Գևորգ Կոթյանց

Վիքիպեդիայից՝ ազատ հանրագիտարանից
Jump to navigation Jump to search
Գևորգ Կոթյանց
Գևորգ Կոթյանց.jpg
Ծնվել էնոյեմբերի 12, 1909(1909-11-12)
ԾննդավայրՇուշի, Ելիզավետպոլի նահանգ, Ռուսական կայսրություն
Վախճանվել էօգոստոսի 28, 1996(1996-08-28) (86 տարեկանում)
Մահվան վայրՍանկտ Պետերբուրգ, Ռուսաստան
Ազգությունհայ
ՔաղաքացիությունFlag of Russia.svg Ռուսական կայսրություն
Flag of the Soviet Union.svg ԽՍՀՄ
Flag of Russia.svg Ռուսաստան
Մասնագիտություննկարիչ
Ժանրդիմապատկեր և նատյուրմորտ
Պարգևներ

Order of the Red Star.jpg Medal for Merit in Combat.jpg Defleningrad.png

Za pobedu nad germaniej.jpg
ԱնդամակցությունԽՍՀՄ նկարիչների միություն
Gevork Kotiantz Վիքիպահեստում

Գևորգ Վարդանի Կոթյանց (ռուս.՝ Геворк Вартанович Котьянц, նոյեմբերի 12, 1909(1909-11-12), Շուշի, Ելիզավետպոլի նահանգ, Ռուսական կայսրություն - օգոստոսի 28, 1996(1996-08-28), Սանկտ Պետերբուրգ, Ռուսաստան), խոհրդահայ նկարիչ, ապրել և ստեղծագործել է Լենինգրադում։ Լենինգրադյան նկարչական դպրոցի ներկայացուցիչ[1]։ Լենինգրադի նկարիչների միության անդամ[2]։

Կենսագրություն[խմբագրել | խմբագրել կոդը]

Գևորգ Կոթյանը ծնվել է 1909 թվականին Շուշիում՝ արհեստավոր-ոսկերչի ընտանիքում։ 1909 թվականին Գևորգի ընտանիքը տեղափոխվում է Հյուսիսային Կովկաս՝ Պյատիգորսկ։ 1927—1929 թվականներին Կոթյանցը Պյատիգորսկում հաճախում է մասնավոր ստուդիա, գրքերից, վերարտադրումներից ինքնուրույն ուսումնասիրում հայտնի արվեստագետների գործերը, սովորում նկարել։ 1929 թվականին դառնում է Արվեստագետների հեղափոխական ընկերակցության Պյատիգորսկի մասնաճյուղի անդամ (ռուս.՝ Ассоциация художников революции, անգլ.՝ Assotsiatsia Khudozhnikov Revolutsii or AKhR 1928-1932)։ 1930 թվականին առաջին անգամ Պյատիգորսկում մասնակցում է ցուցահանդեսի, այնուհետև Հյուսիսային Կովկասի նաև այլ քաղաքներում[3]։

1931-1932 թվականներին Կոթյանցն որպես նկարիչ աշխատում է Պյատիգորսկի Հեղափոխության թանգարանում, որտեղ իրեն դրսևորում է որպես պատմական և հեղափոխական ժանրի նկարիչ։ Նրա ստեղծագործություններից շատերը գնվում են թանգարանի կողմից։

1933 թվականին Կոթյանցին ուղարկում են Լենինգրադ՝ ուսանելու։ 1934-1935 թվականներին Կոթյանցն անցնում է Արվեստագետների բարձրագույն ուսումնական դասընթացներ, որտեղ նրան դասավանդում են հայտնի նկարիչներ և արվեստի մանկավարժներ՝ Պավել Նաումովը, Ալեքսանդր Կարևը, Ռուդոլֆ Ֆրենցը։ Այս շրջանում Կոթյանցն աշխատում է պատմական և հեղափոխական ժանրերում։ Նրա «Սերգեյ Կիրովը Բաքվում» կտավն արժանանում է Ռուսական արվեստի ակադեմիայի երկրորդ մրցանակի։

