Եզրաս Ներսիսյան
- Վիքիպեդիայում կան հոդվածներ Ներսիսյան ազգանունով այլ մարդկանց մասին։
| Եզրաս Ներսիսյան | |
|---|---|
_%D0%B2_%D0%9A%D1%80%D1%8B%D0%BC%D1%83.jpg) | |
| Ծնվել է | հոկտեմբերի 30, 1959 (65 տարեկան) |
| Ծննդավայր | Ոսկեհատ, Էջմիածնի շրջան, Հայկական ԽՍՀ, ԽՍՀՄ |
| Քաղաքացիություն |  Ռուսաստան |
| Մայրենի լեզու | ռուսերեն |
| Կրթություն | Գևորգյան հոգևոր ճեմարան |
| Մասնագիտություն | սարկավագ |
| Զբաղեցրած պաշտոններ | եպիսկոպոս |
| Պարգևներ և մրցանակներ |      և  |
 Erzas (Nersisyan) Վիքիպահեստում | |
Եզրաս արքեպիսկոպոս Ներսիսյան (ավազանի անունը՝ Մկրտիչ Գրիգորի Ներսիսյան, հոկտեմբերի 30, 1959, Ոսկեհատ, Էջմիածնի շրջան, Հայկական ԽՍՀ, ԽՍՀՄ), Ռուսաստանի և Նոր Նախիջևանի հայոց թեմի առաջնորդ։
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կրտսեր եղբայրը։
Կենսագրություն
[խմբագրել | խմբագրել կոդը]Տեր Եզրաս արքեպիսկոպոս Ներսիսյանը ծնվել է 1959 թվականի հոկտեմբերի 30-ին, Էջմիածնի շրջանի Ոսկեհատ գյուղում։ 1977 թվականին ավարտել է Ոսկեհատի միջնակարգ դպրոցը։ 1978 թվականին մեկնել է զինվորական ծառայության, զորացրվելուց հետո, ընդունվել է Սուրբ Էջմիածնի Գևորգյան ճեմարան։ 1983 թվականի դեկտեմբերի 25-ին, Սուրբ Ստեփանոսի տոնի օրը, Տեր Ներսես եպիսկոպոս Պոզապալյանի ձեռամբ ձեռնադրվել է սարկավագ։ 1984 թվականին ավարտել է Գևորգյան հոգևոր ճեմարանը և պաշտպանել «Հայաստանյայց Առաքելական Եկեղեցու «Ձեռնադրության Մաշտոցի» զարգացումը Ժ.-ԺԴ. դարերում» թեմայով ավարտաճառը՝ արժանանալով «գերազանց» գնահատականի։ 1985 թվականի սեպտեմբերի 8-ին Վազգեն Ա. Վեհափառ Հայրապետի հրամանով ձեռամբ Տեր Ներսես եպիսկոպոս Պոզապալյանի, ձեռնադրվել է կուսակրոն քահանա։
1984-1986 թվականներին Գևորգյան հոգևոր ճեմարանում դասավանդել է «Ներածություն Հին Կտակարանի» առարկան։ 1986-1988 թվականներին սովորել է Լենինգրադի հոգևոր ակադեմիայում։ 1988 թվականին նշանակվել է Լենինգրադի հոգևոր հովիվ։ 2000 թվականի հոկտեմբերին, Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի հայրապետական բարձր տնօրինությամբ, նշանակվել է Նոր Նախիջևանի և Ռուսաստանի հայոց թեմի առաջնորդի պաշտոնակատար։ 2001 թվականի փետրվարի 21-ին պաշտպանել է վարդապետական թեզ՝ «Սանկտ Պետերբուրգի հայ համայնքի պատմությունը» թեմայով։ Նույն թվականի փետրվարի 22-ին, ձեռամբ Արարատյան Հայրապետական թեմի առաջնորդական փոխանորդ, գերաշնորհ Տ. Նավասարդ արքեպիսկոպոս Կճոյանի, ստացել է վարդապետական աստիճան։
2001 թվականի ապրիլից, Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի հայրապետական բարձր տնօրինությամբ, նշանակվել է Նոր Նախիջևանի և Ռուսաստանի հայոց թեմի առաջնորդ և Մոսկվայի ու Համայն Ռուսիո պատրիարքությունում՝ Հայ Եկեղեցու ներկայացուցիչ։ 2001 թվականի սեպտեմբերի 30-ին, ձեռամբ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի, ձեռնադրվել է եպիսկոպոս։ 2013 թվականի սեպտեմբերի 17-ին Ն.Ս.Օ.Տ.Տ Գարեգին Բ Ամենայն Հայոց Կաթողիկոսի կողմից Տ. Եզրաս եպիսկոպոս Ներսիսյանին շնորհվեց Արքության պատիվ՝ ի գնահատություն նրա նվիրյալ և նախանձախնդիր ծառայության[1]։
Ծանոթագրություններ
[խմբագրել | խմբագրել կոդը]- ↑ «Տ. Եզրաս արքեպիսկոպոս Ներսիսյան». Արխիվացված է օրիգինալից 2016-05-03-ին. Վերցված է 2015-06-02-ին.
Արտաքին հղումներ
[խմբագրել | խմբագրել կոդը]- Տեր Եզրաս արքեպիսկոպոս Ներսիսյան Նոր Նախիջևանի և Ռուսսաստանի թեմի առաջնորդ
- Глава Ново-Нахичеванской и Российской епархии Армянской Апостольской Церкви, Патриарший Экзарх в России Епископ Езрас Արխիվացված 2017-09-21 Wayback Machine
- Епископ Езрас, глава Ново-Нахичеванской и Российской епархии Армянской Апостольской Церкви
- Հոկտեմբերի 30 ծնունդներ
- 1959 ծնունդներ
- Ապրող անձինք
- Էջմիածնի Գևորգյան ճեմարանի սաներ
- Պատվո շքանշանի ասպետներ (Ռուսաստան)
- Բարեկամության շքանշանի ասպետներ (Ռուսաստան)
- «Հայրենիքին մատուցած ծառայությունների համար» շքանշանի 2-րդ աստիճանի մեդալով պարգևատրվածներ
- Մոսկվայի սուրբ Դանիիլ իշխանի 2-րդ աստիճանի շքանշանակիրներ
- Անձինք այբբենական կարգով
- Հայ առաքելական եկեղեցու թեմական առաջնորդներ
- Հայ առաքելական արքեպիսկոպոսներ