Դոննա Շալեյլա

Վիքիպեդիայից՝ ազատ հանրագիտարանից
Jump to navigation Jump to search
Դոննա Շալեյլա
Shalala portrait.jpg
 
Կուսակցություն՝ Դեմոկրատական կուսակցություն
Կրթություն՝ Western College for Women?, Սիրաքյուսի համալսարան, Վաշինգտոնի ամերիկյան համալսարան և Մայամիի համալսարան
Մասնագիտություն՝ համալսարանի դասախոս, արհմիութենական գործիչ և քաղաքական գործիչ
Ծննդյան օր փետրվարի 14, 1941(1941-02-14)[1][2] (80 տարեկան)
Ծննդավայր Քլիվլենդ, Օհայո, ԱՄՆ[3]
Քաղաքացիություն Flag of the United States.svg ԱՄՆ
 
Կայք՝ donnashalala.com
 
Պարգևներ

Գուգենհայմի կրթաթոշակ, Ազատության նախագահական շքանշան, Կանանց փառքի ազգային սրահ, ASCB Public Service Award?, Բոն Գուրիոն համալսարանի պատվավոր դոկտոր, Dr. Nathan Davis Award for Members of the Executive Branch by Presidential Appointment? և Q101086261?

Դոննա Շալեյլա (անգլ.՝ Donna Edna Shalala, փետրվարի 14, 1941(1941-02-14)[1][2], Քլիվլենդ, Օհայո, ԱՄՆ[3]), ԱՄՆ առողջապահության և սոցիալական ծառայությունների տասնութերորդ նախարարը։ Եղել է Մայամիի համալսարանի և Վիսկոնսինի համալսարանի նախագահը, ինչպես նաև Քլինթոնի հիմնադրամի ղեկավարը։

Կենսագրություն[խմբագրել | խմբագրել կոդը]

Ծնվել է լիբանանցիների ընտանիքում[4], հայրը՝ նպարավաճառ Ջեյմս Աբրահամ Շալեյլան է, մայրը՝ փաստաբան Էդնա Սմիթն է։ Մեծացել է Քլիվլենդում։ Իր երկվորյակ քրոջ հետ սովորել է տեխնիկական դպրոցում, որն ավարտել է 1958 թվականին[5]։ Նա այնուհետև սովորել է Օհայոյի կանանց Արևմտյան քոլեջում, որտեղ 1962 թվականին ստացել է արվեստի բակալավրի աստիճան։

Շալեյլան դասախոսական գործունեություն է սկսել Բարուխ քոլեջում, անդամագրվել է դասախոսների ամերիկյան արհմիությանը։ 1972-1979 թվականներին քաղաքագիտություն է դասավանդել Կոլումբիայի համալսարանում[6]։ 1977-1980 թվականներին միաժամանակ նա զբաղեցրել է ԱՄՆ-ի բնակարանային շինարարության և քաղաքային զարգացման դեպարտամենտում քաղաքականության մշակման և հետազոտությունների քարտուղարի օգնականի պաշտոնը՝ նախագահ Ջիմի Քարթերի ղեկավարության ժամանակ։

Շալեյլայի կառավարման գործունեության փորձը սկսվել է 1980 թվականի հոկտեմբերի 8-ից, երբ նա ընտրվել է Հանթերի քոլեջի 10-րդ նախագահ, որտեղ այդ պաշտոնում աշխատել է մինչև 1988 թվականը։ Այնուհետև 1988-1993 թվականներին եղել է Վիսկոնսին-Մեդիսոն համալսարանի ղեկավար[7]։

1992-1993 թվականներին եղել է երեխաների պաշտպանության հիմնադրամի նախագահ։ 1993 թվականի հունվարի 22-ին գլխավորել Է ԱՄՆ-ի առողջապահության և սոցիալական ծառայությունների նախարարությունը նախագահ Բիլ Քլինթոնի վարչակազմում։ Նախարարությունը ղեկավարել է 8 տարի, ինչը գերատեսչության պատմության մեջ ամենաերկար ժամկետն էր։ 1996 թվականին Շալեյլան նախագահի հերթապահ թեկնածուն էր, երբ Քլինթոնը հանդես էր գալիս նախագահի ուղերձով։ Նախարարի պաշտոնում կոշտ հակաթմրամիջոցային դիրքորոշում է ունեցել[8]։ Washington Post թերթի կարծիքով՝ ժամանակակից ժամանակների առողջապահության ամենահաջողակ նախարարն է[9]։

2001 թվականի հունիսի 1-ից մինչև 2015 թվականի օգոստոսի 16-ը եղել է Մայամիի համալսարանի ռեկտոր։ 2015-2017 թվականներին գլխավորել Է Քլինթոնի բարեգործական հիմնադրամը։

Ծանոթագրություններ[խմբագրել | խմբագրել կոդը]

  1. 1,0 1,1 Encyclopædia Britannica
  2. 2,0 2,1 Munzinger-Archiv (գերմ.) — 1913.
  3. 3,0 3,1 3,2 The International Who's Who of Women 2006Routledge, 2005. — ISBN 978-1-85743-325-8
  4. Американцы арабского происхождения, которые меняют мир к лучшему
  5. Shalala, Donna (1941–). In: Mary Ellen Snodgrass: American Women Speak: An Encyclopedia and Document Collection of Women’s Oratory. Band 1. ABC-Clio, Santa Barbara, CA, Denver 2017, С. 639–642. (անգլ.)
  6. Silhouettes of TC Today cover (անգլ.)
  7. Past presidents and chancellors (անգլ.)
  8. UM president Donna Shalala lauded for handling of NCAA investigation (անգլ.)
  9. Donna Shalala's reflections on running HHS (անգլ.)