Այնուհետև Կոթյանցն սկսում է տարվել ֆրանսիական իմպրեսիոնիստներով, ինչը մեծ ազդեցություն է ունենում նրա ստեղծագործական ուղղության վրա։ Արվեստագետների բարձրագույն ուսումնական դասընթացներն ավարտելուց հետո Կոթյանցն աշխատում է Լենինգրադի արվեստագետների կոմիտեում։

1945-1946 թվականներին Կոթյանցը նկարչություն է դասավանդում Լենինգրադի Տավրիչեսկայա արվեստի դպրոցում՝ միաժամանակ վերականգնելով պատերազմի ժամանակ կորցրած հմտությունները։ Այս շրջանի նրա գործերում առկա է գույնի արտահայտչական հնարավորությունները։

Կոթյանցի ստեղծագործությունները գտնվում են Ռուսաստանի, Ֆրանսիայի, Հայաստանի, ԱՄՆ-ի, Իտալիայի և այլ երկրների թանգարաններում ու մասնավոր հավաքածուներում[4][5]։

Մասնակցություն Մեծ հայրենական պատերազմին[խմբագրել | խմբագրել կոդը]

1936 թվականին Կոթյանցը զորակոչվում է Կարմիր բանակ՝ ծառայության։ 1939-1940 թվականներին որպես զինվոր Կոթյանցը մասնակցում է Ռուս-ֆիննական պատերազմին, որը հայտնի է որպես 1939-1940 թվականների «ձմեռային պատերազմ»։ 1940 թվականին նա զորացրվում է և շարունակում ստեղծագործական աշխատանքը։ Նույն թվականին նա ընդունվում է Լենինգրադի նկարիչների միություն։

Մեծ հայրենական պատերազմի տարիներին Կոթյանցը ծառայել է Կարմիր բանակում՝ Լենինգրադյան ճակատում, 23-րդ վաշտում։ Երկու անգամ վիրավորվել է։ Արժանացել է բազմաթիվ պարգևների, այդ թվում՝

  • Կարմիր աստղի շքանշան
  • «Լենինգրադի պաշտպանության մեդալ»
  • Ռազմաճակատային պատվո մեդալ
  • Գերմանիայի դեմ տարած հաղթանակի մեդալ
  • Մեծ հայրենական պատերազմի մեդալ

Զորացրվել է 1945 թվականին՝ որպես սերժանտ։

Ընտանիք[խմբագրել | խմբագրել կոդը]

1947 թվականին Կոթյանցն ամուսնանում է ֆրանսերենի ուսուցչուհի Կատերին Կոստրոմեևայի հետ։ 1948 թվականին ծնվում է նրանց դուստրը՝ Տատյանան։

Մահը[խմբագրել | խմբագրել կոդը]

Գևորգ Կոթյանը մահացել է 1996 թվականի օգոստոսի 28-ին, Սանկտ Պետերբուրգում, 87 տարեկան հասակում։

Ցուցահանդեսներ[խմբագրել | խմբագրել կոդը]

