Դեսպինա Օլիմպիու

Վիքիպեդիայից՝ ազատ հանրագիտարանից
Jump to navigation Jump to search
Դեսպինա Օլիմպիու
ESC2013 - Cyprus 01.JPG
Ծնվել էհոկտեմբերի 17, 1975(1975-10-17) (44 տարեկան)
Լիմասոլ, Լիմասոլի շրջան, Կիպրոս
ԵրկիրFlag of Cyprus.svg Կիպրոս
Ժանրերփոփ երաժշտություն
Մասնագիտություներգչուհի
Գործիքներդաշնամուր և վոկալ
ԼեյբլUniversal Music Group
Despina Olympiou Վիքիպահեստում

Դեսպինա Օլիմպիու (հուն․՝ Δέσποινα Ολυμπίου, անգլ.՝ Despina Olympiou, հոկտեմբերի 17, 1975(1975-10-17), Լիմասոլ, Լիմասոլի շրջան, Կիպրոս), կիպրացի երգչուհի, որ 2013 թվականին «An Me Thimasai» երգով ներկայացրել է Կիպրոսը Եվրատեսիլ 2013 երգի մրցույթում[1][2] և կիսաեզրափակիչ փուլում զբաղեցրել 15-րդ հորիզոնականը։

Կենսագրություն[խմբագրել | խմբագրել կոդը]

Դեսպինա Օլիմպիուն ծնվել է 1975 թվականի[3] հոկտեմբերի 17-ին[4] Լիմասոլում։ Երգեցողությամբ զբաղվել սկսել է վաղ տարիքում: Դաշնամուր նվագել և երաժշտության ​​տեսություն սովորել է Լոնդոնի Թրինիթի քոլեջում: 1992 թվականին Կիպրոսում սկսել է պրոֆեսիոնալ երգել: 1994 թվականին մեկնել է Աթենք՝ համագործակցելու Յանիս Փարիոսի հետ: Հետագայում համագործակցել է առաջատար հույն երաժիշտների հետ, այդ թվում՝ Հարիս Ալեքսիա, Յորգոս Դալարաս, Միխալիս Հաձիյանիս, Մանոլիս Լիդակիս, Դիմիտրիս Միտրոպանոս, Պանտելիս Թալասինոս, Կոստաս Մակեդոնաս և այլն:

Դեսպինա Օլիմպիուի առաջին ալբոմը՝ «Των Ματιών σου η Καλημέρα», լույս է տեսել 2000 թվականին, որի երգերի տեքստերը հեղինակել է Իլիաս Կատսուլիսը, իսկ երաժշտությունը՝ Պանտելիս Թալասինոսը, Մանոլիս Լիդակիսը և այլք։ 2003 թվականի ամռանը Դեսպինա Օլիմպիուն Միխալիս Հաձիյանիսի հետ համերգներով հանդես է եկել ամբողջ Հունաստանում և արտերկրում: Այդ ընթացքում նա թողարկել է«'Βάλε Μουσική» սինգլը, որը վաճառվել է ավելի քան 25,000 օրինակով:

2004 թվականի ամռանը Դեսպինա Օլիմպիուն թողարկել է իր երկրորդ ալբոմը՝ «Έχουμε Λόγο», որում ներառվել են Միխալիս Հաձիյանիսի, Տակիս Վուրմասի, Էլենի Զիոգի, Կոստաս Վալտազանիսի երգերը։ 2005 թվականի ձմռանը նա թողարկել է իր երրորդ ալբոմը, որը կոչվում է «Αυτό Είναι Αγάπη» և ներառում է երգեր Յորգոսի և Ալեքսանդրոս Պանտելիասովի երաժշտությամբ և բանաստեղծություններով:

Դեսպինա Օլիպմպիուն հետագայում համագործակցել է Աննա Վիսսիի, Յորգոս Դալարասի և Միխալիս Հաձիյանիսի հետ ԱՄՆ-ում և Կանադայում: 2007 թվականի մարտին նա թողարկել է «Πες το δυνατά» CD սինգլը, որը մեծ հաջողություն է ունեցել, նրա երգերն ընդգրկվել են «Μαζί — χωριστά» խորագրով չորրորդ ալբոմում, որն ստացել է ոսկե հավաստագիր:

2009 թվականի հունվարի սկզբին Դեսպինա Օլիմպիուն նշանադրվել էր Միխալիս Խաձիյանիսի հետ, սակայն 2010 թվականին զույգը բաժանվել է[5]:

