Ելենա Բլագինինա

Վիքիպեդիայից՝ ազատ հանրագիտարանից
Jump to navigation Jump to search
Ելենա Բլագինինա
Ելենա Բլագինինա.jpg
Ծնվել էմայիսի 14 (27), 1903
ԾննդավայրՍվերդլովսկի շրջան, Ռուսաստան
Վախճանվել էապրիլի 24, 1989(1989-04-24) (85 տարեկանում)
Վախճանի վայրՄոսկվա, ԽՍՀՄ
Մասնագիտությունբանաստեղծ, մանկագիր, թարգմանիչ և գրող
Լեզուռուսերեն
Ազգությունռուս
ՔաղաքացիությունԽորհրդային Սոցիալիստական Հանրապետությունների Միություն ԽՍՀՄ
ԿրթությունHigh Institute of Literature and Arts?
Ուշագրավ աշխատանքներ«Осень»
«Садко»
Պարգևներ«1941-1945 թթ. Հայրենական մեծ պատերազմի ժամանակ անձնվեր աշխատանքի համար» մեդալ և «Պատվո նշան» շքանշան
ԱմուսինԳեորգի Օբոլդուև

Ելենա Ալեքսանդրի Բլագինինա (ռուս.՝ Елена Александровна Благинина, մայիսի 14 (27), 1903, Սվերդլովսկի շրջան, Ռուսաստան - ապրիլի 24, 1989(1989-04-24), Մոսկվա, ԽՍՀՄ), ռուս բանաստեղծուհի, թարգմանչուհի, ԽՍՀՄ գրողների միության անդամ[1][2]։

Կենսագրություն[խմբագրել | խմբագրել կոդը]

Ելենա Բլագինինան ծնվել է 1903 թվականի մայիսի 27-ին երկաթուղայինի ընտանիքում։ 1913-1922 թվականներին սովորել է Կուրսկի Մարիանյան գիմնազիայում ու Կուրսկի մանկավարժական ինստիտուտում։ 1921 թվականին տեղափոխվել է Մոսկվա։ Ելենա Բլագինինայի բանաստեղծություններն սկսել են տպագրվել 1921 թվականին։ 1925 թվականին ավարտել է Մոսկվայի Վ. Բրյուսովի անվան գրական-գեղարվեստական բարձրագույն ինստիտուտը։ Մի քանի տարի աշխատել է «Իզվեստիա» թերթում։

Ամուսնացած է եղել բանաստեղծ Գեորգի Օբոլդուևի հետ, որը 1933 թվականին ձերբակալվել է հակախորհրդային պրոպագանդայի համար և աքսորվել երեք տարով։ Ելենա Բլագինինան հուշեր գրել է նրա մասին[2][3]։

1940-ական թվականներին Ելենա Բլագինինան դարձել է Խորհրդային Միության առաջատար մանկագիրներից մեկը։ 1942 թվականին «Սոյուզմուլտֆիլմ» ստուդիայում նկարահանվել է «Աղվեսը, նապաստակն ու աքաղաղը» մուլտֆիլմը Ելենա Բլագինինայի սցենարով[4]։

1946 թվականին թողարկվել են մի քանի ռադիոհաղորդումներ Ելենա Բլագինինայի սցենարով[5]։

1950-ական թվականներին, երբ սկսվել են հալածանքներ բանաստեղծ Բորիս Պաստեռնակի դեմ, պաշտպանել է նրան, իսկ հետագայում նաև Գրողների միությունից հեռացված Լիդիա Չուկովսկայային։

1969 թվականին թողարկվել է «Колобок» ամսագրի ձայնասկավառակը, որտեղ Ելենա Բլագինինան կարդում է իր բանաստեղծությունները[6]։

Ելենա Բլագինինան մահացել է 1989 թվականին Մոսկվայում։ Թաղված է Մոսկվայի մոտ գտնվող Գոլիցինի գերեզմանատանը, որտեղ գտնվել է գրողների տունը։

2018 թվականի դեկտեմբերի 27-ին Ռուսաստանի գրողների միության Օրյոլի մարզային կազմակերպության նախաձեռնությամբ և Սվերդլովսկի ժողովրդական պատգամավորների շրջանային խորհրդի որոշմամբ սահմանվել է Ելենա Բլագինինայի անվան գրական ամենամյա բաց մրցանակ[7]։

Ստեղծագործությունը[խմբագրել | խմբագրել կոդը]

1933 թվականից «Мурзилка» ու «Затейник» մանկական ամսագրերի մշտական հեղինակներից է, ավելի ուշ աշխատել է որպես խմբագիր։ 1936 թվականին լույս են տեսել Ելենա Բլագինինայի առաջին մանկական գրքերը՝ «Осень» և «Садко»։ Բլագինինայի գրքերը (ավելի քան 40) միշտ էլ սիրված են եղել հանրության կողմից։

Ելենա Բլագինինան նաև թարգմանել է մանկական բանաստեղծություններ (մասնավորապես Լև Կվիտկոյի ստեղծագործությունները), Տարաս Շևչենկոի, Յուլիան Տուվիմի ստեղծագործությունները, Մարիա Կանոպնիցկայայի հեքիաթները։ 1938 թվականից ի վեր թարգմանել է ավելի քան 30 գիրք։

Պարգևներ[խմբագրել | խմբագրել կոդը]

  • «Պատվո նշան» երկու շքանշան
  • «1941-1945 թվականների Հայրենական մեծ պատերազմի ժամանակ անձնվեր աշխատանքի համար» մեդալ
  • «Ի նշանավորումն Վլադիմիր Իլյիչ Լենինի ծննդյան 10-ամյակի» մեդալ

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]

  • Казак В.։ Лексикон русской литературы XX века.

Գրականություն[խմբագրել | խմբագրել կոդը]

  • Приходько В. А. Елена Благинина. Очерк творчества. — М., 1971.
  • Озеров Лев. И только песня остаётся… Памяти Елены Благининой // Детская литература, 1989, № 9.