Դիադոքոսներ

Վիքիպեդիայից՝ ազատ հանրագիտարանից

Դիադոքոսներ (հուն․ ՏւճՑօ^օց — ժառանգորդ), Ալեքսանդր Մակեդոնացու մահից (մ․թ․ա․ 323) հետո մակեդոնական ժառանգության համար պայքարող զորավարներ։

Դիադոքոսներից առանձնապես համբավավոր են եղել Ալեքսանդր Մակեդոնացու զորավարներ Պերդիկկասը, Անտիպատրոսը, Պտղոմեոս Լագոսը, Եվմենոսը, Անտիգոնոս Միակնանին, Դեմետրիոս I Պոլիորկետոսը, Լիսիմաքոսը, Սելևկոս I Նիկատորոսը, Կրատերոսը, Կասսանդրոսը, Պոլիսպերքոնտոսը։ Նրանցից յուրաքանչյուրն իրեն համարել է Ալեքսանդր Մակեդոնացու պատվարժան ժառանգորդը և չի կամեցնլ զիջել առաջնությունը։ Մ․թ․ա․ 301-ին Իպսոսի մոտ ճակատամարտից հետո նվազել են դիադոքոսների ներհակությունները, աստիճանաբար պատմաբեմից հեռացել են դիադոքոսներ՝ ասպարեզը թողնելով իրենց երիտասարդ սերնդին՝ էպիգոններին։ Մ․թ․ա․ 280-ական թթ․ Մակեդոնական աշխարհակալությունը տրոհվել է երեք հելլենականացված պետության։