Գորիսի պետական համալսարան
Գորիսի պետական համալսարան | |
|---|---|
 | |
| Տեսակ | համալսարան |
| Միջազգային անվանում | Goris State University |
| Հիմնադրված է | 1967 |
| Ռեկտոր | Տիգրան Վանդունց |
| Ուսանողներ | 1․200 |
| Ակադեմիկոսներ | 44 |
| Պրոֆեսորներ | 7 |
| Դոցենտներ | 23 |
| Ասիստենտներ | 18 |
| Դասախոսներ | 50 |
| Գույներ | կապույտ և սպիտակ |
| Երկիր |  Հայաստան |
| Տեղագրություն | Գորիս |
| Հասցե | Հայաստան, ք. Գորիս, Ավանգարդ 2 |
| Կայք | gorsu.am |
  Գորիսի պետական համալսարան, Հայաստան | |
Գորիսի պետական համալսարան, Հայաստանի հարավային տարածաշրջանի միակ պետական բարձրագույն ուսումնական հաստատությունն է։
Պատմություն[խմբագրել | խմբագրել կոդը]
1960-ական թվականներին Գորիսի շրջանում կային սոցիալ-տնտեսական և կուլտուր-լուսավորչական վերափոխումների խոշոր խնդիրներ։ Այդ խնդիրներից մեկն էր լուծել շրջանի երիտասարդության բարձրագույն կրթությունը տեղում կազմակերպելու հարցը՝ Գորիսը դարձնել Սյունիքի և Հայաստանի կրթության և մշակույթի զարգացման կենտրոններից մեկը։ Հայկական ԽՍՀ Մինիստրների խորհրդի 1967 թվականի հոկտեմբերի 1-ի որոշմամբ Գորիսում հիմնվեց Երևանի Խ. Աբովյանի անվան մանկավարժական ինստիտուտի մասնաճյուղ[1][2]։ 1984 թվականին այն վերափոխվեց Երևանի պոլիտեխնիկական ինստիտուտի Գորիսի մասնաճյուղի, 1990 թվականին վերանվանվեց Հայաստանի ճարտարագիտական համալսարանի Գորիսի մասնաճյուղ[3]։ Հայաստանի Հանրապետության կառավարության 2005 թվականի հոկտեմբերի 5-ի N 2400 որոշման[4] համաձայն դադարեցվում է «Հայաստանի պետական ճարտարագիտական համալսարան» պետական ոչ առևտրային կազմակերպության Գորիսի մասնաճյուղի գործունեությունը, և դրա փոխարեն ստեղծվում է «Գորիսի պետական համալսարան» պետական ոչ առևտրային կազմակերպությունը։ Կազմավորվել է ՀՊՄՀ-ի և ՀՊՃՀ-ի մասնաճյուղերի հիմքի վրա։ 2010-2011 ուսումնական տարում համալսարանում սովորել է շուրջ 2 հազար ուսանող։ Գորիսի պետական համալսարանի հիմնադիր ռեկտորը եղել է Յուրիկ Սաֆարյանը (2006)։
2016 թվականին «Գորիսի պետական համալսարան» ՊՈԱԿ-ի ռեկտոր է ընտրվել ֆիզիկամաթեմատիկական գիտությունների դոկտոր, պրոֆեսոր, Արտուշ Ղուկասյանը։
2022 թվականի մայիսի 5-ին «Գորիսի պետական համալսարան» ՊՈԱԿ-ի ռեկտոր է ընտրվել, իսկ 2022 թվականի հունիսի 6-ին նշանակվել է ռեկտորի պաշտոնին Տիգրան Վալերիկի Վանդունցը՝ 5 տարի ժամկետով:Նրան 2011թ. շնորհվել է դոցենտի գիտական կոչում «Նյութագիտություն և մետալուրգիա» մասնագիտությամբ:Ինչպես նաև 2013թ. ստացել է ՀՀ Նախագահի հովանու ներքո իրականացվող երիտասարդ գիտնականների աջակցության ծրագրի` Նագուշ Հարությունյանի անվան 2-րդ կարգի մրցանակ տեխնիկական գիտությունների և մեխանիկայի բնագավառում։
Ֆակուլտետներ[խմբագրել | խմբագրել կոդը]
Հումանիտար և հասարակագիտական մասնագիտությունների ֆակուլտետ[խմբագրել | խմբագրել կոդը]
- Հայոց լեզու և գրականություն
- Մանկավարժություն և հոգեբանություն
- Պատմություն
- Իրավագիտություն
- Ֆիզիկական դաստիարակություն և սպորտ
Բնագիտական մասնագիտությունների ֆակուլտետ[խմբագրել | խմբագրել կոդը]
