Գործակալ 117․ սիրով Աֆրիկայից
«Գործակալ 117․ սիրով Աֆրիկայից» (ֆր.՝ OSS 117: Alerte Rouge en Afrique Noire), ռեժիսոր Նիկոլաս Բեդոսի նկարահանած գեղարվեստական ֆիլմ։ Ժան Բրյուսի գրքի հերոսի՝ Հյուբերտ Բոնիսյոր դե լա Բատայի արակածների մասին տասնմեկերորդ ֆիլմը (Գործակալ 117) և Ժան Դյուժարդենի գլխավոր դերակատարմամբ ֆիլմերի ծաղրերգագական երրորդ սերիան։
Ֆիլմի գործողությունները տեղի են ունենում 1981 թվականին՝ «Գործակալ 117. Առաքելություն Ռիո» ֆիլմի իրադարձություններից 14 տարի անց։ Գործակալ 117-ը առաքելություն է կատարում Ենթասահարա հորինված երկրում, որտեղ նա միավորվում է երիտասարդ Գործակալ 1001-ի հետ։
Ֆիլմի պրեմիերան կայացել է 2021 թվականի հուլիսի 21-ին Կանայան 74-րդ կինոփառատոնում։
Սյուժե[խմբագրել | խմբագրել կոդը]
1981 թվական։ Հյուբերտ Բոնիսյոր դե լա Բատան, հայտնի նաև որպես Գործակալ 117, ամերիկյան հատուկ ծառայության օգնությամբ փախչում է Աֆղանստանից, որտեղ նա սովետական զինվորների մոտ պատանդ էր։ Վերադառնալով Ֆրանիսա՝ Գործակալ 117-ը ցանկանում է նոր գործ սկսել, սակայն նրա վերադասները այլ կարծիք են ունենում դրա վերաբերյալ։ Հյուբերտն այլևս երիտասարդ չէր, դրա համար էլ նրան տալիս են ավելի պարզ աշխատանք․ տիրապետել նոր տեխնոլոգիաներին, հատկապես՝ համակարգչին։ Գործակալ 117-ը պետք է թվայնացնի բաժնի բոլոր փաստաթղթերը։
Որոշ ժամանակ անց Հյուբերտին կանչում են ղեկավարությունից։ Պարզվում է, որ աֆրիկյան երկրներից մեկում լքված գործակալ 1001-ը անհետացել է։ Գործակալ 117-ը ուղևորվում է դեպի Աֆրիկա՝ գտնելու իր գործընկերոջը և ավարտելու իր առաքելությունը։ Նախկինում աֆրիկյան այս երկիրը ֆրանսիական գաղութ էր, իսկ այժմ այն անկախ պետություն է։ Բամբայի նախագահը Ֆրանսիայի բարեկամն է, և Ֆրանսիայում կցանկանային, որ այդպես էլ մնար, ուստի այն պետք է անցկացվի տեղական ընտրությունների միջոցով։ Այդ երկրում գործում են բազմաթիվ հեղափոխական խմբավորումներ, որոնք ցանկանում են տապալել նրա ռեժիմը։
Ապստամբները գիտեն, որ երկիր է ժամանել ֆրանսիացի գործակալ։ Շուկայում Գործակալ 117-ին մատնում են և նրան ոստիկանությունը տանում է։ Բանտում Գործակալ 117-ը անսպասելիորեն հանդիպում է Գործակալ 1001-ին։ Երբ իրավիճակը պարզվում է, երկուսն էլ ազատ են արձակվում բանտից։ Գործակալ 1001-ը պատմում է, թե ինչ է իրեն հաջողվել պարզել։ Երկրի բոլոր ապստամբական խմբավորումները միավորվել են և վճռականորեն են տրամադրված տապալել գործող ռեժիմը։ Նրանք միայն զենքի են սպասում։ Կա մի գործարար՝ Ռոլան Լեպերվիե, ով պետք է նրանց տրամադեր այդ զենքերը։ Գործակալները հետևում են Լեպերվյեին և պարզում, որ նրան զենք է փոխանցում Խորհրդային Միությունը։
Գործակալները սավաննայում գտնում են զենքի պահեստ և պայթեցնում այն։ Հեղափոխությունն այս երկրին այլևս չի սպառնում։ Վերադարձի ճանապարհին Գործակալ 1001-ին կոկորդիլոսը քաշում է գետը, իսկ Գործակալ 117-ը գերի է ընկնում պարտիզանների կողմից։ Այնտեղ նա զարմացած հայտնաբերում է, որ միացյալ ապստամբներին ղեկավարում է Զեֆիրինը՝ Բամբայի նախագահի կինը։ Նրանից նա իմանում է, որ ամուսինը կոռումպացված բռնակալ է, և իրենց երկրի ժողովուրդը տառապում է ճնշումներից և աղքատությունից։ Գործակալ 117-ը փախչում է գերությունից, որպեսզի խոսի Բամբայի հետ։ Գործակալին, սակայն, չի հաջողվում համոզել բռնակալին փոխել իր վերաբերմունքը իր ժողովրդի նկատմամբ։
