Եվա Սալվեյլ
| Եվա Սալվեյլ | |
|---|---|
| Ծնվել է | ապրիլի 7, 1973[1] (51 տարեկան) |
| Ծննդավայր | Matane, Սուրբ Լավրենտիոս, Քվեբեկ, Կանադա |
| Քաղաքացիություն | .svg){kind=small} Կանադա |
| Մասնագիտություն | մոդել |
| Կայք | djevalicious.com |
Եվա Սալվեյլ (ֆր.՝ Ève Salvail, ապրիլի 7, 1973[1], Matane, Սուրբ Լավրենտիոս, Քվեբեկ, Կանադա), ֆրանկո-կանադացի մոդել[2]։
Կենսագրություն[խմբագրել | խմբագրել կոդը]
Եվան ծնվել է 1973 թվականի ապրիլի 7-ին Կանադայի Քվեբեկ նահանգի Մատանե փոքրիկ քաղաքում[2]։
Եվան մոդելային կարիերայով սկսել է զբաղվել 18 տարեկանից։ Նա միշտ հիացել է քամելեոն մոդելներով, որոնք կարող են կրկին իրենց ներկայացնել աշխարհին, այնպիսին, ինչպիսին Լինդա Եվանգելիստան էր[3]։
1990-ականների սկզբին Ճապոնիայում աշխատելով մոդել՝ Եվան սափրել է իր գլուխը և դաջվածք արել գլխին։ Դաջվածքները կատարվել են 800-ամյա չինական գտածոյից՝ առանց փոփոխության ենթարկելով դիզայնը[3]։ Նրա բացառիկ տեսքը նկատել էր Ժան Պոլ Գոտյեն, և շուտով Եվան դարձավ եվրոպական նորաձևության մայրաքաղաքների թոփ-մոդելը։
1994 թվականի փետրվարին և 1995 թվականի փետրվարին նա երկու անգամ եղել է «Elle Canada» ամսագրի շապիկին[2]։
Եվան հաճախ աճեցնում էր մազերը, ներկում սպիտակ, կարմիր կամ վարդագույն։ Վերջին տարիներին նա ունեցել է «սպիտակ կարճ ոզնի»-ի սանրվածք, բայց 2010-ին, երբ նա ավարտել է մոդելի կարիերան, կրկին սափրել է մազերը, և այժմ կրկին ճաղատ է։
Եվան առաջին անգամ հեռուստաէկրանին հայտնվել է 1994 թվականին, երբ նկարահանվել է Ռոբերտ Օլթմենի «Prêt-à-Porter» ֆիլմում։ Եվան խաղում էր ինքն իր դերը և հիշվում էր ֆիլմի վերջին տեսարանով, երբ եզրափակիչ ցուցադրության ժամանակ պոդիումում հայտնվեց բացարձակ մերկ։ 1997 թվականին նա նկարահանվել է Լյուկ Բեսոնի «Հինգերորդ տարրը» ֆիլմում. նա խաղացել է մարդկային կերպարով մանգալորներից մեկին, որոնք ցանկացել են խանգարել գլխավոր հերոսին հայտնվել տիեզերանավում։ Նկարահանվել է նաեւ «Օրինակելի արու», «Աստղ», «Պատանդ» ֆիլմերում։
2007 թվականի հունվարի 9-ին Թայրա Բենքսի շոուի «Coming Out Stories» հեռուստաէջի ժամանակ Եվան հրապարակավ հայտարարել է, որ լեսբուհի է[4]։ Նա ասել է, որ իր համար այդ խոստովանությունը իրականում ոչինչ չի փոխել, նա ցանկանում էր օգնել ուրիշներին[3]։ Եվան նաև հայտնվել է «Թոփ մոդել ամերիկյան ձեւով» շոուի 6-րդ եթերաշրջանի երկրորդ էպիզոդում, որտեղ նա մասնակիցներին պատմել է իր կարիերայի մասին և մի քանի խորհուրդներ տվել ճաղատ գլխով նկարահանվելու համար։
Հիմա Եվան այլևս չի աշխատում որպես մոդել։ Նա ներկայումս աշխատում է որպես դիջեյ՝ հանդես գալով DJ Evalicious անվամբ[3]։ Նա ստեղծել է մի քանի սաունդթրեք՝ նորաձևության ցուցադրության համար։
Ցուցադրություններ[խմբագրել | խմբագրել կոդը]
- Նորաձևության ցուցադրություն — Աշուն-Ձմեռ 1993 Rifat Ozbek
- Նորաձևության ցուցադրություն — Գարուն-Ամառ 1994 Chanel, Emporio Armani
- Նորաձևության ցուցադրություն — Աշուն-Ձմեռ 1994 Gianni Versace
- Նորաձևության ցուցադրություն — Աշուն-Ձմեռ 1997 Bella Freud, Marina Spadafora, Romeo Gigli
- Նորաձևության ցուցադրություն — Գարուն-Ամառ 1998 Romeo Gigli
- Նորաձևության ցուցադրություն — Աշուն-Ձմեռ 1998 A Menos Cuarto, Armand Basi, Duyos & Paniagua, Palacio & Lemoniez, Peter Aedo, Roberto Torretta, Roger O.
- Նորաձևության ցուցադրություն — Գարուն-Ամառ 2000 René Lezard
Ֆիլմագրություն[խմբագրել | խմբագրել կոդը]
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 1994 | ֆ | Բարձր նորաձևություն | Prêt-à-Porter | խաղում է ինքն իրեն |
| 1997 | ֆ | Հինգերորդ տարր | The Fifth Element | Դիմակավորված մանգալոր |
| 1998 | ֆ | Հայտնիություն | Celebrity | Բրյուս եպիսկոպոսի երկրպագու |
| 1999 | ֆ | Պատանդ | Hostage | Селия |
| 2001 | ֆ | Օրինակելի արու | Zoolander | խաղում է ինքն իրեն |
Հետաքրքիր փաստեր[խմբագրել | խմբագրել կոդը]
- Սիրելի շպարի ապրանքանիշը՝ M.A.C[3].
- Եվան նշում է, որ նրա գեղեցիկ կառուցվածքը տրված է բնությունից։ Նաև հայտնում է, որ նրա սննդակարգը բաղկացած է բացառապես բնական մթերքներից։ Եվան խմում է շատ ջուր[3]։
- Հարազատ լեզուն՝ ֆրանսերեն (պայմանավորված է նրանով, որ Քվեբեկը Կանադայի ֆրանսախոս շրջան է)։
- Նկարահանվել է Լենի Կրավիցի «Is There Any Love In Your Heart» տեսահոլովակում[5]։
Ծանոթագրություններ[խմբագրել | խմբագրել կոդը]
- ↑ 1,0 1,1 Internet Movie Database — 1990.
- ↑ 2,0 2,1 2,2 http://www.fashionmodeldirectory.com/models/Eve_Salvail/ Eve Salvail
- ↑ 3,0 3,1 3,2 3,3 3,4 3,5 http://www.pony-ryder.com/2010/04/eve-salvail-interview.html / EVE SALVAIL: the interview
- ↑ http://www.pinknews.co.uk/news/articles/2005-3455.html / Supermodel Salvail comes out as a lesbian
- ↑ https://www.youtube.com/watch?v=NsDTmvHLJao / Because she is a french Canadian top model.Ève Salvail
Արտաքին հղումներ[խմբագրել | խմբագրել կոդը]
- Eve Salvail: FMD (անգլ.)
- Eve Salvail (անգլ.) Internet Movie Database կայքում
|