- Մաթեմատիկա և ինֆորմատիկա
- Կենսաբանություն և քիմիա
- Ֆիզիկայի սեկտոր
Ճարտարագիտության և տնտեսագիտության ֆակուլտետ[խմբագրել | խմբագրել կոդը]
- Էլեկտրոնիկա և էլեկտրաէներգետիկա
- Տնտեսագիտություն
- Օտար լեզուներ
Գիտական խորհուրդ[խմբագրել | խմբագրել կոդը]
Գորիսի պետական համալսարանի կառավարման մարմինը հանդիսանում է գիտական խորհուրդը։ Գիտական խորհուրդը լուծում է համալսարանի ուսումնամեթոդական և գիտահետազոտական գործունեության կազմակերպման, պլանավորման և կառավարման հարցերը։ Գիտական խորհուրդը ի պաշտոնե և ընտրովի կազմված է քսանութ անդամներից։ Գիտական խորհրդի նախագահը հանդիսանում է ռեկտորը։ Գիտական խորհրդի անդամների թվի քսանհինգ տոկոսը ուսանողներ են, որոնց առաջադրումն իրականացնում է ուսանողական խորհուրդը։ Գիտական խորհրդի կազմը հաստատվում է ռեկտորի հրամանով։ Այն ձևավորվում է հինգ տարի ժամկետով։
Համալսարանի խորհուրդ[խմբագրել | խմբագրել կոդը]
Համալսարանի խորհուրդ հանդիսանում է համալսարանի կոլեգիալ կառավարման մարմինը։ Այն նույնպես ձևավորում է 5 տարի ժամկետով։ Համալսարանի խորհուրդը քննարկում և հաստատում է Գորիսի պետական համալսարանի բյուջեն, համալսարանի զարգացման ռազմավարական ծրագրերը։ Համալսարանի խորհուրդը ձևավորում է բուհի պրոֆեսորադասախոսական կազմի (25%), ուսանողներ ( 25%), հիմնադրի (ՀՀ կառավարություն) ու լիազորված մարմնի (ՀՀ կրթության և գիտության նախարարություն) ներկայացուցիչներից (25%)։ Համալսարանի խորհուրդը կազմված է 24 անդամից։ Ռեկտորը չի կարող լինել համալսարանի խորհրդի անդամ։
Միջազգային համագործակցություն[խմբագրել | խմբագրել կոդը]
Անվանի համալսարանականներ[խմբագրել | խմբագրել կոդը]
- Սրբուհի Գրիգորյան, հայ քաղաքական գործիչ, ՀՀ ԱԺ 7-րդ գումարման պատգամավոր[5]։ «Լուսավոր Հայաստան» խմբակցության անդամ[6][7]։
Ծանոթագրություններ[խմբագրել | խմբագրել կոդը]
- ↑ ԳՈՐԻՍԻ ՊԵՏԱԿԱՆ ՀԱՄԱԼՍԱՐԱՆ 2012
- ↑ «VivaCell-MTS ընկերությունը Գորիսի համալսարանն ապահովել է համակարգչային սարքավորումներով և Wi-Fi կապով». Արխիվացված է օրիգինալից 2017 թ․ հուլիսի 13-ին. Վերցված է 2017 թ․ հուլիսի 10-ին.
- ↑ «ԳՈՐԻՍ ՔԱՂԱՔԻ ՊԱՏՄԱՄՇԱԿՈՒԹԱՅԻՆ ՀԻՄՆԱՎՈՐՄԱՆ ՆԱԽԱԳԻԾԸ ԵՎ ՔԱՂԱՔԻ ՊԱՏՄԱԿԱՆ ՏԱՐԱԾՔԻ, ՆՐԱ ԱՌԱՆՁԻՆ ՀԱՏՎԱԾՆԵՐԻ ՎԵՐԱԿԱՌՈՒՑՄԱՆ ԵՎ ՕԳՏԱԳՈՐԾՄԱՆ ԾՐԱԳՐԻ ՀԱՅԵՑԱԿԱՐԳԸ» (PDF). Արխիվացված է օրիգինալից (PDF) 2016 թ․ մարտի 5-ին. Վերցված է 2017 թ․ հուլիսի 10-ին.
- ↑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ 6 հոկտեմբերի 2005 թվականի N 2400-Ն Ո Ր Ո Շ ՈՒ Մ Ը
- ↑ «ԿԸՀ-ն հաստատեց ԱԺ պատգամավորների անվանացանկը․ ովքեր են լինելու «Լուսավոր Հայաստան» խմբակցության պատգամավորները».
- ↑ «National Assembly of Armenia | Official Web Site | parliament.am». parliament.am. Վերցված է 2019 թ․ հունվարի 20-ին.
- ↑ «www.brightarmenia.am». Bright Armenia Party. Վերցված է 2019 թ․ հունվարի 20-ին.(չաշխատող հղում)
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստան հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
| ||||||