Գործակալ 117-ը պատահաբար բացահայտում է Բամբային նրա կնոջը։ Զեֆիրինի, նրա ամուսնու և նրա կրկնօրինակի միջև ծեծկռտուք է սկսվում։ Զեֆիրինին հաջողվում է սպանել երեքին։ Վերջինը՝ կա՛մ կրնօրինակին, կա՛մ իսկական Բամբային, այլևս թույլ չի տալիս սպանել Գործակալ 117-ը։ Բամբան այս երկրի ընտրված նախագահն է, ով լավ հարաբերություններ է պահպանում Ֆրանսիայի հետ, ուստի նրա նման մարդը պետք է մնա իշխանության ղեկին։ Զեֆիրինը գնում է բանտ, իսկ Գործակալ 117-ը գնում է տուն՝ Ֆրանսիա՝ զեկուցելու հաջող օպերացիայի մասին, բացառությամբ 1001 գործակալի կորստի դժբախտ պատմության։ Գործակալ 117-ը տեղում իմանում է, որ Խորհրդային Միությունն օգնել է Զեֆիրինին փախչել բանտից։ Գործակալ 117-ը նոր հանձնարարություն է ստանում՝ կապված ԽՍՀՄ գործուղման հետ։
Տիտրերի ժամանակ բեմից հայտնի է դառնում, որ կոկորդիլոսի հետ պայքարում Գործակալ 1001-ը կորցրել է ոտքերը, սակայն ողջ է մնացել։
Դերերում[խմբագրել | խմբագրել կոդը]
- Ժան Դյուժարդեն - Հյուբերտ Բոնիսյոր դե լա Բատա/Գործակալ 117
- Պիեր Նինե - Սերժ / Գործակալ 1001[1]
- Ֆատու Ն'Դիայ - Զեֆիրին Բամբա
- Նատաշա Լինդինգեր - Միշելին Փիրսոն
- Հաբիբ Դեմբելե - Կուջո Սանգավե Բամբա
- Փոլ Ուայթ - Լեոն Նկոմո
- Իվան Ֆրանեկ - Կազիմիր
- Ժիլ Կոեն - Ռոլան Լեպերվիե
- Վլադիմիր Իորդանով — Արման Լեզինաց[2]
Բացի այդ, ռեժիսոր Նիկոլաս Բեդոսը նախագահական երեկույթում Միշելին ջենթլմենի դեր է խաղացել։
Արտադրություն[խմբագրել | խմբագրել կոդը]
Նկարահանումները տեղի են ունեցել 2019 թվականի նոյեմբերից մինչև 2020 թվականի փետրվարը՝ Ֆրանսիայում և Քենիայում բնության գրկում, իսկ հետաքրքիր տեսարանները նկարահանվել են Փարիզի տաղավարներում[3][4]։ Չնայած նախնական ծրագրերին, ռեժիսոր Միշել Խազանավիչուսը, ով առաջին երկու ֆիլմերի համահեղինակն ու ռեժիսորն էր, որոշեց չմասնակցել նկարահանումներին սցենարիստ Ժան Ֆրանսուա Հալինի հետ ստեղծագործական տարաձայնությունների պատճառով, և նրան փոխարինեց Նիկոլաս Բեդոսը[5]։ Ինչպես և նախորդ մասերի դեպքում, ֆիլմի սյուժեն ոգեշնչված է այն դարաշրջանի փոփ մշակույթով, որտեղ տեղի է ունենում ֆիլմի գործողությունը, ներառյալ Ջեյմս Բոնդի մասին ֆիլմերի շարքը, մասնավորապես «Միայն քո աչքերի համար» և «Երբեք մի ասա «երբեք»» ֆիլմերը, ինչպես նաև Ինդիանա Ջոնսի մասին ֆիլմերը[6][7]։
Նախկինում «Հրաշալի դարաշրջան» ֆիլմի վրա աշխատած Բեդոսն ու Ան-Սոֆի Վերսնեյենը գրել են ֆիլմի սաունդթրեքը, ընդ որում Վերսնեյենը ասում է, որ ոգեշնչում էր Բիլ Կոնտիի աշխատանքը «Միայն քո աչքերի համար» ֆիլմի վրա[8]։ Դուետը գրել է նաև ֆիլմի թեմատիկ երգը՝ «From Africa With Love», որը անվանվել է ֆիլմի պատվին և կատարել է ֆրանսիացի երգչուհի Ինդի Էկան։ Դեյվիդ Թոմաշևսկիի կողմից մշակված ներածական տիտրերը, ովքեր ոգեշնչվել են Մորիս Բայդերի, Ռոբերտ Բրաուդջոնի և Դանիել Քլեյնմանի աշխատանքներից՝ հարգանքի տուրք մատուցելով Ջեյմս Բոնդի ֆիլմերի գլխավոր տիտրերին[9]։
Թողարկում[խմբագրել | խմբագրել կոդը]
