Գրիկեր (Գրիգոր վարդապետ Կերկերյան) (6 դեկտեմբերի 1911, Կյուրին, ՍԵբաստիայի նահանգ - 2 նոյեմբերի 1988, Նյու Յորք), պատմաբան։ Ուսումնասիրել և թարգմանել է հայերի ցեղասպանությանը վերաբերող թուրքական պաշտոնական փաստաթղթեր։ «Եոզղատի հայասպանութեան վաւերագրական պատմութիւնը» (1980) աշխատության մեջ առաջին անգամ հրապարակել է Յոզղատի հայերի կոտորածի հանցագործների դատաքննությանը վերաբերող մի շարք վավերագրերի թարգմանություններ՝ թուրքական բնագրերի հետ, ինչպես նաև հայերի ցեղասպանության վերաբերյալ 1919-20 թթ. թուրքական և այլ մամուլից քաղված նյութեր ու մեկնաբանություններ, ականատեսների վկայություններ։
Այս հոդվածի կամ նրա բաժնի որոշակի հատվածի սկզբանական տարբերակը վերցված է«Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
