Գուստավո Մոդենա

Գուստավո Մոդենա
Ծնվել է	փետրվարի 13, 1803(1803-02-13)
Ծննդավայր	Վենետիկ, Venetian Province, Ավստրիական կայսրություն
Մահացել է	փետրվարի 20, 1861(1861-02-20) (58 տարեկան)
Մահվան վայր	Թուրին, Իտալիա
Քաղաքացիություն	Վենետիկի հանրապետություն
Մասնագիտություն	թատրոնի դերասան և դերասան
Ակտիվ շրջան	1831-1841 թթ.
Ծնողներ	հայր՝ Giacomo Modena?, մայր՝ Luigia Bernaroli Lancetti?

Գուստավո Մոդենա (փետրվարի 13, 1803(1803-02-13), Վենետիկ, Venetian Province, Ավստրիական կայսրություն - փետրվարի 20, 1861(1861-02-20), Թուրին, Իտալիա), իտալացի դերասան։

Պադուայի համալսարանում ստացել է իրավաբանական կրթություն։ Բեմական գործունեությունն սկսել է 1824 թ.-ին։ Ելույթ է ունեցել տարբեր թատերախմբերում, այնուհետև կազմակերպել սեփականը։ Մոդենան մասնակցել է 1831 թ.-ի Բոլոնիայի ապստամբությանը, սերտ կապերի մեջ եղել «Երիտասարդ Իտալիա» գաղտնի հանրապետական ընկերության և նրա հիմնադիր Զ. Մաձինիի հետ։ Ձգտել է թատրոնը զենք դարձնել հանուն իր ժողովրդի ազատության և անկախության պայքարի։ Լավագույն դերերից են՝ Ադելգիզ (Մանձոնիի «Ադելգիզ»), Բրուտոս, Աավուղ, Փիլիպոս (Ալֆիերիի «Բրուտոս», «Աավուղ», «Փիլիպոս») ևն։ Մոդենայի գործունեությունը նպաստել է դերասանական արվեստի իտալական ռեալիստական դպրոցի ստեղծմանը։ Եղել է դերասաններ Ա. Ռիստորիի, է. Ռոսիի, Թ. Աալվինիի ուսուցիչը։ 1888 թ.-ին լույս են տեսել Մոդենայի նամակները, որոնք մեծ հետաքրքրություն են ներկայացնում թատրոնի ուսումնասիրման համար։

Ծանոթագրություններ

Վիքիպահեստն ունի նյութեր, որոնք վերաբերում են «Գուստավո Մոդենա» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 664)։