Դիանա Տուրբայ
| Դիանա Տուրբայ | |
|---|---|
.jpg) | |
| Ծնվել է | մարտի 8, 1950 |
| Ծննդավայր | Բոգոտա, Կոլումբիա |
| Մահացել է | հունվարի 25, 1991 (40 տարեկան) |
| Մահվան վայր | Մեդելյին, Կոլումբիա |
| Գերեզման | Խաղաղության այգիներ |
| Քաղաքացիություն |  Կոլումբիա |
| Մասնագիտություն | լրագրող |
| Ծնողներ | հայր՝ Խուլիո Սեսար Տուրբայ Այալա, մայր՝ Նիդյա Կինտերո Տուրբայ |
| Երեխաներ | Միգել Ուրիբե |
 Diana Turbay Վիքիպահեստում | |
Դիանա Տուրբայ Կինտերո (իսպ.՝ Diana Turbay Quintero, մարտի 8, 1950, Բոգոտա, Կոլումբիա - հունվարի 25, 1991, Մեդելյին, Կոլումբիա), կոլումբացի լրագրողը, ով առևանգվել է Մեդելին կոկաինային կարտելի կողմից և պատահաբար սպանվել Կոլումբիայի ոստիկանության փրկարարական գործողության ժամանակ։
Կենսագրություն[խմբագրել | խմբագրել կոդը]
Դիանա Տուրբայը ծնվել է 1950 թվականի մարտի 9-ին, Բոգոտայում։ Որպես լրագրող աշխատել է Կոլումբիայի հեռուստատեսությունում։ Նրա հայրը՝ Խուլիո Սեսար Տուրբայ Այալան, 1978-1982 թվականներին եղել է Կոլումբիայի Հանրապետության նախագահ[1]։ 1990 թվականի օգոստոսի 30-ին մի անհայտ տղամարդ հեռախոսով կապ է հաստատել Դիանա Տուրբայի հետ և խոստացել հարցազրույց կազմակերպել Մանուել Պերես Մարտինեսի հետ (իսպանացի քահանա, ինտերնացիոնալիստ հեղափոխական, Ազգային ազատագրական բանակի առաջնորդ)։ Ավելի ուշ ոստիկանական հետաքննությունը պարզել է, որ տղամարդը Մեդելինի կոկաինի կարտելի անդամ է և հավաքագրվել է Պաբլո Էսկոբարի կողմից։ Պաբլո Էսկոբարը հույս ուներ, որ նախկին նախագահի առևանգված դստեր օգնությամբ կկարողանա ճնշում գործադրել Կոլումբիայի օրենսդիրների վրա, և նրանք կչեղարկեն հանցագործներին Ամերիկայի Միացյալ Նահանգներ արտահանձնելու պայմանագիրը։ Դիանա Տուրբային առևանգել են իր օպերատոր Ռիչարդ Բեսերի հետ և պահել Մեդելինի արվարձանում գտնվող բնակարանում[2]։ 1991 թվականի հունվարի 25-ին Կոլումբիայի ոստիկանության կողմից ձեռնարկված փրկարարական գործողության ժամանակ Դիանա Տուրբայը մահացել է հրազենային վնասվածքներից (ոստիկանը պատահաբար կրակել է նրա վրա)։ Մահվան պատճառը մեջքի հատվածում արձակված գնդակն է եղել, որը մասամբ վնասել է նրա լյարդը և ձախ երիկամը[3]։
Ժողովրդական մշակույթում[խմբագրել | խմբագրել կոդը]
Գրականություն[խմբագրել | խմբագրել կոդը]
Դիանա Տուրբայի կյանքի ուղին պատկերված է գրող Գաբրիել Գարսիա Մարկեսի «Հաղորդում առևանգման մասին» պատմվածքում և ցուցադրվել է «Նարկո» հեռուստասերիալում[3][4]։
Հեռուստատեսություն[խմբագրել | խմբագրել կոդը]
- Տուրբային մարմնավորել է դերասանուհի Լիզել Պոտդևինը «Պաբլո Էսկոբար. Չարի հովանավորը» հեռուստասերիալում (2012)։
- Տուրբային մարմնավորել է Գաբրիելա դե լա Գարզան Նեթֆլիքս-ի Նարկո հեռուստասերիալում (2015)։
Ծանոթագրություններ[խմբագրել | խմբագրել կոդը]
- ↑ «Obituarios: Julio César Turbay Ayala, ex presidente de Colombia»։ El Mundo (Spanish)։ 2005-09-15
- ↑ «Hoy Se Cumplen 15 Años Del Asesinato De La Periodista Diana Turbay» (իսպաներեն)։ Las Voces Del Secuestro։ 2006-01-25։ Արխիվացված է օրիգինալից 2008-01-18-ին
- ↑ 3,0 3,1 Stone, Robert (1997-06-15)։ «The Autumn of the Drug Lord»։ The New York Times
- ↑ García Márquez Gabriel (1997)։ News of a Kidnapping։ Grossman, Edith (Translator։ New York: Albert A. Knopf