմպիոն». armnoc.am. 2016 թ․ հուլիսի 4. Վերցված է 2016 թ․ հուլիսի 16-ին.
- ↑ 2010-11 Տղամարդկանց բասկետբոլային հավաքականի կազմը
- ↑ ««Տորնադոյից Տորո. Զարեհ Զարգարյանը վերադառնում է»». «Գլենդել նյուզ պրես». 2011 թ․ հունվարի 30. Արխիվացված է օրիգինալից 2013 թ․ դեկտեմբերի 18-ին. Վերցված է 2013 թ․ հունվարի 1-ին.
Արտաքին հղումներ
[խմբագրել | խմբագրել կոդը]- Eurobasket.com էջ(չաշխատող հղում)
| ||||||
