Գիլերմո Ամոր

Գիլերմո Ամոր; իսպ.՝ Guillermo Amor
Անձնական տվյալներ
Քաղաքացիությունը	Իսպանիա
Ծննդյան ամսաթիվ	դեկտեմբերի 4, 1967 (58 տարեկան)
Ծննդավայր	Բենիդորմ
Հասակ	174 սմ
Քաշ	73 կգ
Դիրք	կիսապաշտպան
Պատանեկան կարիերա
1980-1987	Բարսելոնա
Մասնագիտական կարիերա*
Ազգային հավաքական
Մարզչական կարիերա
2015-2017	Ադելաիդա Յունայթեդ
	* Մասնագիտական կարիերայում ընդգրկված են միայն առաջնության խաղերը և գոլերը:

Գիլերմո Ամոր Մարտինես (իսպ.՝ Guillermo Amor Martínez, դեկտեմբերի 4, 1967(1967-12-04)^[1]^[2]^[3], Բենիդորմ), իսպանացի ֆուտբոլիստ, հանդես է եկել որպես կիսապաշտպան։ Հայտնի է «Բարսելոնայում» իր ելույթներով։ Իսպանիայի հավաքականի կազմում անցկացրել է 37 խաղ։ Խաղացողի կարիերան ավարտելուց հետո դարձել է մարզիչ։

Կարիերա

Ակումբային

«Բարսելոնայի» սկաուտը 13-ամյա Ամորին նկատել է նրա հայրենի Բենիդորմի պատանեկան առաջնությունում^[4]։ Նա աչքի է ընկել իր խաղով, ընդ որում, ինչպես հետագայում պարզվել է, նա խաղացել է կեղծ փաստաթղթերով և իրականում եղել է 11 տարեկան։ Չնայած նրան, որ «Բարսելոնայի» ակադեմիա ընդունվում են միայն 14 տարեկանից բարձր պատանիները, Ամորի համար բացառություն է արվել^[4]։

«Բարսելոնայի» հիմնական թիմի խաղերին Ամորին, որը մինչ այդ հանդես էր գալիս պատանեկան թիմերում և երկրորդ կազմում, ընդգրկվել է Յոհան Կրոյֆըի շնորհիվ։ Իսպանիայի առաջնության 1988/1989 մրցաշրջանի սկսվելուց առաջ Գիլերմոն ընդգրկվել է «Բարսայի» հայտացուցակում։ Սկզբում ֆուտբոլիստը եղել է պահեստայինների կազմում, բայց մի քանի հաջող խաղերից հետո տեղ է գրավել թիմի մեկնարկային կազմում։ Իր առաջին մրցաշրջանում 21-ամյա Ամորը խփել է 8 գոլ։

Ընդհանուր առմամբ Գիլերմոն «Բարսելոնայում» անց կացրել է 10 մրցաշրջան. Պրեմիերայում նա անցկացրել է 311 խաղ և խփել 47 գոլ։ Ամորը նվաճել է բոլոր տիտղոսները ազգային մակարդակում, ինչպես նաև հաղթել եվրոպական մի շարք մրցաշարերում և դարձել ամենատիտղոսակիր խաղացողը «Բարսելոնայի» պատմության մեջ։ Ակումբից ֆուտբոլիստի հեռանալու պատճառը եղել է Լուի վան Գալի հետ կոնֆլիկտը^[4]։

1998 թվականին Ամորը տեղափոխվել է «Ֆիորենտինա»։ Խաղացողն Իտալիայում անցկացրել է 2 մրցաշրջան, որից հետո վերադարձել է Իսպանիա՝ ընդգրկվելով «Վիլյառեալի» կազմում։ Ամորի վերջին ակումբը եղել է շոտլանդական «Լիվինգսթոնը», որտեղ մասնակցել է 3 խաղի 2002/03 մրցաշրջանում^[5]։

Միջազգային

Իսպանիայի հավաքականում իր նորամուտը Ամորը կատարել է Եվրո-92 նախընտրական փուլի՝ Չեխոսլովակիայի հավաքականի դեմ խաղում (2:3)։ Իսպանիայի հավաքականի կազմում Գիլերմոն մասնակցել է միջազգային 2 խոշոր մրցաշարերի՝ 1996 թվականի Եվրոպայի առաջնությանը (որտեղ նա հեղինակել է հաղթական գոլը Ռումինիայի հավաքականի դեմ խաղում) և 1998 թվականի աշխարհի առաջնությանը։

Միջազգային կարիերան Ամորն ավարտել է 1998 թվականի սեպտեմբերի 5-ին 30 տարեկան հասակում։ Ֆուտբոլիստի վերջին խաղը դարձել է հանդիպումը Կիպրոսի հավաքականի հետ, որում վերջիններս հաղթել են 3:2 հաշվով։ Ընդհանուր առմամբ Ամորը հավաքականի կազմում անցկացրել է 37 խաղ և խփել 4 գոլ։

Գործունեությունը «Բարսելոնայում»

Խաղացողի կարիերան ավարտելուց հետո՝ 2003-2007 թվականներին, Ամորը գլխավորել է «Բարսելոնայի» ֆուտբոլային բազան և մանկական թիմը^[4]։

2010 թվականին վերադարձել է թիմ՝ զբաղեցնելով երիտասարդական թիմերի մարզական տնօրենի պաշտոնը^[6]։

