Դոմոնկոշ Կորբուլի

Դոմոնկոշ Կորբուլի
Ծնվել է	հոկտեմբերի 27, 1914(1914-10-27)
Ծննդավայր	Բուդապեշտ, Ավստրո-Հունգարիա
Մահացել է	սեպտեմբերի 28, 1987(1987-09-28) (72 տարեկան) կամ սեպտեմբերի 30, 1988(1988-09-30) (73 տարեկան)
Մահվան վայր	Բուդապեշտ, Հունգարական Ժողովրդական Հանրապետություն
Քաղաքացիություն	Հունգարիա
Մասնագիտություն	տնտեսագետ և հայագետ

Դոմոնկոշ Կորբուլի, Քորբուլի (Korbuly, հոկտեմբերի 27, 1914(1914-10-27), Բուդապեշտ, Ավստրո-Հունգարիա - սեպտեմբերի 28, 1987(1987-09-28) կամ սեպտեմբերի 30, 1988(1988-09-30), Բուդապեշտ, Հունգարական Ժողովրդական Հանրապետություն), հունգարացի հասարակական գործիչ, տնտեսագետ, հայագետ։ Ծագումով՝ հունգարահայ Գորպուլյան (Քորպուլի, Կորբուլի) ազնվական տոհմից։ Ավարտել է (1934) Բուդապեշտի համալսարանը, եղել «Հունգարահայ միության» քարտուղար (մինչև 1945 թվականը), հայ կաթոլիկ թեմի նվիրակության վարչության խորհրդական, Բուդապեշտի «Հայկական ակումբ»-ի կազմակերպիչներից։

Հայագիտությամբ զբաղվել է 1933 թվականից։ Բազմաթիվ հայագիտական հոդվածներ է տպագրել հունգարական, գերմանական ու սփյուռքահայ մամուլում։ 1942 թվականին հրատարակել է «Հայկական հարցը հունգարական հասարակության մեջ» (հունգարերեն) գիրքը։ Սակայն գրաքննությունը ոչնչացրել է ամբողջ տպաքանակը, իսկ Դոմոնկոշ Կորբուլին դատապարտվել ազատազրկման։ Ետպատերազմյան շրջանում բազմաթիվ հոդվածներ է հրատարակել հունգարահայ նշանավոր դեմքերի, հայ-հունգարական պատմական կապերի, հայկական մշակույթի և այլ խնդիրների մասին։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 643)։