Եվգենի Գրիշին

Վիքիպեդիայից՝ ազատ հանրագիտարանից
Jump to navigation Jump to search
Եվգենի Գրիշին
Yevgeny Grishin 1964.jpg
Անձնական տեղեկություն
Սեռ`արական
Մասնագիտացում`speed skater և track cyclist
Երկիր`Flag of the Soviet Union.svg ԽՍՀՄ և Flag of Russia.svg Ռուսաստան
Ծննդյան ամսաթիվ`մարտի 23, 1931(1931-03-23)[1][2]
Ծննդավայր`Տուլա, Մոսկվայի մարզ, ՌԽՖՍՀ, ԽՍՀՄ[1]
Մահվան ամսաթիվ`հուլիսի 9, 2005(2005-07-09)[2] (74 տարեկանում)
Մահվան վայր`Մոսկվա, Ռուսաստան

Եվգենի Ռոմանովիչ Գրիշին (ռուս.՝ Евгений Романович Гришин; մարտի 23, 1931(1931-03-23)[1][2], Տուլա, Մոսկվայի մարզ, ՌԽՖՍՀ, ԽՍՀՄ[1] - հուլիսի 9, 2005(2005-07-09)[2], Մոսկվա, Ռուսաստան), ռուս չմշկորդ։ Օլիմպիական խաղերի քառակի չեմպիոն, ԽՍՀՄ սպորտի վաստակավոր վարպետ (1952), ԽՍՀՄ վաստակավոր մարզիչ (1973)։

Գրիշինն իր կարիերայի մեծ մասում մարզվել է Մոսկվայի ԲԿՄԱ ակումբում։ 1956 թվականին դարձել է Եվրոպայի չեմպիոն և նվաճել է ոսկե մեդալներ 500 մետր և 1500 մետր մրցատարածություններում 1956 թվականի և 1960 թվականի Ձմեռային օլիմպիական խաղերում (1500 մետր մրցատարածություններում տարած հաղթանակները կիսել է համապատասխանաբար Յուրի Միխայլովի և Ռոալդ Օս հետ)՝ մրցումներին մասնակցելով ԽՍՀՄ դրոշի ներքո։ Իր հայրենակից Լիդիա Շկոբլիկովայի հետ միասին նա եղել է ամենահաջողակ ատլետը 1960 թվականին Ձմեռային օլիմպիական խաղերում[3]։

Գրիշինը առաջինն է հաղթահարել 40 վայրկյանի սահմանագիծը 500 մետր մրցատարածությունում՝ ցույց տալով 39,6 վայրկյան ժամանակ 1960 թվականին Սքվո Վելլիում տեղի ունեցած թեստային մրցավազքում Ձմեռային օլիմպիական խաղերից անմիջապես հետո։ Սակայն այդ արդյունքը պաշտոնապես չի ճանաչվել որպես համաշխարհային ռեկորդ։ Երեք տարի հետո՝ 1963 թվականի հուվարի 27-28-ը, նա սահմանել է համաշխարհային ռեկորդ՝ 39,6 և 39,5 վայրկյան Մեդեոյում։ Նա նաև վաստակել է 2 բրոնզե մեդալներ 1954 և 1956 թվականների Օլիմպիական խաղերում[3]։

Եվգենի Գրիշինը հաղթել է դասական բազմամարտի առաջնությունների 14 մեկնարկներից 12-ում։ Իր կարիերայի ընթացքում նա սահմանել է աշխարհի 7 ռեկորդ․ 1000 մետր մրցատարածությունում 1:22.8 վայրկյան ժամանակի ռեկորդը պահպանվել է 12 տարի[3]։

Աշխարհի ռեկորդներ[խմբագրել | խմբագրել կոդը]

Իր կարիերայի ընթացքում Գրիշինը սահմանել է աշխարհի 7 ռեկորդ․

Մրցատարածություն Ժամանակ Ամսաթիվ Վայր
1500 մ 2:09.8 10 հունվարի, 1955 Մեդեո
1000 մ 1:22.8 12 հունվարի, 1955 Մեդեո
500 մ 40.2 22 հունվարի, 1956 Միզուրինա
500 մ 40.2 28 հունվարի, 1956 Միզուրինա
1500 մ 2:08.6 30 հունվարի, 1956 Միզուրինա
500 մ 39.6 27 հունվարի, 1963 Մեդեո
500 մ 39.5 28 հունվարի, 1963 Մեդեո

Աղբյուր՝ SpeedSkatingStats.com[4]

Պարգևներ[խմբագրել | խմբագրել կոդը]

Անձնական կյանք[խմբագրել | խմբագրել կոդը]

1959 թվականին ամուսնացել է 1952 թվականի ԽՍՀՄ զուգասահքի չեմպիոն Մարինա Գրանատկինայի հետ։ Ամուսնալուծվել են 1970-ական թվականների վերջին։ Ունեցել են մեկ դուստր՝ Ելենան։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Гришин Евгений Романович // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. 2,0 2,1 2,2 2,3 2,4 Encyclopædia Britannica
  3. 3,0 3,1 3,2 Yevgeny Grishin. sports-reference.com
  4. «Jevgeni Grisjin»։ SpeedSkatingStats.com։ Վերցված է 29 August 2012 

Արտաքին հղումներ[խմբագրել | խմբագրել կոդը]