Ելույթների վիճակագրություն

Ակումբային վիճակագրություն

Ելույթներ			Լիգա		Երկրի գավաթ		Եվրագավաթ		Այլ		Ընդհանուր
Ակումբ	Լիգա	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Բարսելոնա Բ	Սեգունդա	1984/85	1	0	0	0	—		—		1	0
		1985/86	0	0	0	0	—		—		0	0
		1986/87	3	0	0	0	—		—		3	0
		1987/88	38	8	0	0	—		—		38	8
		1988/89	7	2	0	0	—		—		7	2
	Արդյունք		49	10	0	0	0	0	0	0	49	10
Բարսելոնա	Պրիմերա	1988/89	27	8	?	?	5	2	0	0	?	?
		1989/90	33	6	?	?	2	0	1	1	?	?
		1990/91	34	4	?	?	8	2	2	0	?	?
		1991/92	36	6	?	?	3	1	2	1	?	?
		1992/93	33	5	?	?	4	1	5	0	?	?
		1993/94	37	8	?	?	12	2	2	0	?	?
		1994/95	34	4	1	0	6	1	2	1	43	6
		1995/96	28	6	6	2	6	1	0	0	40	9
		1996/97	26	0	3	0	6	0	2	0	37	0
		1997/98	23	0	4	0	4	0	3	0	34	0
	Ընդհանուր		311	47	14	2	56	10	19	3	400	62
Ամբողջ կարիերա			360	57	14	2	56	10	19	3	449	72

Ձեռքբերումներ

Թիմային

«Բարսելոնա»

Իսպանիայի չեմպիոն - 1991, 1992, 1993, 1994, 1998
Իսպանիայի գավաթակիր - 1990, 1997, 1998
Իսպանիայի Սուպերգավաթի դափնեկիր - 1991, 1992, 1994, 1996
ՈՒԵՖԱ Չեմպիոնների Լիգայի հաղթող - 1992
ՈՒԵՖԱ Սուպերգավաթի դափնեկիր - 1992, 1997
Գավաթակիրների գավաթի խաղարկության հաղթող - 1989, 1997

Անձնական կյանք

Ամորն ամուսնացած է, նրա կնոջ անունը Մարտա է։ Զույգն ունի երեք որդի՝ Ալեքսանդրը, Գիլերմոն և Դանիելը^[4]։

2007 թվականի դեկտեմբերի 16-ին Ամորը ենթարկվել է ավտովթարի։ AP-7 ճանապարհին ֆուտբոլիստի «Range Rover» մակնիշի մեքենան դուրս է եկել ճանապարհից և բախվել բետոնե պատին^[4]։ Ամորը վիրահատվել է և մեկ շաբաթ անցկացրել հիվանդանոցում^[7]։

Ծանոթագրություններ

1 2 Transfermarkt.com(բազմ․) — 2000.
1 2 Enciclopèdia de l'esport català (կատ.) — Grup Enciclopèdia, 2012.
1 2 FBref.com
1 2 3 4 5 6 «Гильермо Амор. «О Любви»». Barcamania. Արխիվացված է օրիգինալից 2012 թ․ մայիսի 3-ին. Վերցված է 2015 թ․ մայիսի 29-ին.
↑ «Livingston complete Amor coup» (անգլերեն). Официальный сайт УЕФА. 27 января 2003. Արխիվացված օրիգինալից 2012 թ․ մայիսի 3-ին. Վերցված է 2015 թ․ մայիսի 29-ին.
↑ «Амор: главное – иметь командный дух». Чемпионат.ру. 14 июля 2010 года. Արխիվացված է օրիգինալից 2012 թ․ մայիսի 3-ին. Վերցված է 2010 թ․ հուլիսի 21-ին.
↑ «Amor: "Jamás pensé que pudiera llegar a pasarme esto a mí"» (իսպաներեն). Diario Marca. 10 января 2008. Արխիվացված է օրիգինալից 2012 թ․ մայիսի 3-ին. Վերցված է 2010 թ․ հուլիսի 21-ին.

Արտաքին հղումներ

Գիլերմո Ամոր պրոֆիլը BDFutbol կայքում
Վիճակագրությունը National Football Teams կայքում(անգլ.)

Վիքիպահեստն ունի նյութեր, որոնք վերաբերում են «Գիլերմո Ամոր» հոդվածին։

[_ade0c89af8ad0ccc-1] 1 2 Transfermarkt.com(բազմ․) — 2000.

[_c559eee6aa1f2ce3-2] 1 2 Enciclopèdia de l'esport català (կատ.) — Grup Enciclopèdia, 2012.

[_963f7f9545e84689-3] 1 2 FBref.com

[one-4] 1 2 3 4 5 6 «Гильермо Амор. «О Любви»». Barcamania. Արխիվացված է օրիգինալից 2012 թ․ մայիսի 3-ին. Վերցված է 2015 թ․ մայիսի 29-ին.

[5] «Livingston complete Amor coup» (անգլերեն). Официальный сайт УЕФА. 27 января 2003. Արխիվացված օրիգինալից 2012 թ․ մայիսի 3-ին. Վերցված է 2015 թ․ մայիսի 29-ին.

[6] «Амор: главное – иметь командный дух». Чемпионат.ру. 14 июля 2010 года. Արխիվացված է օրիգինալից 2012 թ․ մայիսի 3-ին. Վերցված է 2010 թ․ հուլիսի 21-ին.

[7] «Amor: "Jamás pensé que pudiera llegar a pasarme esto a mí"» (իսպաներեն). Diario Marca. 10 января 2008. Արխիվացված է օրիգինալից 2012 թ․ մայիսի 3-ին. Վերցված է 2010 թ․ հուլիսի 21-ին.

[1]

[2]

[3]

[4]

[5]

[6]

[7]