  • Լենինգրադի նկարիչների աշխատանքների ցուցահանդես, Լենինգրադ, 1952,
  • Լենինգրադի նկարիչների աշխատանքների գարնանային ցուցահանդես, Լենինգրադ, 1954
  • Լենինգրադի արվեստագետների աշխատանքների ցուցահանդեսը Ռուսաստանի պետական թանգարանում,1954
  • Լենինգրադի արվեստագետների աշխատանքների գարնանային ցուցահանդես, 1955
  • Լենինգրադի արվեստագետների աշխատանքների աշնանային ցուցահանդես, 1956
  • Լենինգրադի արվեստագետների աշխատանքների ցուցահանդեսը նվիրված Հոկտեմբերյան սոցիալիստական մեծ հեղափոխության 40-ամյակին, 1957
  • Լենինգրադի արվեստագետների աշխատանքների աշնանային ցուցահանդես, 1958
  • Լենինգրադի արվեստագետների աշխատանքների գարնանային ցուցահանդես, ЛОСХ սրահ, 1960
  • Լենինգրադի արվեստագետների աշխատանքների ցուցահանդես, Ռուսաստանի պետական թանգարան, 1960
  • Լենինգրադի արվեստագետների աշխատանքների ցուցահանդես, 1961
  • Լենինգրադի արվեստագետների աշխատանքների աշնանային ցուցահանդես, 1962
  • Լենինգրադի արվեստագետների աշխատանքների տարածաշրջանային ցուցահանդես, 1964
  • Լենինգրադի արվեստագետների աշխատանքների գարնանային ցուցահանդես, 1965
  • Լենինգրադի արվեստագետների աշխատանքների աշնանային ցուցահանդես, 1968
  • Լենինգրադի արվեստագետների աշխատանքների գարնանային ցուցահանդես, 1969
  • «Մեր ժամանակակիցները», Լենինգրադի արվեստագետների աշխատանքների ցուցահանդես, 1971
  • «Մեր ժամանակակիցները», Լենինգրադի արվեստագետների աշխատանքների երկրորդ ցուցահանդես, 1972
  • «Հարազատ երկրով», Լենինգրադի արվեստագետների աշխատանքների գարնանային ցուցահանդես, 1972
  • «Նատյուրմորտ», Լենինգրադի արվեստագետների աշխատանքների գարնանային ցուցահանդես, 1973
  • Լենինգրադի արվեստագետների աշխատանքների աշնանային ցուցահանդես, 1973
  • Լենինգրադի արվեստագետների աշխատանքների գարնանային ցուցահանդես, 1974
  • «Մեր ժամանակակիցները», Լենինգրադի արվեստագետների աշխատանքների տարածաշրջանային ցուցահանդես, 1975
  • «Լենինգրադի գեղարվեստ», հետահայաց ցուցադրություն, 1976
  • Լենինգրադի արվեստագետների աշխատանքների ցուցահանդես, 1977
  • Լենինգրադի արվեստագետների աշխատանքների աշնանային ցուցահանդես, 1978
  • Անհատական ցուցահանդես Լենինգրադի նկարիչների միությունում, 1979
  • Լենինգրադի նկարիչների տարածաշրջանային ցուցահանդես, 1980, Լենինգրադ
  • ՌԽՖՍՀ նկարիչների միության ցուցասրահ, անհատական ցուցահանդես, 1985, Մոսկվա
  • Մեծ հայրենական պատերազմի մասնակից վետերան-նկարիչների ցուցահանդես, 1987, Լենինգրադ
  • «Ինտերեր և նատյուրմորտ», ՌԴ գեղանկարիչների ցուցահանդես, 1988, Լենինգրադ
  • Ցուցահանդես «Ռուս նկարիչներ», Բրյուսել, 1993
  • Ցուցահադնես «Ժամանակների միավորում, 1932-1997 թթ., Սանկտ Պետերբուրգի նկարիչների միության նկարիչ-անդամներ, նվիրված միության 65-ամյակին, 1997, Սանկտ Պետերբուրգ

Ծանոթագրություններ[խմբագրել | խմբագրել կոդը]

  1. Sergei V. Ivanov. Unknown Socialist Realism. The Leningrad School. Saint Petersburg, NP-Print Edition, 2007. P.18, 21, 24, 363, 389, 390, 392-400, 402-404, 443, 444.
  2. Справочник членов Союза художников СССР. Том 1. — М. : Советский художник, 1979. — С. 552.
  3. Геворк Вартанович Котьянц. Выставка произведений. Каталог. — Л. : Художник РСФСР, 1979. — С. 3.
  4. Saint-Pétersbourg - Pont-Audemer. Dessins, Gravures, Sculptures et Tableaux du XX siècle du fonds de l'Union des Artistes de Saint-Pétersbourg. - Pont-Audemer: 1994. - p.99,104.
  5. Sergei V. Ivanov. Unknown Socialist Realism. The Leningrad School. Saint Petersburg, NP-Print Edition, 2007. P.6-7.

Աղբյուրներ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]