Ֆիլմի պրեմիերան կայացել է Կանայան 74-րդ կինոփառատոնում[10]։ Ֆրանսիայում պրեմիերան տեղի է ունեցել 2021 թվականի օգոստոսի 4-ին, երկու անգամ հետաձգվելուց հետո COVID-19 համավարակի պատճառով[11]։
Հնարավոր շարունակություն[խմբագրել | խմբագրել կոդը]
Ռեժիսոր Նիկոլա Բեդոսը և սցենարիստ Ժան Ֆրանսուա Հալինը հետաքրքրություն են հայտնել չորրորդ ֆիլմի համար, չնայած պաշտոնական հաստատում չի եղել[12][13]։
Ծանոթագրություններ[խմբագրել | խմբագրել կոդը]
- ↑ L. B. (2019 թ․ հոկտեմբերի 15). «Pierre Niney rejoint le casting d'"OSS 117 : Alerte rouge en Afrique noire"». 20 Minutes. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ ապրիլի 28-ին.
- ↑ «Le titre délicieusement ringard du nouvel OSS 117 vient d'être dévoilé». lefigaro.fr (ֆրանսերեն). 2019 թ․ սեպտեմբերի 13. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ ապրիլի 28-ին.
- ↑ «OSS 117 3: le tournage a commencé pour Alerte rouge en Afrique noire» (ֆրանսերեն). 2019 թ․ նոյեմբերի 15. Արխիվացված օրիգինալից 2021 թ․ հոկտեմբերի 19-ին. Վերցված է 2021 թ․ հոկտեմբերի 10-ին.
- ↑ «OSS 117 3: first photos of Pierre Niney with Jean Dujardin». 2021 թ․ հունվարի 21. Արխիվացված օրիգինալից 2021 թ․ փետրվարի 20-ին. Վերցված է 2021 թ․ մարտի 16-ին.
- ↑ «OSS 177 : Jean Dujardin réagit au remplacement de Michel Hazanavicius par Nicolas Bedos à la réalisation» (ֆրանսերեն). 2021 թ․ օգոստոսի 4. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ օգոստոսի 28-ին.
- ↑ «Décryptage de l'affiche du nouvel OSS 117 dévoilée par son réalisateur, Nicolas Bedos» (ֆրանսերեն). 2020 թ․ սեպտեմբերի 11. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ օգոստոսի 28-ին.
- ↑ «OSS 117 Alerte rouge en Afrique noire : un retour éphémère» (ֆրանսերեն). 2021 թ․ օգոստոսի 4. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ օգոստոսի 28-ին.
- ↑ «Interview: Anne-Sophie Versnaeyen on Scoring OSS 117: From Africa with Love». 2021 թ․ օգոստոսի 18. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ օգոստոսի 28-ին.
- ↑ «From Africa with Love - From "OSS 117 : Alerte rouge en Afrique noire" (Official Video)». 2021 թ․ օգոստոսի 7. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ սեպտեմբերի 5-ին.
- ↑ Rosser, Michael (2021 թ․ հունիսի 25). «Cannes 2021 to close with spy spoof 'OSS 117: From Africa With Love'». Screen Daily. Արխիվացված օրիգինալից 2021 թ․ օգոստոսի 4-ին. Վերցված է 2021 թ․ օգոստոսի 4-ին.
- ↑ «OSS 117 en Afrique noire : une sortie estivale pour le film avec Jean Dujardin et Pierre Niney» (ֆրանսերեն). 2021 թ․ մարտի 25. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ հոկտեմբերի 10-ին.
- ↑ «OSS 117 3: is a 4th film planned? – Cinema News». 2021 թ․ օգոստոսի 7. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ սեպտեմբերի 1-ին.
- ↑ «OSS 117: Soon a fourth film?». 2021 թ․ օգոստոսի 9. Արխիվացված օրիգինալից 2021 թ․ հոկտեմբերի 10-ին. Վերցված է 2021 թ․ սեպտեմբերի 1-ին.
|