2012 թվականին՝ մեկ տարվա ընդմիջումից հետո, Դեսպինա Օլիմպիուն վերադարձել է բեմ երգահան Յանիս Խրիստոդուլոպուլոսի նոր երգերով, մասնավորապե՝ս «Να είσαι καλά»[6], сՅորգոս Պապադոպուլոսի և Stereo Mike հետ զուգերգերով[7]:

2013 թվականին ընտրվել է ներկայացնելու Կիպրոսը «Եվրատեսիլ» երգի մրցույթում Շվեդիայի Մալմյո քաղաքում[8]։ Փետրվարի 14-ին հունարեն An me thimasai (Αν με θυμάσαι) երգը ներկայացվել է որպես Կիպրոսի մրցութային աշխատանք[9]։ Գովազդային նպատակներով պատրաստվել են նաև երգի անգլերեն ակուստիկ և իսպանական տարբերակները[10][11]։ 2013 թվականի մայիսի 14-ին առաջին կիսաեզրափակչում ելույթ է ունեցել 14 համարի ներքո։ Նա զբաղեցրել է տասնհինգերրդ տեղը և չի անցել եզրափակիչ[12][13]։

Սկավառակագրություն[խմբագրել | խմբագրել կոդը]

  • «Των Ματιών σου η Καλημέρα» (2000)
  • «Βάλε μουσική» (2003)
  • «Έχουμε Λόγο» (2004)
  • «Αυτό Είναι Αγάπη» (2005)
  • «Μαζί — χωριστά» (2007)
  • «Μαζί — χωριστά» Golden Edition (2008)
  • «Μια Στιγμή» (2009)
  • «Αν Με Θυμάσαι (An Me Thimase)» (2013)
  • «Harisma Sou» (2016)
  • «Girna Se Mena» (2016)
  • «Panta Erhete I Avgi» (2017)
  • «Opou Mas Paei I Kardia» (2017)

Ծանոթագրություններ[խմբագրել | խմբագրել կոդը]

  1. «Cyprus: Despina Olympiou internally selected in 2013»
  2. «Cyprus: Despina Olympiou reveals her Eurovision entry»
  3. ΦΑΜΕΝ. Απρίλιος 2010, Αριθμός φύλλου 15: «Η Δέσποινα Ολυμπίου, γεννημένη στις 17 Οκτωβρίου 1975…»
  4. Despina Olympiou / Δέσποινα Ολυμπίου – Facebook
  5. Δέσποινα Ολυμπίου:"Ο Μιχάλης υπήρξε ένα σημαντικό κεφάλαιο στη ζωή μου και την προσωπική και την επαγγελματική" — повідомлення від 23/04/2010. Перевірене 30-11-2010
  6. «Δέσποινα Ολυμπίου: Επιστροφή στη δισκογραφία»։ Արխիվացված է օրիգինալից 2012-04-03-ին։ Վերցված է 2013-02-21 
  7. «Δέσποινα Ολυμπίου ft Stereo Mike: Δεν Σ'Αφήνω Απ' Τα Μάτια Μου — Το video clip»։ Արխիվացված է օրիգինալից 2012-09-03-ին։ Վերցված է 2013-02-21 
  8. «It's Despina Olympiou for Cyprus»։ European Broadcasting Union։ փետրվարի 1, 2013 
  9. van Lith Nick (փետրվարի 14, 2013)։ «Cyprus: ‘An Me Thimase’ presented»։ ESCXtra։ Արխիվացված է օրիգինալից մարտի 28, 2014-ին։ Վերցված է փետրվարի 14, 2013 
  10. «Cyprus: Spanish version of An me thymasai online»։ ESCtoday։ Վերցված է մարտի 8, 2013 
  11. Randjelovic Denis։ «Cyprus: Despina releases English version of her song»։ esctoday.com։ Վերցված է ապրիլի 9, 2013 
  12. Siim Jarmo (մարտի 28, 2013)։ «Eurovision 2013: Semi-final running order revealed»։ Eurovision Song Contest 
  13. Leon Jakov (մայիսի 14, 2013)։ «We have our first ten finalists!»։ Eurovision Song Contest։ Վերցված է մայիսի 14, 2013 

Արտաքին հղումներ[խմբագրել | խմբագրել կոդը]