Գվիդո վան Ռոսում

Վիքիպեդիայից՝ ազատ հանրագիտարանից
Գվիդո վան Ռոսսում
Guido van Rossum
Guido van Rossum OSCON 2006.jpg
Ծնվել է հունվարի 31, 1956 (61 տարեկան)
Ծննդավայր Հաառլեմ, Նիդերլանդներ
Քաղաքացիություն Նիդերլանդներ
Ազգություն Հոլանդացի
Կրթություն Ամստերդամի համալսարան
Մասնագիտություն Ծրագրավորում
Աշխատանք Ստեղծել է Python լեզուն
Գործունեություն Ծրագրավորող, գրող
Աշխատավայր Dropbox[1]
Ամուսին Քիմ Կնապ
Պարգևներ և
մրցանակներ
Free Software Award
Երեխաներ Օրլին Միշել Կնապ֊վան Ռոսում[2]
Կայք www.python.org/~guido
Guido van Rossum Վիքիպահեստում

Գվիդո վան Ռոսում (հոլ.՝ Guido van Rossum, հունվարի 31, 1956({{padleft:1956|4|0}}-{{padleft:1|2|0}}-{{padleft:31|2|0}}), Հաառլեմ, Նիդերլանդներ, Նիդերլանդներ), հոլանդացի ծրագրավորող, առավել հայտնի որպես Python ծրագրավորման լեզվի ստեղծող։ Python լեզվի մշակողների շրջանում Գվիդոն հայտնի է որպես «Benevolent Dictator For Life» (BDFL), ինչը նշանակում է, որ նա շարունակում է հետևել Python-ի մշակման աշխատանքներին՝ անհրաժեշտության դեպքում ընդունելով վերջնական որոշում[3]։ Նա Google ընկերությունում աշխատել է 2005 թվականից մինչև 2012 թվականի դեկտեմբերի 7-ը։ 2013 թվականի հունվարից վան Ռոսումը սկսել է աշխատել Dropbox-ում։

Կենսագրություն[խմբագրել | խմբագրել կոդը]

Վան Ռոսումը ծնվել և մեծացել է Նիդերլանդներում, որտեղ նա 1982 թվականին Ամստերդամի համալսարանում ստացել է մաթեմատիկոսի և համակարգչային ծրագրավորողի մագիստրոսի աստիճան։ Հետո նա աշխատել է տարբեր հետազոտական ինստիտուտներում, այդ թվում Ամստերդամում մաթեմատիկայի և ինֆորմատիկայի հոլանդական կենտրոնում, ԱՄՆ-ի ստանդարտների և տեխնոլոգիաների ազգային ինստիտուտում և ԱՄՆ-ի ազգային հետազոտական ընկերությունում։

2001 թվականին վան Ռոսումն ազատ ծրագրային ապահովման բնագավառում ունեցած ավանդի համար ստացավ Free Software Award մրցանակը։ 2002 թվականին նա ստացավ պրոֆեսիոնալ հոլանդացիների UNIX մրցանակը (NLUUG)։ 2006 թվականին դարձավ հաշվողական տեխնիկաների ասոցիացիայի ականավոր ինժեներ։

Անձնական կյանք[խմբագրել | խմբագրել կոդը]

Գվիդո վան Ռոսումի եղբայրը Յուստա վան Ռոսումն է (հոլJust van Rossum), ով տառատեսակների դիզայներ և ծրագրավորող է։ նրա ստեղծած տառատեսակն օգտագործվել է «Python Powered»-ի պատկերանիշի վրա։

Այս պահին Գվիդոն ապրում է Կալիֆորնիայում, կնոջ՝ ամերիկացի Քիմ Կնապի և նրանց որդի Օրլինի հետ[4]։

Աշխատանք[խմբագրել | խմբագրել կոդը]

Վան Ռուսումն աշխատել է նաև ABC ծրագրավորման լեզվի վրա։

Python[խմբագրել | խմբագրել կոդը]

Վան Ռոսումը 2008 թ․ Google I/O ծրագրավորողների կոնֆերանսում։

1996 թվականին Python-ի ծնունդի մասին Ռոսումը գրել է․

Aquote1.png Ավելի քան վեց տարի առաջ, 1989 թվականի դեկտեմբերին հոբբիի համար ես փնտրում էի ծրագրավորման մի պրոյեկտ, որն ինձ կզբաղեցներ Ծննդյան տոների ընթացքում։ Իմ գրասենյակը․․․ Պետք է որ փակ լիներ, բայց ես տանը համակարգիչ ունեի և ոչ մի այլ բան ձեռքիս տակ։ Ես որոշեցի սկրիպտային նոր լեզվի համար գրել ինտերպրետատոր, որի մասին մտածում էի վերջին ժամանակներում։ Լինելով բրիտանական Monty Python's Flying Circus կատակերգական սերիալի սիրահար՝ պրոյեկտի համար ընտրեցի Python անունը։
- Գվիդո վան Ռոսում (1996)
Aquote2.png

Dropbox[խմբագրել | խմբագրել կոդը]

2012 թվականի դեկտեմբերին վան Ռոսումն աշխատանքի է անցնում ամպային տեխնոլոգիաների Dropbox ընկերությունում։ Dropbox-ը գրված է Python ծրագրավորման լեզվով։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Constine Josh։ «Dropbox Hires Away Google’s Guido Van Rossum, The Father Of Python»։ Techcrunch։ Վերցված է 7 Դեկտեմբերի 2012 
  2. «Guido van Rossum»։ CodeCall Programming Wiki։ Արխիվացված օրիգինալից-ից 31 Հոկտեմբերի 2008-ին 
  3. «Benevolent dictator for life»։ Linux Format։ 1 February 2005։ Արխիվացված օրիգինալից-ից 1 Հոկտեմբերի 2006-ին։ Վերցված է 1 November 2007 
  4. Guido van Rossum — Brief Bio

Արտաքին հղումներ[խմբագրել | խմբագրել կոդը]