Ելիզավետա, Հարավսլավիայի արքայադուստր

Վիքիպեդիայից՝ ազատ հանրագիտարանից
Jump to navigation Jump to search
Ելիզավետա, Հարավսլավիայի արքայադուստր
Knjeginja Jelisaveta Karadjodjevic.jpg
Ծնվել էապրիլի 7, 1936(1936-04-07) (83 տարեկան)
ԾննդավայրԲելգրադ, Հարավսլավիայի Թագավորություն[1]
ՔաղաքացիությունFlag of Serbia.svg Սերբիա
ԿրոնՍերբ ուղղափառ եկեղեցի
Մասնագիտությունիրավապաշտպան և գրող
ԱմուսինManuel Ulloa Elias? և Neil Balfour?
Ծնողներհայր՝ Prince Paul of Yugoslavia?, մայր՝ Princess Olga of Greece and Denmark?
ԵրեխաներCatherine Oxenberg?

Ելիզավետա, Հարավսլավիայի արքայադուստրը (սերբ.՝ Кнегиња Јелисавета Карађорђевић, ապրիլի 7, 1936(1936-04-07), Բելգրադ, Հարավսլավիայի Թագավորություն[1]), Հարավսլավիայի գահապահ` Պավել Կարագեորգևիչի և Հունաստանի և Դանիայի արքայադուստր` Օլգայի միակ դուստրը[2] ամերիկացի դերասանուհի Քեթրին Օկսերբերգի մայրը:

Կենսագրություն[խմբագրել | խմբագրել կոդը]

Նա ծնվել է Սպիտակ պալատում,[3] Բելգրադում: Ելիզավետան Հարավսլավիայի իշխան` Պավել Կարագեորգևիչի և Հունաստանի և Դանիայի արքայադուստր` Օլգայի երրորդ երեխան է և միակ դուստրը: Նրա ավագ եղբայներն են` Հարավսլավիայի արքայազներ` Նիկոլասն ու Ալեքսանդրը: Նա Իսպանիայի Սոֆիա թագուհու և Ուելսի արքայազն Չարլզի երկրորդ զարմուհին է:

Ամուսնություններ և երեխաներ[խմբագրել | խմբագրել կոդը]

1961 թվականի հունվարի 19-ին արքայադուստրը ամուսնացել է Հովարդ Օքսենբերգի հետ, նրանք երկու դուստր ունեն` Քեթրինն ու Քրիստինան: 1969 թվականաին Ելիզավետան բաժանվել է առաջին ամուսնուց: Երկորդ անգամ ամուսնացել է 1969 թվականի սեպտեմբերին` Նիլ Ռոկսբուրգ Բալֆորի հետ, այդ ամուսնությունից ծնվել է որդին` Նիկոլասը: 1987 թվականին փետրվարի 28-ին ամուսնացել է Մանուել Ուլոա Էլիասի (Manuel Ulloa Elias)` Պերուի նախկին վարչապետի հետ: Երկրորդ և երրորդ ամուսնությունների արանքում սիրային հարաբերությունների մեջ էր բրիտանացի դերասան Ռիչարդ Բյորտոնի հետ:

Կրթություն[խմբագրել | խմբագրել կոդը]

Արքայադուստր Ելիզավետան սովորել է Հարավաֆրիկյան Հանրապետությունում, Մեծ Բրիտանիայում, Շվեյցարիայում, գեղարվեստի պատմություն է ուսումնասիրել Փարիզում: Տիրապետում է անգլերեն, ֆրանսերեն, իսպաներեն, իտալերեն, սերբերեն լեզուներին: Սերբիայի քաղաքացի է: Նախկինում երկու քաղաքացիություն ուներ`Սերբիայի քաղաքացի լինելուց զատ, նաև ԱՄՆ-ի քաղաքացի էր, սակայն 2012 թվականին հրաժարվել է Ամերիկայի քաղաքացիությունից «հուզական պատճառներից» ելնելով[4]:

Քաղաքական ակտիվություն[խմբագրել | խմբագրել կոդը]

Արքայադուստրը մասնակցել է նախկին Հարավսլավիայի ժողովուրդների միջև խաղաղության հաստատման գործընթացին: 1999 թվականին Հարավսլավիայի ռմբակոծման ժամանակ ակտիվորեն քննադատել է ՆԱՏՕ-ին ամերիկյան հեռուստաալիքներով: Չնայած գահաժառանգ Ալեքսանդրի առարկություններին` 2004 թվականի նախագահական ընտրություններին առաջադրել է իր թեկնածությունը: Նա 63 991 հազար ձայն է հավաքել, կամ 2,01%, 15 թեկնածուների շարքում զբաղեցնելով 6-րդ տեղը: 2001 թվականից ապրում է Բելգրադում:

Ծանոթագրություններ[խմբագրել | խմբագրել կոդը]