Զահարիրա Հարիֆայ

Զահարիրա Հարիֆայ
Ծնվել է	դեկտեմբերի 12, 1929
Ծննդավայր	Թել Ավիվ, Մանդատային Պաղեստին, Բրիտանական կայսրություն
Մահացել է	հունվարի 2, 2013 (83 տարեկան)
Մահվան վայր	Պետահ Տիկվա
Քաղաքացիություն	Իսրայել
Մասնագիտություն	թատրոնի դերասանուհի և կինոդերասանուհի
Երեխա(ներ)	Aya Sheba?
Պարգևներ և մրցանակներ	Israel Theater Prize? և Rosenblum Prize for the Performing Arts?

Զահարիրա Հարիֆայ (եբրայերեն՝ זהרירה חריפאי ‎, դեկտեմբերի 12, 1929(1929-12-12)^[1], Թել Ավիվ, Մանդատային Պաղեստին, Բրիտանական կայսրություն^[2] - հունվարի 2, 2013(2013-01-02)^[1], Պետահ Տիկվա^[2]), կինոյի և թատրոնի իսրայելցի դերասանուհի։ 2003 թվականին արժանացել է Իսրայելի թատերական մրցանակին^[3]^[4]։ The Jerusalem Post-ը նրան անվանել է «Իսրայելի ամենահայտնի դերասանուհիներից մեկը»^[4]։

Կենսագրություն

Զահարիրա Հարիֆայը ծնվել և մեծացել է Յաֆֆայում^[3]։ Հայրը` Հաիմ Լեյբ Հարիֆայը, 1924 թվականին ներգաղթել է Ռուսաստանից։ Եղել է լրագրող, սակայն մահացել է, երբ Հարիֆայը չորս տարեկան էր^[3]։ 1946 թվականին Հարիֆայն ավարտել է Միկվե Իսրայել գյուղատնտեսական դպրոցը և դարձել Պալմախի առաջին գումարտակի անդամ։ Թատերական խաղ և դերասանություն սովորել է Կամերի թատրոնի «Հադրամատի» դրամատիկ դպրոցում^[3]^[4]։ 1968 թվականին միացել է Կամերի թատրոնի համույթին և մնացել թատրոնում մինչև մահը՝ 2013 թվականը^[4]։

Մրցանակներ

2003 թվականին Հարիֆայն արժանացել է Իսրայելի թատերական մրցանակին^[4]։ 2011 թվականին Անատ Գովի «Լավ ավարտ» պիեսում մարմնավորած դերի համար արժանացել է թատերական «Լավագույն դերասանուհի» մրցանակին^[3]։

Մահ

Զահարիրա Հարիֆայը մահացել է Թել Ավիվում 83 տարեկան հասակում^[3]։ Թաղված է Գիվատ հա Շլոշա կիբուցի գերեզմանատանը^[4]։ Ամուսնացած է եղել գրող Շլոմո Շվայի հետ։ Դուստրը՝ Այա Շվան, ռեժիսոր և դերասանուհի է^[3]։

Պատկերասրահ

Զահարիրա Հարիֆայի հիշատակը հավերժացնող հուշատախտակ
Զահարիրա Հարիֆայի և Շլոմո Շվայի հիշատակը հավերժացնող հուշատախտակ

Ծանոթագրություններ

1 2 3 4 filmportal.de — 2005.
1 2 3 4 Deutsche Nationalbibliothek Record #1062478444 // Gemeinsame Normdatei (գերմ.) — 2012—2016.
1 2 3 4 5 6 7 Yudilovitch, Merav (2013 թ․ հունվարի 2). «Actress Zaharira Harifai dies». Ynetnews. Վերցված է 2013 թ․ հունվարի 3-ին.
1 2 3 4 5 6 Yudilovitch, Merav (2013 թ․ հունվարի 3). «Zaharira Harifai, stage giant, dies at 83». Jerusalem Post. Վերցված է 2013 թ․ հունվարի 3-ին.

Վիքիպահեստն ունի նյութեր, որոնք վերաբերում են «Զահարիրա Հարիֆայ» հոդվածին։

[_decd66cd6295f403-1] 1 2 3 4 filmportal.de — 2005.

[_182caa2162e30074-2] 1 2 3 4 Deutsche Nationalbibliothek Record #1062478444 // Gemeinsame Normdatei (գերմ.) — 2012—2016.

[ynet-3] 1 2 3 4 5 6 7 Yudilovitch, Merav (2013 թ․ հունվարի 2). «Actress Zaharira Harifai dies». Ynetnews. Վերցված է 2013 թ․ հունվարի 3-ին.

[jpost-4] 1 2 3 4 5 6 Yudilovitch, Merav (2013 թ․ հունվարի 3). «Zaharira Harifai, stage giant, dies at 83». Jerusalem Post. Վերցված է 2013 թ․ հունվարի 3-ին.

[1]

[2]

[3]

[4]