Դիոգու Ֆիգեյրաշ

Դիոգու Ֆիգեյրաշ
Քաղաքացիությունը	Պորտուգալիա
Ծննդյան ամսաթիվ	հուլիսի 1, 1991 (31 տարեկան) կամ հունվարի 7, 1991 (32 տարեկան)
Ծննդավայր	Վիլա Ֆրանկա դի Շիրա
Հասակ	171 սանտիմետր
Քաշ	62 կիլոգրամ
Դիրք	Պաշտպան

Դիոգու Ֆիգեյրաշ (պորտ.՝ Diogo José Rosário Gomes Figueiras, հուլիսի 1, 1991(1991-07-01) կամ հունվարի 7, 1991(1991-01-07), Վիլա Ֆրանկա դի Շիրա), պորտուգալացի ֆուտբոլիստ, պաշտպան։ Հանդես է գալիս իսպանական «Սևիլյայում»։

Ակումբային կարիերա[խմբագրել | խմբագրել կոդը]

Կարիերայի սկիզբ[խմբագրել | խմբագրել կոդը]

Ֆիգեյրաշը իր կարիերան սկսել է լիսաբոնյան «Բենֆիկայի» ակադեմիայում։ Պրոֆեսիոնալ ֆուտբոլում իր նորամուտը նա նշել է 2010/11 մրցաշրջանում «Պինիլավոնսեի» կազմում Պորտուգալիայի առաջնությունում։

2011 թվականի ամռանը Ֆիգեյրաշը 3-ամյա պայմանագիր է կնքել «Պասուշ դե Ֆերեյրայի» հետ^[1]։ Նոր թիմի կազմում Դիոգուն իր նորամուտը նշել է 2011 թվականի օգոստոսի 28-ին՝ «Ֆեյրենսայի» դեմ խաղում։

«Սևիլյա»[խմբագրել | խմբագրել կոդը]

2013 թվականի հուլիսի 18-ին Ֆիգեյրաշը տեղափոխվել է իսպանական «Սևիլյա»՝ թիմի հետ կնքելով պայմանագիր մինչ 2017 թվականը^[2]։ Իսպանական ակումբի կազմում Ֆիգեյրաշը իր դեբյուտը նշել է 2013 թվականի սեպտեմբերի 28-ին՝ Իսպանիայի առաջնության շրջանակներում կայացած «Ռեալ Սոսիեդադի» դեմ խաղում^[3]։

Թիմի կազմում իր առաջին գոլը Դիոգուն խփել է 2014 թվականի մարտի 16-ին՝ «Ռեալ Վալյադոդի» դեմ խաղում։